പുതിയ മൂന്നു എന്‍ട്രി പെര്‍മിറ്റുകളുമായി കുവൈറ്റ്; ഫാമിലി വിസിറ്റ് വിസകള്‍ പുനസ്ഥാപിക്കും
Sumayya P | Samayam Malayalam | Updated: 11 Jun 2023, 1:36 pm
നിബന്ധനകളുടെ വിശദാംശങ്ങള്‍ പുറത്തുവന്നിട്ടില്ല. കുവൈറ്റ് പ്രവാസികളുടെ ഫസ്റ്റ് ഡിഗ്രി ബന്ധുക്കളില്‍ ഉള്‍പ്പെട്ടവര്‍ക്ക് മുന്‍ഗണന നല്‍കും.
വിസകൾ അനുവദിച്ചു തുടങ്ങി
ജനറല്‍ ഡയറക്ടറേറ്റ് ഓഫ് റെസിഡന്‍സ് അഫയേഴ്സിന്റെ നിയന്ത്രണങ്ങള്‍ക്കനുസൃതമായി രാജ്യത്തെ സ്പോര്ട്സ് ക്ലബ്ബുകള്‍ അല്ലെങ്കില്‍ അംഗീകൃത സാംസ്‌കാരിക, സാമൂഹിക സ്ഥാപനങ്ങള്‍, അസോസിയേഷനുകള്‍ എന്നിവ സമര്‍പ്പിക്കുന്ന അപേക്ഷയുടെ അടിസ്ഥാനത്തിലാണ് ജനറല്‍ ഡയറക്ടറേറ്റ് ഓഫ് റെസിഡന്‍സ് അഫയേഴ്സ് വിസ നല്‍കുന്നത്. മൂന്ന് മാസത്തേക്ക് രാജ്യത്ത് താല്‍ക്കാലികമായി താമസിക്കാന്‍ അനുവദിക്കുന്നതാണ് പുതിയ വിസകള്‍. വ്യവസ്ഥകള്‍ക്കു വിധേയമായി പ്രവേശന തീയതി മുതല്‍ ഒരു വര്‍ഷത്തില്‍ കൂടാത്ത കാലയളവിലേക്ക് ഈ വിസകള്‍ പുതുക്കാനും അനുമതിയുണ്ടായിരിക്കുമെന്നും അധികൃതര്‍ അറിയിച്ചു.
പുതിയ ലക്ഷ്യങ്ങൾ
ഇത് രാജ്യത്തെ കായിക, സാംസ്‌കാരിക, സാമൂഹിക മേഖലകള്‍ക്ക് കൂടുതല്‍ കരുത്ത് പകരുമെന്നും രാജ്യത്തെ സാമ്പത്തിക വാണിജ്യ മുന്നേറ്റത്തെ ഉത്തേജിപ്പിക്കുമെന്നും പ്രതീക്ഷിക്കുന്നതായും അധികൃതര്‍ അറിയിച്ചു. മാത്രമല്ല, വിസ അപേക്ഷാ പ്രക്രിയ കാര്യക്ഷമമാക്കുന്നതിന് ഒരു പ്രത്യേക സംവിധാനം നടപ്പിലാക്കുന്നതിനായി ആഭ്യന്തര മന്ത്രാലയം നിലവില്‍ പ്രവര്‍ത്തിക്കുന്നുണ്ട്. സ്ഥാപിത നടപടിക്രമങ്ങള്‍ക്കനുസൃതമായി റസിഡന്‍സ് അഫയേഴ്സ് ഡിപ്പാര്‍ട്ട്മെന്റുകളിലെ അവലോകന പ്രക്രിയ കാര്യക്ഷമമാക്കുന്നതിന് ഇലക്ട്രോണിക് സംവിധാനം അവതരിപ്പിക്കുന്നത് ഉള്‍പ്പെടെയുള്ള നടപടികളാണ് ഇതിന്റെ ഭാഗമായി നടക്കുക.
വൃദ്ധ ദമ്പതികളുടെ കുളിമുറിയും, ശുചി മുറിയും അടിച്ച് തകർത്ത് സാമൂഹ്യ ദ്രോഹികൾ
വൃദ്ധ ദമ്പതികളുടെ കുളിമുറിയും, ശുചി മുറിയും അടിച്ച് തകർത്ത് സാമൂഹ്യ ദ്രോഹികൾ
വീണ്ടും വിസിറ്റ് വിസയ്ക്ക് അപേക്ഷിക്കാന്‍ അനുവദിച്ചേക്കുമെന്ന് റിപ്പോര്‍ട്ട്
അതിനിടെ, മാസങ്ങള്‍ നീണ്ട ഇടവേളയ്ക്ക് ശേഷം, കുവൈറ്റ് വീണ്ടും കുടുംബങ്ങളെ വിസിറ്റ് വിസയ്ക്ക് അപേക്ഷിക്കാന്‍ അനുവദിച്ചേക്കുമെന്ന് റിപ്പോര്‍ട്ട്. രാജ്യത്തെ പ്രവാസികളെ സംബന്ധിച്ചിടത്തോളം ഏറെ ആശ്വാസകരമാണ് തങ്ങളുടെ പ്രിയപ്പെട്ടവരുമായി വീണ്ടും ഒന്നിക്കാന്‍ അവര്‍ക്ക് അവസരം നല്‍കുന്ന ഈ തീരുമാനം. വിസ അനുവദിക്കുന്നതുമായി ബന്ധപ്പെട്ട ആവശ്യമായ നടപടിക്രമങ്ങളും ആവശ്യകതകളും പൂര്‍ത്തിയാക്കിയ ശേഷം ഫാമിലി വിസ അപേക്ഷകള്‍ വീണ്ടും അനുവദിച്ചു തുടങ്ങാനുള്ള തയ്യാറെടുപ്പിലാണ് കുവൈറ്റ് അധികൃതര്‍. അപേക്ഷകര്‍ക്കുള്ള യോഗ്യതാ മാനദണ്ഡത്തില്‍ ശമ്പളവും ജോലി പരിഗണനകളും ഉള്‍പ്പെടും.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
