വരണ്ട കണ്ണുകള്‍
കണ്ണുകളിലെ ജലാംശം വറ്റുമ്പോഴാണ് കണ്ണുകള്‍ വരണ്ട് പോകുന്നത്. ഇത്തരത്തില്‍ കണ്ണുകള്‍ വരണ്ട് പോകുന്നത്, കാഴ്ച്ചശക്തി കുറയ്ക്കാനും കണ്ണിന് ചൊറിച്ചിലും ചുവന്ന് വരുന്നതിനും കാരണമാകുന്നുണ്ട്. ഇത്തരത്തില്‍ കണ്ണുകള്‍ ഡ്രൈ ആയി പോകുന്നതിന് പ്രധാന കാരണങ്ങളില്‍ ഒന്ന് ഏസി മുറിയില്‍ അമിതമായി ഇരിക്കുന്നത് തന്നെ.
നമ്മളുടെ കണ്ണുകളില്‍ ഈര്‍പ്പം നിലനില്‍ക്കണമെങ്കില്‍ അന്തരീക്ഷത്തിലും ഈര്‍പ്പം വേണം. എന്നാല്‍, ഏസി മുറികളില്‍ അന്തരീക്ഷ ഈര്‍പ്പം ഉണ്ടായിരിക്കുകയില്ല. അതിനാല്‍ തന്നെ, കണ്ണുകള്‍ വരണ്ട് പോകുന്നതിലേയ്ക്ക് ഇത് നയിക്കുന്നു. വരണ്ട കണ്ണുകള്‍ ഉള്ളവര്‍ക്ക് പ്രകാശത്തിലേയ്ക്ക് നേരിട്ട് നോക്കാന്‍ പറ്റാത്ത അവസ്ഥ, രാത്രിയില്‍ വണ്ടി ഓടിക്കാനുള്ള ബുദ്ധിമുട്ട് എന്നിവ ഇവര്‍ക്ക് പതിവാണ്.
ശരീരഭാരം കുറയ്ക്കാന്‍
ശരീര ഭാരം കുറക്കാൻ ഉപയോഗിക്കാം ഈ ടിപ്സ്
മൈഗ്രേയ്ന്‍
ഏസി മുറിയില്‍ ഇരുന്ന് അമിതമായി പണി എടുക്കുന്നവരില്‍ പ്രധാനമായും കണ്ട് വരുന്ന പ്രശ്‌നങ്ങളില്‍ ഒന്നാണ് മൈഗ്രേയ്ന്‍. ഏസി മുറിയില്‍ നിന്നും മാറി സാധാ അന്തരീക്ഷതാപനിലയിലേയ്ക്ക് വരുമ്പോള്‍ അത് പലതരത്തിലുള്ള അസ്വസ്ഥതകളും, നിര്‍ജലീകരണവും അതുപോലെ, കടുത്ത തലവേദനയിലേയ്ക്കും നയിക്കും.
നിങ്ങള്‍ക്ക് വിട്ടുമാറാത്ത മൈഗ്രേയ്ന്‍ ഉണ്ടെങ്കില്‍ അതിന്റെ പ്രധാന കാരണങ്ങളില്‍ ഒന്ന് ഏസി മുറിയില്‍ അമിതമായി ഇരിക്കുന്നത് തന്നെയാകും.
നിര്‍ജലീകരണം
നമ്മള്‍ നല്ല തണുത്ത പ്രദേശത്ത് നില്‍ക്കുമ്പോള്‍ അതുപോലെ തന്നെ ഏസി മുറിയില്‍ ഇരിക്കുമ്പോള്‍ പലപ്പോഴും വെള്ളം അമിതമായി ദാഹിക്കാറില്ല. ഇത്തരത്തില്‍ ദാഹം അനുഭവപ്പെടാത്തതിനാല്‍ തന്നെ പലരും വെള്ളവും കൃത്യമായ അളവില്‍ കുടിക്കുന്നില്ല.
ഇങ്ങനെ വെള്ളം ആവശ്യത്തിന് ശരീരത്തില്‍ എത്താതിരിക്കുന്നത് നിര്‍ജലീകരണത്തിലേയ്ക്ക് നയിക്കുന്നു. നിര്‍ജലീകരണം സംഭവിക്കുമ്പോള്‍ ഒരു വ്യക്തിയില്‍ ആമിതമായി ക്ഷീണം അനുഭവപ്പെടാന്‍ സാധ്യത കൂടുതലാണ്. ക്ഷീണം മാത്രമല്ല, നല്ലരീതിയില്‍ തളര്‍ച്ചയും ഇവര്‍ക്ക് അനുഭവപ്പെടുന്നു.
ഇവരുടേത് പൊതുവില്‍ വരണ്ട ചുണ്ടുകളും അതുപോലെ, കണ്ണുകളും വായയും വരണ്ടിരിക്കുന്നത് കാണാം. അതുപോലെ തന്നെ ഇടയ്ക്കിടയ്ക്ക് മൂത്രം ഒഴിക്കാന്‍ മുട്ടുന്നതും, മൂത്രം ഒഴിക്കുമ്പോള്‍ വളരെ കുറച്ച് മാത്രം പോകുന്നതുമെല്ലാം നിര്‍ജലീകരണത്തിന്റെ ലക്ഷണമാണ്.
Also Read: ബാം ഉപയോഗിക്കാതെ ഈ ഒരൊറ്റ വിദ്യയില്‍ എത്ര കഠിന തലവേദനയും കുറയ്ക്കാം
തളര്‍ച്ച
ഓഫീസില്‍ നിന്നും പുറത്തേയ്ക്ക് ഇറങ്ങിയാല്‍ മൊത്തത്തില്‍ ഒരു തളര്‍ച്ചയായിരിക്കും ഇവര്‍ക്ക് അനുഭവപ്പെടുക. ഒന്നും ചെയ്യാന്‍ സാധിക്കാത്ത വിധത്തില്‍ ശരീരം തളര്‍ന്ന് പോകുന്നത് പോലെ തോന്നുന്നുണ്ടെങ്കില്‍ അതിന് പിന്നിലെ കാരണക്കാരന്‍ നിങ്ങള്‍ ഏസി മുറിയില്‍ അമിത നേരം ഇരിക്കുന്നത് തന്നെയാണ്.
തളര്‍ച്ചമാത്രമല്ല, ചര്‍മ്മം വല്ലാതെ വരണ്ട് പോകുന്നതിനും ഏസിയില്‍ ഇരിക്കുന്നത് ഒരു കാരണമാകുന്നുണ്ട്. അതിനാല്‍, ഏസിയില്‍ ദീര്‍ഘനേരം ഇരിക്കാതെ, കുറച്ച് നേരം പുറത്ത് പോയിരുന്ന് പണി എടുക്കാന്‍ സാധിക്കുമെങ്കില്‍ ലാപ് എടുത്ത് പുറത്ത് ഇരിക്കുന്നത് നിങ്ങളുടെ ആരോഗ്യം നിലനിര്‍ത്താന്‍ സഹായിക്കുന്ന ഘടകങ്ങളാണ്.
