ഹൈലൈറ്റ്:
- സെപ്തംബര്‍ 15 വരെ തൊഴില്‍ സമയത്തിലുള്ള ഈ നിയന്ത്രണം തുടരും.
- തൊഴിലിടങ്ങളില്‍ തണുത്ത കുടിവെള്ളം ലഭ്യമാക്കണമെന്നും ക്ഷീണം അനുഭവപ്പെടുന്ന തൊഴിലാളികള്‍ക്ക് വിശ്രമിക്കാനും പ്രഥമശുശ്രൂഷ നല്‍കാനുമുള്ള സൗകര്യപ്രദമായ സംവിധാനമൊരുക്കണം
Also Read: 
വാക്‌സിന്‍ എടുത്തവര്‍ക്ക് ക്വാറന്റൈന്‍ വേണ്ടെന്ന് സൗദി; അല്ലാത്തവര്‍ക്ക് ഏഴു ദിവസം
താരതമ്യേന ചൂട് കൂടുതലായതിനാല്‍ ഈ വര്‍ഷം രണ്ട് മണിക്കൂര്‍ അധിക വിശ്രമമാണ് ഖത്തര്‍ തൊഴില്‍ മന്ത്രാലയം വിശ്രമം അനുവദിച്ചിരിക്കുന്നത്. സപ്തംബര്‍ 15 വരെ നിര്‍ബന്ധിത വിശ്രമ സമയം ഒഴിവാക്കി തൊഴിലാളികളുടെ സമയക്രമം ക്രമീകരിക്കണമെന്ന് തൊഴിലുടമകള്‍ക്കും കമ്പനികള്‍ക്കും മന്ത്രാലയം നിര്‍ദ്ദേശം നല്‍കി. പുതുക്കിയ സമയക്രമം തൊഴിലിടങ്ങളില്‍ എല്ലാവര്‍ക്കും കാണാവുന്ന രീതിയില്‍ പതിപ്പിക്കണം. കൂടാതെ തൊഴിലിടങ്ങളില്‍ തണുത്ത കുടിവെള്ളം ലഭ്യമാക്കണമെന്നും ക്ഷീണം അനുഭവപ്പെടുന്ന തൊഴിലാളികള്‍ക്ക് വിശ്രമിക്കാനും പ്രഥമശുശ്രൂഷ നല്‍കാനുമുള്ള സൗകര്യപ്രദമായ സംവിധാനമൊരുക്കണമെന്നും നിര്‍ദ്ദേശമുണ്ട്. ചൂട് കാലത്തിന് അനുയോജ്യമായ അയഞ്ഞതും കനം കുറഞ്ഞതും ഇളം നിറത്തിലുള്ളതുമായ വസ്ത്രങ്ങള്‍ തൊഴിലാളികള്‍ക്ക് നല്‍കണം. തൊഴിലിടങ്ങളിലെ താപനില കൃത്യമായി അളക്കാനുള്ള സംവിധാനം സജ്ജീകരിക്കണം. വെറ്റ്ബള്‍ബ് ഗ്ലോബ് ടെമ്പറേച്ചല്‍ സൂചിക അനുസരിച്ച് 32.1 ഡിഗ്രി കടന്നാല്‍ ജോലി നിര്‍ത്തിവെക്കണം.
നിരോധിത സമയത്ത് തൊഴിലാളികളെ കൊണ്ട് പുറം ജോലി ചെയ്യിക്കുന്നില്ലെന്ന് ഉറപ്പുവരുത്തുന്നതിന് മന്ത്രാലയം ഉദ്യോഗസ്ഥര്‍ തൊഴിലിടങ്ങളില്‍ വ്യാപകമായ പരിശോധനകള്‍ നടത്തും. നിയമം ലംഘിക്കുന്ന സ്ഥാപനങ്ങള്‍ക്കും കമ്പനികള്‍ക്കും പിഴ, പ്രവൃത്തി നിര്‍ത്തിവെക്കല്‍, ലൈസന്‍സ് റദ്ദാക്കല്‍ ഉള്‍പ്പെടെയുള്ള ശിക്ഷകള്‍ ലഭിക്കുമെന്നും മന്ത്രാലയം മുന്നറിയിപ്പ് നല്‍കി.
ബ്ലാക്ക് ഫംഗസ്: മണ്ണാര്‍ക്കാട് മരണം രണ്ടായി
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : summer working hours in open spaces begins today
Malayalam News from malayalam.samayam.com, TIL Network
