​മോയ്‌സ്ച്വറൈസര്‍ പുരട്ടിയിട്ടും ചര്‍മ്മം വരണ്ട് പോകുന്നുവെങ്കില്‍ കാരണം ഇതാണ്​

പ്രശ്‌നങ്ങള്‍​

ദിവസവും ഒരു നേരമെങ്കിലും കുളിക്കുന്നവരാണ് നമ്മള്‍. നമ്മള്‍ എല്ലാവരും ശരിയായരീതിയില്‍ തന്നെയാണോ കുളിക്കുന്നത് എന്ന് ചോദിച്ചാല്‍ അല്ല. പലരും ലൂഫ ഉപയോഗിച്ച് നന്നായി ഉരച്ച് തേച്ച് കുളിക്കുന്നത് കാണാം. ചിലര്‍ക്കാണെങ്കില്‍ നല്ല പതയുന്നതും മണമുള്ളതുമായ സോപ്പ് വേണം. ചിലര്‍ ബോഡി വാഷ് ഉപയോഗിച്ച് കുളിക്കണം. ചിലര്‍ അമിതമായി മണിക്കൂറുകളോളം സമയം എടുത്ത് കുളിക്കുന്നവരും കുറവല്ല.

ഇത്തരത്തില്‍ നമ്മള്‍ പിന്തുടരുന്ന ചില കുളിശീലങ്ങളാണ് നമ്മളുടെ ചര്‍മ്മ ആരോഗ്യത്തെ പൂര്‍ണ്ണമായും ഇല്ലാതാക്കുന്നത്. നമ്മളുടെ ശരീരത്തിലെ തന്നെ ഏറ്റവും വലിയ അവയവമാണ് ചര്‍മ്മം. ഈ ചര്‍മ്മത്തിന്റെ ആരോഗ്യം നശിക്കുമ്പോഴാണ് ചര്‍മ്മം വിണ്ട് പൊട്ടുന്നത്, ചൊറിച്ചില്‍ വരുന്നത്, അതുപോലെ, വരണ്ട് ഇരിക്കുന്നത്.

ചര്‍മ്മത്തില്‍ ഉണ്ടാകുന്ന ചൊറിച്ചില്‍ അകറ്റാന്‍

കുളിക്കുമ്പോള്‍ ശ്രദ്ധിക്കേണ്ടത്‌

കുളിക്കാന്‍ പരമാവധി അധികം സമയം എടുക്കാതിരിക്കുന്നതാണ് നല്ലത്. പ്രത്യേകിച്ച് ഒരു മണിക്കൂറെല്ലാം കുളിക്കുന്നത് ചര്‍മ്മത്തിന് ഒട്ടും നല്ലതല്ല. പരമാവധി വേഗത്തില്‍ കുളിച്ച് വരുന്നതാണ് ചര്‍മ്മത്തിന് നല്ലത്. അതുപോലെ, കുളിക്കാന്‍ എടുക്കുന്ന വെള്ളം നല്ലപോലെ ചൂട് ഉള്ളതാകരുത്. നേരിയ ചൂടുള്ള വെള്ളത്തില്‍ മാത്രം കുളിക്കാന്‍ ശ്രദ്ധിക്കണം.
സോപ്പ് പരമാവധി ഉപയോഗിക്കാതിരിക്കാം. പകരം ബോഡി ലോഷന്‍, അല്ലെങ്കില്‍ കടലപ്പൊടി പോലെയുള്ളവ നിങ്ങള്‍ക്ക് കുളിക്കുമ്പോള്‍ ഉപയോഗിക്കാവുന്നതാണ്. ഇത് ചര്‍മ്മത്തെ അമിതമായി ഡ്രൈ ആക്കുന്നില്ല. അതുപോലെ തന്നെ ദേഹം നന്നായി ഉരച്ച് കഴുകരുത്. ഇത് ചര്‍മ്മത്തില്‍ പോറലുകള്‍ ഉണ്ടാക്കുന്നതിനും ചര്‍മ്മത്തിലെ മോയ്‌സ്ച്വര്‍ കണ്ടന്റ് ഇല്ലാതാക്കാനും കാരണമാകുന്നു.

​നിര്‍ജലീകരണം​

ചര്‍മ്മം എല്ലായ്‌പ്പോഴും മോയ്‌സ്ച്വര്‍ ചെയ്ത് ഇരിക്കുന്നതിന് നന്നായി വെള്ളം കുടിക്കേണ്ടത് അനിവാര്യമാണ്. ഒറ്റയടിക്ക് അമിതമായി വെള്ളം കുടിക്കുന്നതിന് പകരം അര ഗ്ലാസ്സ് വീതം ഇടയ്ക്കിടയ്ക്ക് കുടിക്കുക. അതുപോലെ, ശരീരത്തിലേയ്ക്ക് വേണ്ട മിനറല്‍സ് കിട്ടണം. എന്നാല്‍ മാത്രമാണ് ശരീരം നല്ലപോലെ ഹൈഡ്രേറ്റ് ചെയ്ത് നലനില്‍ക്കൂ.

അതിനാല്‍, നിര്‍ജലീകരണം ഒഴിവാക്കാന്‍ പരമാവധി ശ്രദ്ധിക്കുക. മധുരപാനീയങ്ങള്‍ ഒഴിവാക്കുക. സാധാ വെള്ളം കുടിക്കുന്നതാണ് നല്ലത്.

​അസിഡിക്​

അസിഡ് നേച്വര്‍ ഉള്ള പദാര്‍ത്ഥങ്ങള്‍ മുഖത്ത് അമിതമായി പുരട്ടാതിരിക്കുന്നതാണ് നല്ലത്. ഇത് ചര്‍മ്മത്തിലെ പി എച്ച് ലെവല്‍ കുറയ്ക്കുന്നതിനും ഇത് ചര്‍മ്മം നല്ലപോലെ വരണ്ട് പോകുന്നതിലേയ്ക്കും നയിക്കുന്നുണ്ട്. അതിനാല്‍ ഫേയ്‌സ്പാക്കുകള്‍ ഉപയോഗിക്കുമ്പോള്‍ അത് അസിഡിക് നേച്വര്‍ കൂടുതല്‍ ഉള്ളതാണോ എന്ന് പരിശോധിക്കുന്നത് നല്ലതാണ്. പ്രത്യേകിച്ച്, ചെറുനാരങ്ങ, ഓറഞ്ച് എന്നിവയെല്ലാം അമിതമായി ഫേയ്‌സ്പാക്കുകളിലും മറ്റും ഉപയോഗിച്ച് വരുന്നുണ്ട്. ഇത് ചര്‍മ്മത്തെ സത്യത്തില്‍ വരണ്ടതാക്കുന്നു.

Also Read: ചര്‍മ്മം സംരക്ഷിക്കാന്‍ ഈ DIY മാത്രം നിങ്ങള്‍ പരീക്ഷിക്കരുത്​

​വരണ്ട ചര്‍മ്മം ഒഴിവാക്കാന്‍​

വരണ്ട ചര്‍മ്മം ഒഴിവാക്കാന്‍ നന്നായി വെള്ളം മാത്രം കുടിച്ചാല്‍ പോര, നല്ലപോലെ ആന്റിഓക്‌സിഡന്റ്‌സ് അടങ്ങിയ ആഹാരങ്ങള്‍ കഴിക്കാന്‍ ശ്രദ്ധിക്കുക. അതുപോലെ, ഗ്ലിസറിനും റോസ്‌വാട്ടറും മിക്‌സ് ചെയ്ത് ചര്‍മത്തില്‍ പുരട്ടുന്നത് മോയ്‌സ്ച്വര്‍ ചെയ്ത് നിലനിര്‍ത്താന്‍ സഹായിക്കുന്നതാണ്. Hyaluronic Acid ഉപയോഗിക്കുന്നത് നല്ലതാണ്. അതുപോലെ, ഷിയ ബട്ടര്‍, അല്ലെങ്കില്‍ ഓയില്‍ എന്നിവ ഉപയോഗിക്കുന്നതെല്ലാം തന്നെ ചര്‍മ്മത്തിന്റെ ആരോഗ്യം നിലനിര്‍ത്താന്‍ സഹായിക്കുന്നു.
English Summary: Dry Skin remedy and reasons

​