‘കുടുംബത്തോടെ ഖജനാവ് കട്ടുമുടിക്കാൻ തുനിഞ്ഞിറങ്ങിയിരിക്കുകയാണ് മുഖ്യമന്ത്രി’; ഓരോ രൂപയ്ക്കും കണക്ക് പറയിപ്പിക്കുമെന്ന് കെ സുധാകരൻ

Edited by Jibin George | Samayam Malayalam | Updated: 20 Jun 2023, 9:37 pm

മുഖ്യമന്ത്രി പിണറായി വിജയനെതിരെ രൂക്ഷ വിമർശനവുമായി കെപിസിസി അധ്യക്ഷൻ കെ സുധാകരൻ. അഴിമതിയുടെ വിളനിലമായി ഏഴ് വർഷം കൊണ്ട് കേരളത്തെ പിണറായി മാറ്റിയെന്ന് സുധാകരൻ പറഞ്ഞു

k sudhakaran criticize cm pinarayi vijayan — Photo: Facebook

ഹൈലൈറ്റ്:

മുഖ്യമന്ത്രിക്കെതിരെ കെ സുധാകരൻ.
അഴിമതികളുടെ വിളനിലമായി ഏഴുവർഷങ്ങൾ കൊണ്ട് പിണറായി കേരളത്തെ മാറ്റി.
കുടുംബത്തോടെ ഖജനാവ് കട്ടുമുടിക്കാൻ തുനിഞ്ഞിറങ്ങിയിരിക്കുകയാണ് മുഖ്യമന്ത്രി.

തിരുവനന്തപുരം: സകല അഴിമതികളിലും പിണറായി വിജയനെ ന്യായീകരിക്കാൻ വിധിക്കപ്പെട്ട സിപിഎം അടിമകളുടെ മുഖത്തേറ്റ അടിയാണ് എ ഐ ക്യാമറ അഴിമതിയിൽ ഇന്ന് കോടതിയിൽ നിന്നുണ്ടായ പരാമർശങ്ങളെന്ന് കെപിസിസി അധ്യക്ഷൻ കെ സുധാകരൻ. അഴിമതി ആരോപണത്തിൽ പ്രഥമ ദൃഷ്ട്യാ കഴമ്പുണ്ടെന്ന് കോടതിക്ക് ബോധ്യപ്പെട്ടിട്ടുണ്ട്. ജനപക്ഷത്തു നിന്നുകൊണ്ട് പ്രതിപക്ഷമാണ് ഈ അഴിമതി കൈയ്യോടെ പിടിച്ചതെന്നും കോടതിക്ക് മനസിലായിട്ടുണ്ടെന്ന് അദ്ദേഹം പറഞ്ഞു.

‘സംഘടനയെ പൂർണമായും തെറ്റിദ്ധരിപ്പിച്ചു’; നിഖിൽ തോമസിനെ പുറത്താക്കി എസ്എഫ്ഐ
അഴിമതികളുടെ വിളനിലമായി ഏഴുവർഷങ്ങൾ കൊണ്ട് പിണറായി വിജയൻ കേരളത്തെ മാറ്റിയിരിക്കുകയാണ്. ഈ അഴിമതിയും അന്വേഷിച്ചാൽ പിണറായി വിജയനിലും കുടുംബത്തിലും ചെന്ന് നിൽക്കാൻ തന്നെയാണ് സാധ്യതയെന്ന് കെ സുധകരൻ പരിഹസിച്ചു.

മലപ്പുറത്ത് അപകടങ്ങളിൽ രണ്ട് മരണം

കുടുംബത്തോടെ ഖജനാവ് കട്ടുമുടിക്കാൻ തുനിഞ്ഞിറങ്ങിയിരിക്കുകയാണ് കേരള മുഖ്യമന്ത്രി. ഈ ജനതയ്ക്ക് കാവലായി ഇമ ചിമ്മാതെ പ്രതിപക്ഷം ഇവിടെയുണ്ട്. പിണറായി വിജയൻ ഖജനാവിൽ നിന്ന് കട്ടെടുത്ത ഓരോ രൂപയ്ക്കും ഞങ്ങൾ കണക്ക് പറയിച്ചിരിക്കുമെന്ന് ഫേസ്ബുക്ക് പോസ്റ്റിലൂടെ കെ സുധാകരൻ പറഞ്ഞു.

എസ്എഫ്ഐക്കാരുടെ നെറികേടുകൾ ഒന്നൊന്നായി പുറത്തുവരുമ്പോൾ തനിക്കെതിരെ ആയിരം നാവുമായി അശ്ലീലം പറഞ്ഞ സിപിഎം സംസ്ഥാന സെക്രട്ടറി എം വി ഗോവിന്ദൻ്റെ നാവിറങ്ങിപ്പോയോ എന്ന് കെ സുധാകരൻ ചോദിച്ചു. അതേസമയം, ഡിഗ്രി സർട്ടിഫിക്കറ്റുമായി ബന്ധപ്പെട്ട ആക്ഷേപത്തിൽ എസ്.എഫ്.ഐ കായംകുളം മുൻ ഏരിയാ സെക്രട്ടറി നിഖിൽ തോമസിനെ സംഘടനയുടെ പ്രാഥമികാംഗത്വത്തിൽ നിന്നും എസ്.എഫ്.ഐ പുറത്താക്കി.

മസ്തിഷ്കമരണ സ്ഥിരീകരണ സർട്ടിഫിക്കറ്റ് കെ-സോട്ടോ പരിശോധിക്കാറുണ്ടോ? നിർണ്ണായക സൂചനകളുമായി ലിവർ ഫൗണ്ടേഷൻ: എക്സിക്യുട്ടീവ് ഡയറക്ടറെ മാറ്റിനിർത്തി അന്വേഷണം വേണമെന്ന് മുഖ്യമന്ത്രിക്ക് നിവേദനം
സംഘടനയെ പൂർണമായും തെറ്റിദ്ധരിപ്പിക്കുന്ന രീതിയിലാണ് നിഖിൽ വിശദീകരണം നൽകിയതെന്ന് എസ്.എഫ്.ഐ വ്യക്തമാക്കി. അദ്ദേഹം നൽകിയ സർട്ടിഫിക്കറ്റുകളിൽ കേരള യൂണിവേഴ്സിറ്റിയുടെ എലിജിബിലിറ്റി സർട്ടിഫിക്കറ്റിനെ സംബന്ധിച്ചു മാത്രമാണ് എന്തെങ്കിലും പരിശോധന നടത്തുവാനുള്ള സാധ്യത എസ്.എഫ്.ഐക്ക് മുമ്പിൽ ഉണ്ടായിരുന്നതെന്ന് നേതൃത്വം പറഞ്ഞു.

Read Latest Kerala News and Malayalam News

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക