Also Read: എംഎം മണിയുടെ വാഹനമിടിച്ച് കാൽനട യാത്രക്കാരന് പരിക്ക്
ജൂണ് 20 ദുല് ഹിജ്ജ ഒന്നാം ദിവസമായി കണക്കാക്കുമെന്നും ജൂണ് 29ന് പെരുന്നാള് ആഘോഷിക്കുമെന്നും കോഴിക്കോട് മുഖ്യകാര് മികത്വം വഹിച്ച ഖാസി സഫീര് സഖാഫി അറിയിച്ചു. അറഫ ദിനം ജൂൺ 28നായിരിക്കും. ഇബ്രാഹിം നബിയുടെ ത്യാഗങ്ങളുടെയും സമ്പൂര്‍ണ്ണ സമര്‍പ്പണത്തിന്റെയും സ്മരണയ്ക്കായാണ് ലോകമെമ്പാടുമുള്ള മുസ്ലീങ്ങള്‍ ബക്രീദ് അല്ലെങ്കില്‍ ബക്രി ഈദ് എന്നും അറിയപ്പെടുന്ന ഈ ഉത്സവം ആചരിക്കുന്നത്.
ജിന്നിയെ തിരിച്ചു കിട്ടിയ സന്തോഷത്തിൽ സനിക
Also Read: പാലക്കാട് സിപിഎമ്മിൽ വിഭാഗയത, ചെർപ്പുളശ്ശേരി ഏരിയ കമ്മിറ്റിയിൽ നിന്ന് 9 പേരെ ഒഴിവാക്കി
ഇസ്ലാമിക കലണ്ടറിലെ 12-ാം മാസമായ ദു അല്‍-ഹിജ്ജ മാസത്തിന്റെ അവസാനത്തിലാണ് ഇസ്ലാമിക ഉത്സവങ്ങളില്‍ ഏറ്റവും ശ്രേഷ്ഠമായി കണക്കാക്കപ്പെടുന്ന ബലിപെരുന്നാള്‍ ആഘോഷിക്കുന്നത്. ദുല്‍ഹിജ്ജ മാസത്തിലെ പത്താം ദിവസമാണ് ഈദുല്‍ അദ്ഹ ആഘോഷിക്കുന്നത്. ലോകമെമ്പാടുമുള്ള മുസ്ലീങ്ങള്‍ ഈ ദിവസം പള്ളിയില്‍ പ്രാര്‍ത്ഥന നടത്തുന്നു. കുടുംബാംഗങ്ങള്‍ക്കും സുഹൃത്തുക്കള്‍ക്കും മധുരപലഹാരങ്ങളും സമ്മാനങ്ങളും വിതരണം ചെയ്യുന്നു.
ഈദ് അല്‍ അദ്ഹ എന്നാണ് അറബിയില്‍ ഈ ആഘോഷത്തെ പറയുന്നത്. ദൈവകല്‍പ്പന അനുസരിച്ച് മകനെ ബലി നല്‍കാന്‍ തയ്യാറായ പ്രവാചകന്റെ ഓര്‍മ്മ പുതുക്കലാണ് ഈ ആഘോഷം. പ്രവാചകനായ ഇബ്രാഹിം നബിക്ക് വളരെക്കാലം മക്കള്‍ ഇല്ലായിരുന്നു. പിന്നീട് ജനിച്ച പുത്രനായ ഇസ്മായില്‍നെ ദൈവത്തിന്റ കല്‍പന അനുസരിച്ച് ബലികൊടുക്കാന്‍ തീരുമാനിക്കുകയായിരുന്നു. ബലി നല്‍കാനൊരുങ്ങുന്ന സമയത്ത് ദൈവ ദൂതന്‍ വരികയും ഇസ്മായിലിന്റ സ്ഥാനത്ത് ആടിനെ വയ്ക്കുകയും ചെയ്യുന്നു എന്നാണ് വിശ്വാസം. ഈ സംഭവത്തിന്റെ ഓര്‍മ പുതുക്കലാണ് ബലി പെരുന്നാള്.
