അടുത്ത അഞ്ച് ദിവസം ഇടിമിന്നലോട് കൂടിയ മഴ; ശക്തമായ കാറ്റിനും സാധ്യത, മുന്നറിയിപ്പ്
Edited by Jibin George | Samayam Malayalam | Updated: 19 Jun 2023, 2:36 pm
സംസ്ഥാനത്ത് അടുത്ത അഞ്ച് ദിവസം മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകി. മഴ മുന്നറിയിപ്പ് നിലനിൽക്കുന്നതിനാൽ ഏഴ് ജില്ലകളിൽ ഇന്ന് യെല്ലോ അലേർട്ടാണ്
ഹൈലൈറ്റ്:
- അഞ്ച് ദിവസം വ്യാപക മഴയ്ക്കും ഇടിമിന്നലിനും സാധ്യത.
- ഏഴ് ജില്ലകളിൽ ഇന്ന് യെല്ലോ അലേർട്ട്.
- പല ജില്ലകളിലും ഇന്ന് ഒറ്റപ്പെട്ട തോതിൽ മഴ തുടരുകയാണ്.
സിപിഎമ്മിന്‍റെ ‘അശ്ലീല’ സെക്രട്ടറി; എന്താണ് ഗോവിന്ദൻ ഇതാണോ രാഷ്ട്രീയം? വിമർശനവുമായി കെ സുധാകരൻമഴ മുന്നറിയിപ്പിൻ്റെ സാഹചര്യത്തിൽ കേന്ദ്ര കാലാവസ്ഥാവകുപ്പ് ഇന്ന് യെല്ലോ അലേർട്ട് പ്രഖ്യാപിച്ചു. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂർ, മലപ്പുറം ജില്ലകളിൽ ഇന്ന് യെല്ലോ അലേർട്ടാണുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. മഴ മുന്നറിയിപ്പുണ്ടെങ്കിലും മത്സ്യത്തൊഴിലാളികൾക്ക് പ്രത്യേക നിർദേശങ്ങളൊന്നും ഇതുവരെ നൽകിയിട്ടില്ല.
ആൽഫിയയ്ക്കും അഖിലിനുമൊപ്പം കോടതി
സംസ്ഥാനത്തെ പല ജില്ലകളിലും ഇന്ന് ഒറ്റപ്പെട്ട തോതിൽ മഴ തുടരുകയാണ്. കോട്ടയം, ഇടുക്കി ജില്ലകളിൽ ഇന്നും ഇന്നലെയും മഴ ലഭിച്ചു. ജൂൺ 18 മുതൽ 22 വരെ കേരളത്തിൽ ഒറ്റപ്പെട്ടയിടങ്ങളിൽ ഇടിമിന്നലിനും മണിക്കൂറിൽ 30 മുതൽ 40 കി.മീവരെ വേഗതയിൽ വീശിയേക്കാവുന്ന ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് കഴിഞ്ഞ ദിവസം അറിയിച്ചിരുന്നു.
വ്യാജ സർട്ടിഫിക്കറ്റ് വിവാദം: എസ്എഫ്ഐ നേതാവിന് കോളജിൽ പ്രവേശനം വാങ്ങിക്കൊടുത്തത് സിപിഎം നേതാക്കൾ: വി ഡി സതീശൻ
തമിഴ്നാട് അടക്കമുള്ള സംസ്ഥാനങ്ങളിൽ മഴ തുടരുകയാണ്. മോശം കാലാവസ്ഥയെ തുടർന്ന് ചെന്നൈ, ചെങ്കൽപെട്ട്, കാഞ്ചീപുരം, തിരുവള്ളൂർ, വെല്ലൂർ, റാണിപേട്ട് ജില്ലകളിലെ സ്കൂളുകൾക്ക് അവധി പ്രഖ്യാപിച്ചു. കനത്ത മഴയിൽ നഗരത്തിലെ താഴ്ന്ന പ്രദേശങ്ങളിൽ വെള്ളം കയറി. ചെന്നൈ നഗരം വെള്ളത്തിനായി ആശ്രയിക്കുന്ന ചെമ്പരംബാക്കം റിസർവോയറിൽ ജലനിരപ്പ് ഉയർന്നു. അതേേസമയം, ബിപോർജോയ് ചുഴലിക്കാറ്റ് രാജ്യത്ത് ഭീഷണിയായി തുടരുകയാണ്. ബിപോർജോയ് ചുഴലിക്കാറ്റ് കിഴക്കൻ രാജസ്ഥാനു മുകളിൽ തീവ്ര ന്യുന മർദ്ദമായി ശക്തി കുറഞ്ഞു.
Read Latest Kerala News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
