‘നീ എന്നോട് പണം ചോദിക്കുന്നോ?’; മദ്യലഹരിയിൽ പോലീസുകാരൻ്റെ ബഹളം, വീഡിയോ പുറത്തായതോടെ സസ്പെൻഷൻ

Edited by Jibin George | Samayam Malayalam | Updated: 19 Jun 2023, 3:32 pm

സാധനങ്ങൾ വാങ്ങിയതിൻ്റെ പണം നൽകുന്നതുമായി ബന്ധപ്പെട്ട് കടയുടമയും പോലീസ് ഉദ്യോഗസ്ഥനും തമ്മിൽ സംഘർഷം. സംഭവത്തിൻ്റെ ദൃശ്യങ്ങൾ വൈറലായതോടെ പോലീസുകാരനെ സസ്പെൻഡ് ചെയ്തു

Kanpur Cop Fighting With Sweet Shop Owner — Photo: Twitter/ Praveen Mohta

ഹൈലൈറ്റ്:

സാധനങ്ങൾ വാങ്ങിയതിൻ്റെ പണം നൽകിയില്ല.
കടയുടമയെ കയ്യേറ്റം ചെയ്ത് പോലീസ് ഉദ്യോഗസ്ഥൻ.
പോലീസ് ഉദ്യോഗസ്ഥന് സസ്പെൻഷൻ.

കാൺപൂർ: സാധനങ്ങൾ വാങ്ങിയതിൻ്റെ പണം നൽകുന്നതുമായി ബന്ധപ്പെട്ട് കടയുടമയെ മർദ്ദിച്ച പോലീസ് ഉദ്യോഗസ്ഥനെ സസ്പെൻഡ് ചെയ്തു. ഉത്തർപ്രദേശിലെ കാൺപൂരിൽ കഴിഞ്ഞ ദിവസമാണ് സംഭവം. സർവേന്ദ്ര കുമാർ എന്ന പോലീസ് ഉദ്യോഗസ്ഥനെയാണ് ഡിസിപി സസ്പെൻഡ് ചെയ്തതെന്ന് വിവിധ മാധ്യമങ്ങൾ റിപ്പോർട്ട് ചെയ്തു. സംഭവത്തിൻ്റെ ദൃശ്യങ്ങൾ സമൂഹമാധ്യമങ്ങളിൽ വൈറലാണ്.

‘ഗംഗാ എക്സ്പ്രസ് വേ’ ഒരു വർഷത്തിനുള്ളിൽ പൂർത്തിയാക്കണം; നിർദ്ദേശവുമായി യോഗി ആദിത്യനാഥ്
സംഭവസംയം പോലീസ് ഉദ്യോഗസ്ഥൻ മദ്യപിച്ചിരുന്നുവെന്നാണ് കടയുടമയുടെ ആരോപണം. നഗരത്തിലെ ഒരു മധുരപലഹാരക്കടയിൽ നിന്ന് സാധനം വാങ്ങിയ പോലീസ് ഉദ്യോഗസ്ഥൻ പണം നൽകാതിരുന്നതോടെയാണ് തർക്കം ആരംഭിച്ചത്. പണം നൽകാൻ ആവശ്യപ്പെട്ട കടയുടമയോട് പോലീസുകാരൻ തട്ടിക്കയറുകയും കയ്യേറ്റം ചെയ്യുകയുമായിരുന്നു. തന്നോട് പണം ആവശ്യപ്പെടുമോ എന്ന് ചോദിച്ചായിരുന്നു അതിക്രമം. സാർ മദ്യപിച്ചിട്ടുണ്ടോ എന്ന് ഈ സമയം കടയുടമ ചോദിക്കുന്നത് ദൃശ്യങ്ങളിലുണ്ട്.

എയർഹോൺ ഉപയോഗിച്ചു; ഡ്രൈവർമാരുടെ ലൈസൻസ് സസ്പെൻഡ് ചെയ്തു

സംഘർഷം നടക്കുമ്പോൾ കടയിലുണ്ടായിരുന്നയാളാണ് വീഡിയോ ദൃശ്യം പകർത്തിയത്. വീഡിയോ പകർത്തുന്നത് മനസിലാക്കിയ പോലീസ് ഉദ്യോഗസ്ഥൻ യുപിഐ മാർഗം പണം അയക്കാൻ ശ്രമം നടത്തുന്നത് മറ്റൊരു വീഡിയോയിലുണ്ട്. എത്ര രൂപ താൻ നൽകണമെന്ന് പോലീസ് ഉദ്യോഗസ്ഥൻ ചോദിക്കുമ്പോൾ 110 രൂപയാണെന്ന് കടയുടമ പറയുന്നുണ്ട്. യുപിഐ മാർഗം പണം അയക്കാൻ പോലീസ് ഉദ്യോഗസ്ഥൻ ശ്രമിക്കുന്നുണ്ട്. എന്നാൽ അദ്ദേഹത്തിന് ക്യുആർ കോഡ് സ്കാൻ ചെയ്യാൻ പോലും സാധിച്ചിരുന്നില്ല.

സവർക്കർക്ക് പുറമെ ആർഎസ്എസ് സ്ഥാപകന്റെ പാഠഭാഗവും നീക്കം ചെയ്തു; പകരം കർണാടകത്തിലെ പാഠപുസ്തകങ്ങളിൽ നെഹ്‌റു കത്ത് വീണ്ടും

പണമടയ്ക്കാൻ ക്യുആർ കോഡ് സ്കാൻ ചെയ്യാൻ പോലും കഴിയാത്ത വിധം പോലീസ് ഉദ്യോഗസ്ഥൻ മദ്യപിച്ചിരുന്നതായി കടയുടമ പറഞ്ഞു. പോലീസുകാരൻ മധുരപലഹാരങ്ങൾ ഓർഡർ ചെയ്തിരുന്നുവെന്നും പണം നൽകാൻ കടയുടമ ആവശ്യപ്പെട്ടപ്പോൾ അയാൾ അസ്വസ്ഥനാകുകയുമായിരുന്നു. സംഭവത്തിൻ്റെ ദൃശ്യങ്ങൾ പുറത്തുവന്നതോടെ സമൂഹമാധ്യമങ്ങളിൽ പോലീസിന് കടുത്ത വിമർശനമാണ് ഉയർന്നത്. ഇതോടെ പ്രശ്നമുണ്ടാക്കിയ പോലീസ് ഉദ്യോഗസ്ഥനെ സസ്‌പെൻഡ് ചെയ്തതായും കേസിൽ അന്വേഷണം നടക്കുകയാണെന്നും കാൺപൂർ പോലീസ് ട്വീറ്റ് ചെയ്തു. വിശദമായ അന്വേഷണം തുടരുകയാണെന്നും റിപ്പോർട്ട് അനുസരിച്ച് തുടർ നപടികൾ സ്വീകരിക്കുമെന്നു പോലീസ് പറഞ്ഞു. കല്യാൺപൂർ പോലീസ് സ്റ്റേഷൻ പരിധിയിലാണ് സംഭവമുണ്ടായത്.

Read Latest National News and Malayalam News

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക