‘ഭയങ്കര ചെലവാണ്, ജീവിക്കാൻ കൈയിൽ കാശില്ല’; ശമ്പളം വർധിപ്പിക്കണമെന്ന് വൈദികർ

Edited by Jibin George | Samayam Malayalam | Updated: 20 Jun 2023, 3:03 pm

500 വർഷത്തെ ചരിത്രത്തിൽ ആദ്യമായി ശബളവർധന ആവശ്യപ്പെട്ട് ചർച്ച് ഓഫ് ഇംഗ്ലണ്ടിലെ വൈദികർ. ജീവിതച്ചെലവ് താങ്ങാൻ പോലും നിലവിലെ ശമ്പളത്തിന് കഴിയുന്നില്ലെന്ന് വൈദികർ പറഞ്ഞു

demand pay rise — പ്രതീകാത്മക ചിത്രം. Photo: pexels

ഹൈലൈറ്റ്:

ശമ്പളവർധന ആവശ്യപ്പെട്ട് ചർച്ച ഓഫ് ഇംഗ്ലണ്ട് വൈദികർ.
ജീവിതച്ചെലവ് രൂക്ഷമാണെന്ന് വൈദികർ.
ചർച്ച് ഓഫ് ഇംഗ്ലണ്ട് റമ്യൂണറേഷൻ കമ്മിറ്റി പ്രത്യേക യോഗം ചേരും

ലണ്ടൻ: ജീവിതച്ചെലവ് കൂടിയ സാഹചര്യത്തിൽ ശമ്പളവർധന ആവശ്യപ്പെട്ട് ചർച്ച് ഓഫ് ഇംഗ്ലണ്ട് വൈദികർ. ബ്രിട്ടനിലെ ജീവിതച്ചെലവ് ഉയർന്ന തോതിലാണെന്നും സ്റ്റൈപ്പൻഡിൽ 9.5 ശതമാനം വർധന ആവശ്യമാണെന്നും അധികൃതർ വ്യക്തമാക്കി. 500 വർഷത്തെ ചരിത്രത്തിൽ ആദ്യമായിട്ടാണ് ചർച്ച് ഓഫ് ഇംഗ്ലണ്ടിലെ വികാരിമാർ ശമ്പളവർധനവ് ഔദ്യോഗികമായി ആവശ്യപ്പെടുന്നത്.

ടൈറ്റാനിക്കിന്‍റെ അവശിഷ്ടങ്ങൾ കാണാൻ സഞ്ചാരികളുമായി പോയ മുങ്ങിക്കപ്പൽ കാണാനില്ല; പ്രാണവായു നിലനിൽക്കുക 96 മണിക്കൂർ
ചർച്ച് ഓഫ് ഇംഗ്ലണ്ടിലെ രണ്ടായിരത്തിലധികം വൈദികരെയും സാധാരണ ഉദ്യോഗസ്ഥരെയും പ്രതിനിധീകരിക്കുന്ന ട്രേഡ് യൂണിയൻ യൂണിറ്റ് ആണ് ശമ്പളവർധനവ് ആവശ്യപ്പെട്ടിരിക്കുന്നത്. 2024 ഏപ്രിൽ മുതൽ വൈദികർക്ക് ലഭിക്കുന്ന സ്റ്റൈപ്പൻഡിൽ 9.5 ശതമാനത്തിൻ്റെ വർധന ആവശ്യമാണെന്ന് സംഘടന തിങ്കളാഴ്ച പറഞ്ഞു. വൈദികർ ആവശ്യപ്പെട്ടുന്ന മിതമായ ശമ്പളവർധന സഭയ്ക്ക് താങ്ങാൻ കഴിയുന്നതാണെന്നാണ് വൈദിക കൂട്ടായ്മയുടെ വക്താവ് പറയുന്നത്.

കുറ്റിപ്പുറത്ത് പനി ബാധിച്ച് 13 കാരൻ മരിച്ചു

ചർച്ച് ഓഫ് ഇംഗ്ലണ്ടിന് ശതകോടികളുടെ ബാങ്ക് ബാലൻസ് ഉണ്ടെന്ന് യുണൈറ്റ് ജനറൽ സെക്രട്ടറി ഷാരോൺ ഗ്രഹാം പറഞ്ഞു. ജീവിതച്ചെലവ് കൂടിയ സാഹചര്യത്തിൽ വൈദികർ കടുത്ത ബുദ്ധിമുട്ട് നേരിടുകയാണെന്ന് അധികൃതർ വ്യക്തമാക്കി. ചർച്ച് കമ്മീഷണർമാരുടെ 2022ലെ വാർഷിക റിപ്പോർട്ട് പ്രകാരം 13.20 ബില്യൺ ഡോളർ സഭയ്ക്ക് നിക്ഷേപമുണ്ടെന്നാണ് റിപ്പോർട്ടുകൾ.

പുരോഹിതന്മാർ ജീവിതച്ചെലവ് പ്രതിസന്ധിയിൽ വലയുകയാണെന്ന് ചർച്ച് ഓഫ് ഇംഗ്ലണ്ട് വക്താവ് പറഞ്ഞു. വൈദ്യുതി ബിൽ നിരക്ക് ഉയർന്നതോടെ വൈദികരെ സഹായിക്കുന്നതിനായി രൂപതകൾക്ക് 3 ദശലക്ഷം പൗണ്ട് കഴിഞ്ഞ വർഷം സഭ നീക്കിവച്ചിരുന്നു. ഇതിന് പിന്നാലെയാണ് ശമ്പളവർധന വൈദികർ ആവശ്യപ്പെട്ടത്. ശമ്പള വർധനയുമായി ബന്ധപ്പെട്ട ശുപാർശ ചർച്ച ചെയ്യാൻ ചർച്ച് ഓഫ് ഇംഗ്ലണ്ട് റമ്യൂണറേഷൻ കമ്മിറ്റി അടുത്തയാഴ്ച പ്രത്യേക യോഗം ചേരും. കമ്മിറ്റിയിലെ തീരുമാനം അന്തിമ ശുപാർശയ്ക്കായി സെപ്റ്റംബറിൽ ആർച്ച് ബിഷപ്പ് കൗൺസിലിന് മുന്നിൽ വെക്കും.

വീഡിയോകളിൽ കൂടുതൽ ശ്രദ്ധ വെക്കും; നഷ്ടപ്പെട്ടതെല്ലാം തിരിച്ചുപിടിക്കാൻ മസ്ക്
വൈദികരുടെ മിനിമം സ്റ്റൈപ്പൻഡ് 29,340 പൗണ്ടായി (37,600 ഡോളർ) ഉയർത്താൻ യുണൈറ്റ് നിർദേശിച്ചിരുന്നു. ജീവിതച്ചെലവ് താങ്ങാൻ കഴിയാതിരുന്നതിനെ തുടർന്ന് പല വൈദികരും കഴിഞ്ഞ വർഷം കടുത്ത ബുദ്ധിമുട്ടാണ് അനുഭവിച്ചത്. പണപ്പെരുപ്പത്തിന് അനുസൃതമായി ശമ്പളം നിശ്ചയിക്കുകയാണ് വേണ്ടതെന്ന് അധികൃതർ പറഞ്ഞു. 500 വർഷത്തെ ചരിത്രത്തിൽ ആദ്യമായി വൈദികർ ശമ്പള വർധനവ് ആവശ്യപ്പെട്ട സാഹചര്യത്തിൽ ശക്തമായ ഇടപെടലിനും സ്റ്റൈപ്പൻഡ് വർധനവിനും സാധ്യതയുണ്ടെന്നാണ് റിപ്പോർട്ടുകൾ.

Read Latest World News and Malayalam News

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക