നിഖിൽ തോമസ് എവിടെ? അവസാന ഫോൺ ലൊക്കേഷൻ തിരുവനന്തപുരത്ത്; കണ്ടെത്താൻ പ്രത്യേക സംഘം

വ്യാജ ഡിഗ്രി വിവാദത്തിൽ നിഖിൽ തോമസിനെ സംഘടനയുടെ പ്രാഥമികാംഗത്വത്തിൽ നിന്നും എസ്.എഫ്.ഐ പുറത്താക്കിയിരുന്നു. ഡിഗ്രി സർട്ടിഫിക്കറ്റുമായി ബന്ധപ്പെട്ട ആക്ഷേപം ഉയർന്നുവന്ന ഘട്ടത്തിൽ തന്നെ എസ്.എഫ്.ഐയുടെ മുഴുവൻ ഘടകങ്ങളിൽനിന്നും അദ്ദേഹത്തെ മാറ്റി നിർത്തിയിരുന്നു. തുടർന്ന് അദ്ദേഹത്തോട് വിശദീകരണം ആവശ്യപ്പെടുകയും ചെയ്തു. എന്നാൽ സംഘടനയെ പൂർണമായും തെറ്റിദ്ധരിപ്പിക്കുന്ന രീതിയിലാണ് അദ്ദേഹം വിശദീകരണം നൽകിയതെന്നാണ് എസ്.എഫ്.ഐ വ്യക്തമാക്കുന്നത്.

വ്യാജ പ്രവൃത്തിപരിചയ സർട്ടിഫിക്കറ്റ് കേസിൽ എസ് എഫ് ഐ മുൻ നേതാവ് കെ വിദ്യ രണ്ടാഴ്ചയോളമായി ഒളിവിൽ തുടരുകയാണ്. വിദ്യക്കെതിരായ അന്വേഷണം ഊർജിതമായി തുടരുകയാണെന്നാണ് പോലീസ് വ്യക്തമാക്കുന്നത്. വിവാദവുമായി ബന്ധപ്പെട്ട കോളേജ് അധ്യാപകരിൽ നിന്ന് മൊഴിയെടുക്കുന്നതും രേഖകൾ പരിശോധികുന്നതും പോലീസ് തുടരുകയാണ്. അന്വേഷണം ശക്തമാണെന്ന് വ്യക്തമാക്കുമ്പോഴും വിദ്യ എവിടെയാണെന്ന് കണ്ടെത്താൻ പോലീസിന് ഇതുവരെ സാധിച്ചിട്ടില്ല.

Read Latest Kerala News and Malayalam News