സ്കൈ വാക്കില്‍ നിന്ന് 4000 അടി താഴ്ചയിലേക്ക് വീണു; 33കാരന് ദാരുണാന്ത്യം

ഗ്രാന്‍ഡ് കാന്യനിലുള്ള സ്കൈ വാക്കിൽ 2007 മുതല്‍ 10 ദശലക്ഷം ആളുകളാണ് എത്തിയിട്ടുള്ളതെന്നാണ് കണക്കുകൾ പറയുന്നത്. ഈ മാസം ആദ്യമാണ് 33കാരൻ അപകടത്തിൽപ്പെട്ടത്.

GRAND CANYON WEST — ഹെലികോപ്ടറിൽ രക്ഷാപ്രവർത്തനം നടത്തുന്നു

ഹൈലൈറ്റ്:

സ്കൈ വാക്കില്‍ നിന്ന് താഴെ വീണു
വീണത് 4000 അടി താഴ്ചയിലേക്ക്
യുവാവിന് ദാരുണാന്ത്യം

അരിസോണ: ഗ്രാന്‍ഡ് കാന്യനിലെ സ്കൈ വാക്കിൽ നിന്ന് വീണ് യുവാവ് മരിച്ചു. അരിസോണയിലെ പ്രധാന ടൂറിസ്റ്റ് കേന്ദ്രമായ ഗ്രാൻഡ് കാന്യനിലാണ് സംഭവം. 4000 അടി ഉയരത്തിൽ നിന്ന് വീണാണ് 33കാരൻ മരിച്ചതെന്ന് ഇംഗ്ലീഷ് വാർത്താ മാധ്യമമായി സിഎൻഎൻ റിപ്പോർട്ട് ചെയ്തു. 33കാരനായ പുരുഷനാണ് മരണപ്പെട്ടതെന്ന് മാത്രമാണ് നിലവിൽ പുറത്തുവന്നിരിക്കുന്ന റിപ്പോർട്ട്. ഇയാളുടെ പേരോ, ഏത് രാജ്യക്കാരനാണെന്നോ തുടങ്ങിയ വിവരങ്ങളൊന്നും പുറത്ത് വന്നിട്ടില്ല.

ജൂൺ അഞ്ചിനാണ് അപകടം നടന്നതെന്നാണ് അധികൃതർ വ്യക്തമാക്കിയിരിക്കുന്നത്. സ്കൈ വാക്കിന്‍റെ പുറത്തേക്ക് നോക്കുന്നതിനിടെയാണ് യുവാവ് ഗർത്തത്തിലേക്ക് വീണതെന്നാണ് റിപ്പോർട്ട്. യുവാവ് അപകടത്തിൽപ്പെട്ടെന്ന് റിപ്പോർട്ടിനെത്തുടർന്ന് മൊഹാവേ കൗണ്ടി ഷെരീഫിന്‍റെ ഓഫീസാണ് യുവാവിന് വേണ്ടിയുള്ള തിരച്ചില്‍ നടത്തിയത്. ഹെലികോപ്റ്റർ ഉൾപ്പെടെയുള്ള എത്തിച്ച് തിരച്ചിൽ നടത്തിയെങ്കിലും യുവാവിന്‍റെ ജീവൻ രക്ഷിക്കാനായില്ല.

Also Read : സിപിഎമ്മിന്‍റെ ‘അശ്ലീല’ സെക്രട്ടറി; എന്താണ് ഗോവിന്ദൻ ഇതാണോ രാഷ്ട്രീയം? വിമർശനവുമായി കെ സുധാകരൻ

ആൽഫിയയ്ക്കും അഖിലിനുമൊപ്പം കോടതി

ഗ്രാന്‍ഡ് കാന്യന്‍ ഗര്‍ത്തത്തിന് മുകളിലൂടെ 70 അടി നീളത്തിലാണ് ഗ്ലാസ് ബ്രിഡ്ജ് നിര്‍മ്മിച്ചിട്ടുള്ളത്. ഇതിന്‍റെ അരികിലേക്ക് ഒരാൾ പോകുന്നത് വിനോദ സഞ്ചാരികൾ കണ്ടിരുന്നു. സുരക്ഷാ ഉദ്യോഗസ്ഥർക്ക് വിവരം നൽകിയെങ്കിലും അതിനോടകം തന്നെ ഗർത്തത്തിലേക്ക് വീണിരുന്നു. പിന്നാലെ തന്നെ രക്ഷാപ്രവർത്തനം ആരംഭിച്ചിരുന്നു.

Also Read : മകളുടെ പ്രണയത്തോട് എതി‍ർപ്പ്, കമിതാക്കളെ തിരിച്ചെത്തിച്ച് പോലീസ്, വെടിവെച്ചുകൊന്ന് കല്ലുകെട്ടി മുതലയുള്ള പുഴയിൽ താഴ്ത്തി കുടുംബംയുവാവിന്‍റെ മൃതദേഹം ആശുപത്രിയിലേക്ക് മാറ്റിയിട്ടുണ്ട്. അരിസോണയിലെ വടക്കന്‍ മേഖലയിലെ ഗോത്ര വര്‍ഗക്കാരനാണ് അപകടത്തില്‍പ്പെട്ടതെന്നാണ് സംശയിക്കുന്നത്. അപകട മരണത്തിൽ പോലീസ് അന്വേഷണം ആരംഭിച്ചിട്ടുണ്ട്.

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക