ജീവൻ്റെ തുടിപ്പോ? പേടകം കാണാതായ സ്ഥലത്ത് ശബ്ദതരംഗങ്ങൾ; അവശേഷിക്കുന്നത് ഒരു ദിവസത്തേക്കുള്ള ഓക്സിജൻ

ഇന്ത്യ ഭയക്കണോ? പാക് പഞ്ചാബിൽ കൂറ്റൻ ആണവനിലയമുയരും, പിന്നിൽ ചൈന
ജൂൺ പതിനെട്ട് ഞായറാഴ്ചയാണ് കടലിന് അടിത്തട്ടിൽ വെച്ച് പേടകം കാണാതായത്. യാത്ര ആരംഭിച്ച് ഒരു മണിക്കൂറിന് ശേഷമാണ് പേടകവുമായുള്ള ബന്ധം നഷ്ടമായതെന്ന് യു എസ് കോസ്റ്റ് ഗാർഡ് വ്യക്തമാക്കിയിരുന്നു. പേടകത്തിനായി യുഎസ് കോസ്റ്റ് ഗാർഡും നോവ സ്കോട്ടിയയിലെ ഹാലിഫാക്സിലുള്ള കനേഡിയൻ ജോയിന്റ് റെസ്ക്യൂ കോർഡിനേഷൻ സെന്ററും സംയുക്തമായി തെരച്ചിൽ നടത്തിയെങ്കിലും ഫലമുണ്ടായില്ല. 4,000 മീറ്റർ (13,123 അടി) വരെ ആഴത്തിലെത്തി തെരച്ചിൽ നടത്താൻ ശേഷിയുള്ള അണ്ടർവാട്ടർ റോബോട്ട് സംവിധാനം ഫ്രാൻസ് കൈമാറി. പേടകത്തെ കണ്ടെത്താൻ ഈ യന്ത്രത്തിന് കഴിയുമെന്ന വിശ്വാസത്തിലാണ് അധികൃതർ.

രക്ഷാപ്രവർത്തനം അതിവേഗത്തിൽ പുരോഗമിക്കുകയാണെന്ന് യുഎസ് കോസ്റ്റ് ഗാർഡ് ക്യാപ്റ്റൻ ജാമി ഫ്രെഡറിക് ചൊവ്വാഴ്ച നടത്തിയ വാർത്താ സമ്മേളനത്തിൽ പറഞ്ഞു. അടിയന്തിര സാഹചര്യങ്ങളിൽ 96 മണിക്കൂർ വരെ ഓക്സിജൻ നൽകാൻ പേടകത്തിൽ സംവിധാനമുണ്ട്. എന്നാൽ പേടകം കടലിൻ്റെ അടിത്തട്ടിലേക്ക് ഇറങ്ങിയ സാഹചര്യത്തിൽ ഓക്സിജൻ്റെ ലഭ്യത എത്രത്തോളം നിലനിൽക്കുമെന്ന് വ്യക്തമല്ല.

പേടകത്തിനായി ഇതുവരെ 26,000 ചതുരശ്ര കിലോമീറ്റർ സ്ഥലത്ത് തെരച്ചിൽ നടത്തി. ആധൂനിക സംവിധാനങ്ങൾ ഉപയോഗിച്ച് തെരച്ചിൽ നടത്തിയിട്ടും നിർണായക വിവരങ്ങളൊന്നും ലഭ്യമായില്ല. അമേരിക്കൻ കോസ്റ്റ് ഗാർഡിൻ്റെ രണ്ട് വിമാനങ്ങളും നിരീക്ഷണ പറക്കൽ നടത്തുന്നുണ്ടെങ്കിലും ഫലമുണ്ടായില്ല. പുറത്തിറങ്ങിയാൽ ഉടനടി മരണം, 4 കിലോമീറ്റ‍ർ ഉയരത്തിൽ കടൽ; ടൈറ്റൺ മുങ്ങിക്കപ്പൽ കണ്ടെത്താൻ ചരിത്രത്തിലെ ഏറ്റവും വലിയ രക്ഷാദൗത്യം
മറൈൻ കമ്പനിയായ ഓഷൻഗേറ്റ് എക്സിപിഡിഷൻസിൻ്റെ ഉടമസ്ഥതയിലാണ് പേടകം. ഗെയിം കൺട്രോൾ സംവിധാനത്തിന് സമാനമായ രീതിയിലാണ് പേടകം നിയന്ത്രിക്കുന്നത്. അതേസമയം, പേടകത്തിൽ എത്ര പേരാണ് ഉണ്ടായിരുന്നതെന്ന സ്ഥിരീകരണം അധികൃതർ നൽകിയിട്ടില്ല. പേടകവുമായുള്ള ബന്ധം നഷ്ടമായ സമയവുമായി ബന്ധപ്പെട്ടും അവ്യക്തത തുടരുകയാണ്. വടക്കൻ അറ്റ്ലാന്റിക് സമുദ്രത്തിനടിയിൽ 3,800 മീറ്റർ താഴ്ചയിലാണ് ടൈറ്റാനിക്കിന്റെ അവശിഷ്ടങ്ങള്‍ ഉള്ളത്.

Read Latest World News and Malayalam News