ബിഗ് ടിക്കറ്റ്: ജൂണിലെ രണ്ടാമത്തെ നറുക്കെടുപ്പ് ഫലം പ്രഖ്യാപിച്ചു, എട്ടുവര്‍ഷമായി ടിക്കറ്റ് എടുക്കുന്ന മലയാളിക്ക് സമ്മാനം

Sumayya P | Samayam Malayalam | Updated: 21 Jun 2023, 1:00 pm

ജൂൺ 30 വരെ ഓൺലൈനായി http://www.bigticket.ae/ വെബ്സൈറ്റിലൂടെ ടിക്കറ്റ് വാങ്ങാം

ബിഗ് ടിക്കറ്റ് നറുക്കെടുപ്പിൽ വീണ്ടും മലയാളികളെ തേടി സമ്മാനങ്ങൾ എത്തിയിരിക്കുകയാണ്. ജൂണിൽ ഓരോ ആഴ്ച്ചയും 23 പേര്‍ക്ക് ബിഗ് ടിക്കറ്റിലൂടെ വലിയ സമ്മാനങ്ങൾ ആണ് ലഭിക്കാൻ പോകുന്നത്. ഒരു ലക്ഷം ദിര്‍ഹം അല്ലെങ്കിൽ 10,000 രൂപ സമ്മാനമായി നേടാം. കഴിഞ്ഞ ദിവസം സമ്മാനം പ്രഖ്യാപിച്ചപ്പോൾ അതിൽ മലയാളിയും ഉണ്ടായിരുന്നു.2001 മുതൽ യുഎഇയിൽ കഴിയുന്ന പാകിസ്ഥാൻ സ്വദേശിയാണ് സമ്മാനം സ്വന്തമാക്കിയ ആദ്യത്തെ വ്യക്തി. മൻസൂര്‍ 15 വര്‍ഷമായി ബിഗ് ടിക്കറ്റിൽ പങ്കെടുക്കുന്നുണ്ട്. 20 സഹപ്രവര്‍ത്തകരുമായി ചേര്‍ന്നാണ് അദ്ദേഹം ടിക്കറ്റ് എടുത്തത്. അബുദാബി വിമാനത്താവളത്തിൽ നിന്നാണ് ടിക്കറ്റ് എടുത്തത്. ടിക്കറ്റ് എടുക്കാൻ ചെന്നപ്പോൾ അവിടെ കണ്ട ഒരാളോട് ടിക്കറ്റ് തെരഞ്ഞെടുക്കാൻ പറഞ്ഞതായിരുന്നു. ആ വ്യക്തി ഒരു ടിക്കറ്റ് എടുത്ത് നൽകി. ഇനിയും ഭാഗ്യ പരീക്ഷണം തുടരാൻ ആണ് അദ്ദേഹം തീരുമാനിച്ചിരിക്കുന്നത്. ഭാര്യയ്ക്ക് ഒരു സമ്മാനം വാങ്ങാനാണ് സമ്മാനതുക കൊണ്ട് ചെയ്യാൻ ഉദ്യേശിക്കുന്നതെന്ന് അദ്ദേഹം പറയുന്നു.

തുഞ്ചത്തെഴുത്തച്ഛൻ റെയിൽവേ സ്റ്റേഷൻ; തിരൂർ സ്റ്റേഷൻ്റെ പേര് മാറ്റാൻ നീക്കം

Also Read: ഒമാനില്‍ ബലിപെരുന്നാള്‍ അവധി ദിനങ്ങള്‍ പ്രഖ്യാപിച്ചു
എട്ടുവര്‍ഷമായി ബിഗ് ടിക്കറ്റെടുക്കുന്ന മലയാളിയായ അനീഷ് ആണ് മറ്റൊരു സമ്മാനം സ്വന്തമാക്കിയിരിക്കുന്ന വ്യക്തി. അബുദാബിയിലാണ് മനീഷ് താമസിക്കുന്നത്. പത്ത് സുഹൃത്തുക്കള്‍ക്കൊപ്പം ചേർന്നാണ് ടിക്കറ്റ് വാങ്ങിയിരുന്നത്. സമ്മാന തുക അവരുമായി പങ്കുവെക്കാൻ ആണ് ഉദ്യേശിക്കുന്നത്. കൂടാതെ മക്കൾക്ക് വേണ്ടി ഭാവിയിലേക്ക് ഒരു പങ്ക് മാറ്റിവെക്കാനും തീരുമാനിച്ചിട്ടുണ്ട്.

റനീഷ് ചെറുമനാൽ എന്ന 33 കാരനാണ് മറ്റൊരു സമ്മാനം ലഭിച്ചിരിക്കുന്നത്. ഒരു പഞ്ചനക്ഷത്ര ഹോട്ടലിലാണ് ഇദ്ദേഹം ജോലി ചെയ്യുന്നത്. പത്ത് സുഹൃത്തുക്കള്‍ക്കൊപ്പം ചേർന്നാണ് അദ്ദേഹം ബിഗ് ടിക്കറ്റ് സ്വന്തമാക്കിയത്. ആറു വര്‍ഷമായി അദ്ദേഹം സ്ഥിരമായി ടിക്കറ്റ് എടുക്കുന്നുണ്ട്. ഇലക്ട്രോണിക് നറുക്കെടുപ്പ് ആഴ്ച്ചതോറും നടക്കുന്ന കാര്യം അദ്ദേഹം മറന്നു പോയി. ലൈവ് ഡ്രോയ്ക്ക് വേണ്ടി കാത്തിരിക്കുമ്പോഴാണ് തനിക്ക് സമ്മാനം ലഭിച്ച വിവരം അദ്ദേഹം അറിയുന്നത്. പണം എങ്ങനെ ചെലവാക്കണം എന്ന കാര്യത്തിൽ ഒരു തീരുമാനത്തിൽ എത്തിയിട്ടില്ലെന്ന് അദ്ദേഹം പറഞ്ഞു.

ജൂണിൽ ബിഗ് ടിക്കറ്റ് വാങ്ങിയാൽ ആഴ്ചയിൽ നടക്കുന്ന നറുക്കെടുപ്പിൽ പങ്കെടുക്കാൻ സാധിക്കും. ഒരു ലക്ഷം ദിര്‍ഹം എല്ലാ ആഴ്ചയിലും മൂന്ന് പേർക്ക് ലഭിക്കും. കൂടാതെ 20 പേർക്ക് 10,000 ദിര്‍ഹം വീതം സമ്മാനം ലഭിക്കും. ജൂലൈ മൂന്നിന് നടക്കുന്ന നറുക്കെടുപ്പിൽ 15 മില്യൺ ദിര്‍ഹം നേടാനുള്ള അവസരം ആണ് കാത്തിരിക്കുന്നത്. ജൂൺ 30 വരെ ഓൺലൈനായി http://www.bigticket.ae/ വെബ്സൈറ്റിലൂടെ ടിക്കറ്റ് വാങ്ങാം. കൂടാതെ അബുദാബി, അൽ എയ്ൻ വിമാനത്താവളങ്ങളിലെ ഇൻസ്റ്റോര്‍ വഴിയും ടിക്കറ്റ് വാങ്ങാം.

Read Latest Gulf News and Malayalam News

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക