Reading Day 2023: മാനവരാശിയുടെ വിപ്ലവാത്മക മുന്നേറ്റത്തെ സ്വാധീനിച്ച പ്രക്രിയ; വായനാ ദിനാശംസകളുമായി മുഖ്യമന്ത്രി

ഇന്ന് ജൂൺ 19 വായനാ ദിനം പി എൻ പണിക്കരുടെ ചരമദിനമാണ് വായാനാ ദിനമായി ആചരിക്കുന്നത്. വായനാ ദിനത്തിൽ മുഖ്യമന്ത്രി പിണറായി വിജയൻ ആശംസകൾ നേർന്നു. ആശംസ വായിക്കാം

Pinarayi vijayan, PN Panicker — പിണറായി വിജയൻ, പിഎൻ പണിക്കർ

ഹൈലൈറ്റ്:

ജൂൺ 19 വായനാ ദിനം
പിഎൻ പണിക്കരുടെ ചരമദിനം
ആശംസകളുമായി മുഖ്യമന്ത്രി

തിരുവനന്തപുരം: മാനവരാശിയുടെ വിപ്ലവാത്മക മുന്നേറ്റത്തെ സ്വാധീനിച്ച പ്രക്രിയായി കൂടി വേണം വായനയെ അറിയാനെന്ന് മുഖ്യമന്ത്രി പിണറായി വിജയൻ. വായനാ ദിനത്തിൽ ആശംസകളറിയിച്ചുള്ള ഫേസ്ബുക്ക് പോസ്റ്റിലാണ് മുഖ്യമന്ത്രിയുടെ വാക്കുകൾ. സാക്ഷരതാ യജ്ഞം തുടങ്ങിയ മുന്നേറ്റങ്ങൾ കേരള നവോത്ഥാനത്തിൽ ചെലുത്തിയ സ്വാധീനം ഓർമ്മിപ്പിച്ചുകൊണ്ടാണ് ഈ ദിനം കടന്നു പോകുന്നതെന്നും അദ്ദേഹം പറഞ്ഞു.

വായനയിലൂടെ മനുഷ്യൻ ചുറ്റുമുള്ളവരുടെ ലോകത്തെ കൂടി അടുത്തറിയുന്നു. അത്തരത്തിൽ വലിയൊരു സാമൂഹ്യ പ്രവർത്തനം കൂടിയായി വർത്തിക്കാൻ വായനക്ക് സാധിക്കുന്നുണ്ടെന്നും മുഖ്യമന്ത്രി പറഞ്ഞു. ഗ്രന്ഥശാല പ്രസ്ഥാനത്തിന്‍റെ സ്ഥാപകനായ പി എൻ പണിക്കരുടെ ചരമ ദിനമാണ് വായനാ ദിനമായി ആചരിക്കുന്നത്.

Also Read : ശബരിമലയിലെ സ്വർണവള മോഷണം, ദേവസ്വം ജീവനക്കാരൻ അറസ്റ്റിൽ‌

ലോക്സഭ തെരഞ്ഞെടുപ്പ്: സതീശന്‍റെ ലക്ഷ്യം 20 സീറ്റ്, തയ്യാറെടുത്ത് കോൺഗ്രസ്

മുഖ്യമന്ത്രിയുടെ വായനാദിനാശംസ വായിക്കാം

ഇന്ന് വായനാ ദിനം. ഗ്രന്ഥശാല പ്രസ്ഥാനത്തിന്‍റെ സ്ഥാപകനായ പി എൻ പണിക്കരുടെ ചരമ ദിനമാണ് വായനാ ദിനമായി ആചരിക്കുന്നത്. ഗ്രന്ഥശാലാ സംഘം, സാക്ഷരതാ യജ്ഞം തുടങ്ങിയ മുന്നേറ്റങ്ങൾ കേരള നവോത്ഥാനത്തിൽ ചെലുത്തിയ സ്വാധീനം ഓർമ്മിപ്പിച്ചുകൊണ്ടാണ് ഈ ദിനം കടന്നു പോകുന്നത്. അറിവ് നേടുന്നതിനും ആശയ വിനിമയത്തിനുമുള്ള ഉപാധി എന്നതിനപ്പുറം മാനവരാശിയുടെ വിപ്ലവാത്മക മുന്നേറ്റത്തെ സ്വാധീനിച്ച പ്രക്രിയായി കൂടി വേണം വായനയെ അറിയാൻ.

Also Read: എംഎം മണിയുടെ വാഹനമിടിച്ച് കാൽനട യാത്രക്കാരന് പരിക്ക്

അറിവു കൈമാറ്റത്തിനോടൊപ്പം സമൂഹ മനഃസാക്ഷിയെ പരുവപ്പെടുത്തുന്നതിൽ വായനയുടെ പങ്ക് വളരെ പ്രധാനമാണ്. വായനയിലൂടെ മനുഷ്യൻ ചുറ്റുമുള്ളവരുടെ ലോകത്തെ കൂടി അടുത്തറിയുന്നു. അത്തരത്തിൽ വലിയൊരു സാമൂഹ്യ പ്രവർത്തനം കൂടിയായി വർത്തിക്കാൻ വായനക്ക് സാധിക്കുന്നുണ്ട്. പരന്നതും ആഴത്തിലുമുള്ള വായനാശീലം ഒരു ജനകീയ സംസ്കാരമായി നാം വളർത്തിയെടുക്കണം. അറിവ് കൈമുതലാക്കിയ ഒരു വിജ്ഞാന സമൂഹമായി വളരാൻ ഈ ശീലം നമ്മെ സഹായിക്കും. ഏവർക്കും വായനാ ദിനാശംസകൾ.

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക