രാജസേനൻ, ഭീമൻ രഘു, അലി അക്ബർ; പാർട്ടിയിലെ കൊഴിഞ്ഞുപോക്കിനോട് പ്രതികരിച്ച് കെ സുരേന്ദ്രൻ
Authored by Deepu Divakaran | Samayam Malayalam | Updated: 16 Jun 2023, 6:14 pm
സംസ്ഥാനത്ത് ബിജെപിയിൽനിന്നുള്ള കൊഴിഞ്ഞുപോക്കിൽ പ്രതികരണവുമായി കെ സുരേന്ദ്രൻ. രാജികൾ നിർഭാഗ്യകരമാണെന്നും ആരെയും അവഗണിച്ചിട്ടില്ലെന്നും സുരേന്ദ്രൻ പറഞ്ഞു.
ഹൈലൈറ്റ്:
- കൊഴിഞ്ഞുപോക്കിൽ പ്രതികരിച്ചു കെ സുരേന്ദ്രൻ.
- ‘രാജികൾ നിർഭാഗ്യകരം’.
- ആരെയും അവഗണിച്ചിട്ടില്ലെന്നും സുരേന്ദ്രൻ.
നിരവധി ആളുകൾ പാർട്ടിയിലേക്ക് വരുന്നുണ്ട്. മറ്റു പാർട്ടികളിൽ നിന്നും സമൂഹ്യസംഘടനകളിൽ നിന്നും ദിവസേനയെന്നോളം ആളുകൾ ബിജെപിയിൽ ചേരുകയാണ്. പക്ഷേ, ഓരോ വ്യക്തിയും പോകുന്നത് നിർഭാഗ്യകരമാണ്. ബിജെപിയിൽനിന്ന് ആരെങ്കിലും വിട്ടുപോകുന്നുണ്ടെങ്കിൽ തീർച്ചയായും പരിശോധിക്കും. ഓരോരുത്തരും അവരവരുടെ കാര്യങ്ങൾ പറഞ്ഞുകൊണ്ടാണ് പോകുന്നത്. കലാകാരന്മാർക്ക് പാർട്ടി നല്ല പരിഗണന നൽകിയിട്ടുണ്ടെന്നും സുരേന്ദ്രൻ അവകാശപ്പെട്ടു.
അപകടത്തില്‍ മരിച്ച അഭിമന്യുവിന്‍റെ ഓർമയ്ക്കായി ബസ് കാത്തിരിപ്പ് കേന്ദ്രം
“സംവിധായകൻ രാജസേനൻ ബിജെപിയിൽ ചേർന്നപ്പോൾ അദ്ദേഹത്തെ പാർട്ടിയുടെ ഉന്നത സമിതിയായ സംസ്ഥാന സമിതിയിൽ ഉൾപ്പെടുത്തി, നിയമസഭാ തെരഞ്ഞെടുപ്പിൽ മത്സരിക്കാനുള്ള അവസരം നൽകി, എല്ലാ പാർട്ടിവേദികളിലും മാന്യമായ സ്ഥാനം നൽകി. അലി അക്ബറിൻ്റെ കാര്യത്തിലും ഇതുതന്നെയാണ് ചെയ്തിട്ടുള്ളത്. അലി അക്ബറിനെ ബിജെപിയുടെ സംസ്ഥാന സമിതി അംഗമായിട്ടാണ് ഉൾപ്പെടുത്തിയത്. അദ്ദേഹം സംസ്ഥാന സമിതിയിൽ കാലങ്ങളോളം ഉണ്ടായിരുന്നു. നിയമസഭാ തെരഞ്ഞെടുപ്പിൽ മത്സരിക്കാനുള്ള അവസരവും നൽകി. ഭീമൻ രഘു 2016 ലെ നിയമസഭാ തെരഞ്ഞെടുപ്പിൽ പത്തനാപുരത്തുനിന്നു മത്സരിച്ചിരുന്നു. ഈ തെരഞ്ഞെടുപ്പിൽ പരാജയപ്പെട്ടതിനു ശേഷം ചില സന്ദർഭങ്ങളിൽ അദ്ദേഹം പാർട്ടിയോട് നല്ല രീതിയിലല്ല സംസാരിച്ചത്. പക്ഷേ പൊടുന്നനെ അദ്ദേഹം കഴിഞ്ഞദിവസം രാജിവെച്ചതായി കണ്ടു”.
ഞാനെങ്ങോട്ടും പോയിട്ടില്ല, പോകുന്നുമില്ല; കെട്ടഴിച്ചു മാറ്റി അത്രേയുള്ളൂ; രാമസിംഹൻ അബൂബക്കർ ബിജെപി വിട്ടു
ബിജെപിയിലേക്ക് പുതുതായി എത്തുന്ന എല്ലാ പ്രവർത്തകർക്കും മാന്യവും അർഹവുമായ സ്ഥാനങ്ങൾ നൽകുന്നുണ്ട്. പാർട്ടിക്ക് കേരളത്തിൽ വീതിച്ചു നൽകാൻ അധികാരങ്ങളില്ല. എല്ലാവരുടെയും പ്രതീക്ഷകൾക്ക് അനുസരിച്ചു സ്ഥാനമാനങ്ങൾ നൽകാൻ കഴിയാത്ത സാഹചര്യം ഉണ്ട്. എന്നാലും വന്നവർക്കെല്ലാം മതിയായ അവസരം നൽകിയിട്ടുണ്ട്. ആരെയും അവഗണിച്ചിട്ടില്ലെന്നും സുരേന്ദ്രൻ കൂട്ടിച്ചേർത്തു.
ബിജെപി വിട്ടവർ സിപിഎമ്മിലേക്ക് പോകുന്നതിലും നല്ലത് കിണറ്റിൽ ചാടി ആത്മഹത്യ ചെയ്യുന്നത്; എ എൻ രാധാകൃഷ്ണൻ
Read Latest Kerala News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
