അരിമ്പാറ പോകാന്‍ നാടന്‍ വഴികള്‍…

Saritha Pv | Samayam Malayalam | Updated: 20 Jun 2023, 7:26 pm

ദേഹത്തുണ്ടാകുന്ന അരിമ്പാറ പലരേയും അലട്ടുന്ന ചര്‍മ പ്രശ്‌നമാണ്. ഇതിന് പരിഹാരമായി നമുക്ക് ചെയ്യാവുന്ന ചില വീട്ടുവൈദ്യങ്ങളുണ്ട്. ഇവ പരീക്ഷിച്ചു നോക്കൂ. ദോഷം വരുത്താത്ത വഴികളാണിവ.

• 

  എരിക്കിന്റെ ചുന

  ചില സസ്യങ്ങളുണ്ട്. എരിക്ക് ചിത്രപാല എന്നിവ അരിമ്പാറയ്ക്കുള്ള പരിഹാരമാണ്. ചിത്രപാലയുടെ പാല്‍ അരിമ്പാറയ്ക്കുള്ള പരിഹാരമാണ്. .ഇതുപോലെ എരിക്കിന്റെ ചുന അരിമ്പാറയ്‌ക്കു മുകളില്‍ പുരട്ടുന്നതും ഏറെ ഗുണം നല്‍കുന്ന ഒന്നാണ്‌.

• 

  ഇലമുളച്ചി , ഉപ്പ്‌

  ഇലമുളച്ചി എന്ന സസ്യം അരിമ്പാറയ്ക്ക് പ്രയോഗിയ്ക്കാവുന്ന ഒറ്റമൂലിയാണ്. ഇത് തനിയെ അരച്ച് പുരട്ടാം. ഇലമുളച്ചി , ഉപ്പ്‌ എന്നിവ തുല്യഅളവില്‍ യോജിപ്പിച്ച്‌ അരിമ്പാറയ്‌ക്കു മുകളില്‍ പുരട്ടുന്നത്‌ ഏറെ നല്ലതാണ്‌.

• 

  ​വെളുത്തുളളി ​

  വെളുത്തുളളി ആന്റി ബാക്ടീരിയല്‍-ഫംഗല്‍, വൈറല്‍ ഗുണങ്ങളുള്ള ഒന്നാണ്. ഇതു ചൂടാക്കി ചൂടാറിയ ശേഷം അരിമ്പാറയ്ക്കു മുകളില്‍ വച്ചു കെട്ടാം. പിന്നീട് ഒന്നു രണ്ടു മിനിറ്റു കഴിയുമ്പോള്‍ വീണ്ടും ഇതേ രീതിയില്‍ ചൂടാക്കി ഇതിനു മുകളില്‍ വീണ്ടും വച്ചു കെട്ടാം.

• 

  ​ഇഞ്ചിയും ചുണ്ണാമ്പും​

  ഇഞ്ചിയും ചുണ്ണാമ്പും ചേര്‍ത്തും നല്ലതാണ്. പച്ച ഇഞ്ചി ചെത്തിക്കൂര്‍പ്പിച്ച് ചുണ്ണാമ്പില്‍ മുക്കി അരിമ്പാറയ്ക്കു മുകളില്‍ ഉരസാം. ഇതും അരിമ്പാറ പോകാന്‍ ഏറെ നല്ലതാണ്. ബേക്കിംഗ് സോഡയോടൊപ്പം ചുണ്ണാമ്പ് ചേർത്ത് യോജിപ്പിച്ച് പുരട്ടുന്നതും അരിമ്പാറ നീക്കം ചെയ്യാൻ സഹായിക്കുന്നു.

• 

  ​ആപ്പിള്‍ സിഡെര്‍ വിനെഗര്‍​

  ആപ്പിള്‍ സിഡെര്‍ വിനെഗര്‍ ഇതിനുള്ള ഒരു വഴിയാണ്. ഇത് അടുപ്പിച്ച് അരിമ്പാറയ്ക്ക് മുകളില്‍ പുരട്ടാം. പഞ്ഞി മുക്കി ഈ പഞ്ഞി വച്ചാലും മതിയാകും. ഗുണമുണ്ടാകും.

• 

  ​ബേക്കിംഗ് സോഡ​

  ബേക്കിംഗ് സോഡാ വിദ്യയും അരിമ്പാറയ്ക്ക് പരിഹാരമായി പരീക്ഷിയ്ക്കാം. ബേക്കിംഗ് സോഡയോടൊപ്പം ചുണ്ണാമ്പ് ചേർത്ത് യോജിപ്പിച്ച് പുരട്ടുന്നതും അരിമ്പാറ നീക്കം ചെയ്യാൻ സഹായിക്കുന്നു.

• 

  ​കശുവണ്ടിക്കറ കടുകെണ്ണയില്‍ ​

  കശുവണ്ടിക്കറ കടുകെണ്ണയില്‍ ചാലിച്ച് പുരട്ടാം. കറ കൂടുതലാകാതിരിയ്ക്കാന്‍ ശ്രദ്ധിയ്ക്കുക. ഇത് ചര്‍മം പൊള്ളാന്‍ ഇടയാക്കും. ഇത് അല്‍പദിവസം ചെയ്യാം.