വെയ്റ്റ്‌ലോസിന് പരീക്ഷിയ്ക്കാം സിംപിള്‍ യോഗാപോസുകള്‍…
Authored by Saritha PV | Samayam Malayalam | Updated: 20 Jun 2023, 6:56 pm
തടി കുറയ്ക്കാന്‍ സഹായിക്കുന്ന പല വഴികളില്‍ യോഗയ്ക്കും പ്രധാന സ്ഥാനമുണ്ട്. ഇതിനായി സഹായിക്കുന്ന ചില സിംപിള്‍ യോഗാ പോസുകളെ കുറിച്ചറിയൂ.
യോഗയില്‍ അമിത വണ്ണത്തിനും പരിഹാരം പറയുന്നുണ്ട്. ചില പ്രത്യേക യോഗാ പോസുകള്‍ പരീക്ഷിയ്ക്കുന്നത് അമിത വണ്ണത്തിന് പരിഹാരമാകും. ഇത്തരത്തിലെ ചില യോഗാ പോസുകളെക്കുറിച്ചറിയൂ.
സുഖാസന
സുഖാസന തടി കുറയ്ക്കാന്‍ സഹായിക്കുന്ന ഏറ്റവും സിംപിള്‍ യോഗാ പോസാണെന്ന് പറയാം. തുടക്കക്കാര്‍ക്ക് പോലും എളുപ്പത്തില്‍ ചെയ്യാന്‍ സാധിയ്ക്കുന്ന ഒന്നാണ് ഇത്. ശരീരത്തിന്റെ ബാലന്‍സിനും സ്‌ട്രെസ് കുറയ്ക്കാനുമെല്ലാം സഹായിക്കുന്ന ഒന്നാണ് ഈ യോഗാ പോസ്. ഇത് മെഡിറ്റേഷന് കൂടി ഉപയോഗിയ്ക്കുന്ന യോഗാ പോസാണ്. സ്വാഭാവിക പോസ് ശരീരത്തിന് നല്‍കുന്ന ഈ യോഗാപോസ് ബ്രീത്തിംഗ് വ്യായാമത്തോടെ വേണം ചെയ്യേണ്ടത്.
അന്താരാഷ്ട്ര യോഗ ദിനം: യോഗയുടെ ഗുണങ്ങൾ
അന്താരാഷ്ട്ര യോഗ ദിനം: യോഗയുടെ ഗുണങ്ങൾ
വീരഭദ്രാസന
വീരഭദ്രാസന എന്ന യോഗാപോസുണ്ട്. ഇത് നിന്ന് കൊണ്ട് ചെയ്യുന്ന യോഗയാണ്. ശരീരം മുന്നോട്ടേയ്ക്കാഞ്ഞ് ചെയ്യുന്ന ഈ യോഗപോസ് കൈകാലുകള്‍ക്കും ഇടുപ്പിനും ഉറപ്പ് നല്‍കുന്ന ഒന്നാണ്. വാരിയര്‍ പോസ് എന്നും ഇത് അറിയപ്പെടുന്നു. ഈ പോസില്‍ എത്ര സമയം വരെ നില്‍ക്കുന്നുവോ അത്രയും ഗുണം ലഭിയ്ക്കുന്നു. ഈ പൊസിഷനില്‍ വയറ്റിലെ മസിലുകള്‍ ചുരുക്കിപ്പിടിച്ചാല്‍ വയര്‍ കുറയ്ക്കുകയെന്ന ഗുണം കൂടി ഇതില്‍ നിന്നും ലഭിയ്ക്കും.
അധോമുഖ ശ്വാനാസന
അധോമുഖ ശ്വാനാസന എന്ന പോസുണ്ട്. ഇത് ഡൗണ്‍വേഡ് യോഗ പോസ് എന്നും അറിയപ്പെടുന്നുണ്ട്. കൈകാലുകള്‍ വളയാതെ നിലത്ത് കുത്തി ‘റ’ ഷേപ്പില്‍ നില്‍ക്കുന്ന ഈ പൊസിഷന്‍ തടി കുറയ്ക്കാന്‍ നല്ലതാണ്. ഇത് കൈകള്‍, തുട, പുറംഭാഗം എന്നിവയെല്ലാം ടോണ്‍ ചെയ്യാന്‍ ഏറെ നല്ലതാണ്. ഏകാഗ്രത വര്‍ദ്ധിപ്പിയ്ക്കാനും ബ്ലഡ് സര്‍കുലേഷനും കൂടി സഹായിക്കുന്ന ഒന്നാണ് ഈ പ്രത്യേക പോസ്. ഇതില്‍ ചില പ്രത്യേക മസിലുകളില്‍ കൂടുതല്‍ ഗുണം നല്‍കാന്‍ സഹായിക്കുന്നു.
ത്രികോണാസന
ത്രികോണാസന അഥവാ ട്രയാംഗിള്‍ പോസ് തടി കുറയ്ക്കാന്‍ സഹായിക്കുന്ന മറ്റൊരു യോഗാപോസാണ്. ഇത് ദഹനം മെച്ചപ്പെടുത്തുന്ന ഒന്നാണ്. വയറ്റിലേയും അരക്കെട്ടിലേയും കൊഴുപ്പ് കളയുന്ന ഒന്നാണ് ത്രികോണാസന എന്നത്. മസിലുകള്‍ ശക്തിപ്പെടുത്താന്‍ സഹായിക്കുന്ന ത്രികോണാസന ബാലന്‍സ് നില നിര്‍ത്താനും ഏകാഗ്രതയ്ക്കും സഹായിക്കുന്ന ഒന്ന് കൂടിയാണ്.
സേതുബന്ധാസന
സേതുബന്ധാസന നടുവിനെയും കാലുകളേയും ശക്തിപ്പെടുത്തുന്നതിനൊപ്പം തടി കുറയ്ക്കാന്‍ കൂടി സഹായിക്കുന്ന ഒന്നാണ്. കാലുകളില്‍ ശരീരത്തിന്റെ ഭാരമൂന്നി നടുഭാഗം വളയ്ക്കുന്ന രീതിയിലെ ഈ യോഗാസനം നട്ടെല്ലിനും കഴുത്തിനും ഉറപ്പ് നല്‍കുന്ന ഒന്ന് കൂടിയാണ്. കാലുകളിലും തലയിലും ബാലന്‍സ് ഉറപ്പിച്ച് നടുഭാഗം ഉയര്‍ത്തി കഴിയുന്നത്ര സമയം നില്‍ക്കുന്നത് ഗുണം നല്‍കും. ഇത് എനര്‍ജി നല്‍കാന്‍ സഹായിക്കുന്ന ഒന്ന് കൂടിയാണ്.
International Yoga Day: ഗര്‍ഭ കാലത്ത് ചെയ്യാവുന്ന യോഗാ പോസുകള്‍
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
