Authored by Saritha PV | Samayam Malayalam | Updated: 20 Jun 2023, 4:31 pm
ഗര്‍ഭകാല ആരോഗ്യത്തിന് സഹായിക്കുന്ന ഘടകങ്ങള്‍ പലതാണ്. ഇതിലൊന്നാണ് യോഗ. ഗര്‍ഭിണികള്‍ക്ക് ചെയ്യാവുന്ന ചില പ്രത്യേക യോഗാ പൊസിഷനുകളുണ്ട്. ഇതെക്കുറിച്ചറിയൂ.
ശവാസന
ഇതിലൊന്നാണ് ശവാസന. കോര്‍പ്‌സ് പോസ് എന്ന ഇത് ഏറ്റവും സിംപിള്‍ യോഗാ പോസാണ്. മലര്‍ന്ന് കിടന്ന് കൈകാലുകള്‍ നിവര്‍ത്തി വച്ച് ചെയ്യാവുന്ന ഈ യോഗാപോസ് ഗര്‍ഭത്തിന്റെ തുടക്കകാലത്താണ് കൂടുതല്‍ അനുയോജ്യം. വയര്‍ കൂടുതല്‍ വലുതായി വരുമ്പോള്‍ ചിലര്‍ക്ക് മലര്‍ന്ന് കിടക്കുന്നത് ബുദ്ധിമുട്ടാകാറുമുണ്ട്. ഇത്തരം അവസ്ഥയെങ്കില്‍ ഈ പോസ് ഒഴിവാക്കാം. മനസിന് ശാന്തത നല്‍കാന്‍ ഏറെ നല്ലതാണ് ഈ പ്രത്യേക യോഗാ പോസ്.
യോഗയിലൂടെ ദഹന പ്രശ്നങ്ങൾക്ക് പരിഹാരം
യോഗയിലൂടെ ദഹന പ്രശ്നങ്ങൾക്ക് പരിഹാരം
തഡാസന അഥവാ മൗണ്ടന്‍ പോസ്
തഡാസന അഥവാ മൗണ്ടന്‍ പോസ് ഗര്‍ഭകാലത്ത് ചെയ്യാന്‍ പറ്റിയ ഒന്നാണ്. ഗര്‍ഭകാലത്ത് ചെയ്യാവുന്ന ഒരു സിംപിള്‍ യോഗാ പോസാണിത്. ഇത് ശരീരത്തിന് ബാലന്‍സ് നല്‍കാന്‍ ഏറെ ഗുണകരമാണ്. നിന്ന് ചെയ്യാവുന്ന യോഗാ പോസാണിത്. ഇതിനാല്‍ തന്നെ ചെയ്യാനും എളുപ്പമാണ്. മുകളിലേയ്ക്ക് കൈകള്‍ ഉയര്‍ത്തി ചെയ്യാവുന്ന ഈ യോഗാ പോസ് ഗര്‍ഭത്തിന്റെ ഏത് ഘട്ടത്തിലും ചെയ്യാവുന്ന ഒന്നാണ്.
ബാലാസന അഥവാ ചൈല്‍സ് പോസ്
ബാലാസന അഥവാ ചൈല്‍സ് പോസ് ഒന്നാണ്. ഇത് വയറിന്റെ സമ്മര്‍ദം കുറയ്ക്കാന്‍ സഹായിക്കുന്ന ഒന്നാണ്. പ്രത്യേകിച്ചും കുഞ്ഞിന്റെ ഭാഗം അരക്കെട്ടില്‍ ഊന്നുന്നത് തടയാന്‍ സഹായിക്കുന്ന ഒന്ന്. ഗര്‍ഭത്തിന്റെ അവസാനകാലങ്ങളില്‍ ഗുണം നല്‍കുന്ന ഒന്നാണിത്. ഇത് ചെയ്യുമ്പോള്‍ ശരീരത്തിന്റെ ഭാരം അരക്കെട്ടിലെ എല്ലില്‍ നിന്നും നീങ്ങുന്നത് അനുഭവിച്ചറിയാന്‍ സാധിയ്ക്കും.
ക്യാറ്റ് പോസ്
ബിഥിലാസന അഥവാ ക്യാറ്റ് പോസ് അല്ലെങ്കില്‍ കൗ പോസ് ഗര്‍ഭകാലത്ത് ചെയ്യാവുന്ന മറ്റ് യോഗാപോസുകളില്‍ ഒന്നാണ്. ഗര്‍ഭകാലത്തുള്ള പല ആരോഗ്യ പ്രശ്‌നങ്ങള്‍ക്കും പരിഹാരമാക്കാവുന്ന ഈ യോഗാ പോസ് ശാരീരികമായും മാനസികമായും പ്രസവത്തിന് സഹായിക്കുന്ന ഒന്ന് കൂടിയാണ്.
ക്യാറ്റ് ആന്റ് കൗ പോസ് നല്ല മൂഡിന് സഹായിക്കും. ഗര്‍ഭകാലത്ത് ഹോര്‍മോണ്‍ വ്യത്യാസങ്ങള്‍ കാരണം മൂഡ് സ്വിംഗ്‌സ് സാധാരണയാണ്. ഇതിനുള്ള പരിഹാരമാണ് ഈ പോസ്. ഇത് ശരീരത്തിന് ഊര്‍ജം നല്‍കുന്നു. മാത്രമല്ല, മുലപ്പാല്‍ ഉല്‍പാദനത്തിന് സഹായിക്കുന്ന യോഗാപോസ് കൂടിയാണ് ക്യാറ്റ് കൗ പോസ്. ഗര്‍ഭകാലത്തിന്റെ ഏത് ഘട്ടത്തിലും പരീക്ഷിയ്ക്കാവുന്ന ഒന്നാണിത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
