Also Read : ‘അരിക്കൊമ്പൻ്റെ പുതിയ ചിത്രം, ഞെട്ടലിൽ മൃഗസ്നേഹികൾ’; സമൂഹമാധ്യമങ്ങളിൽ ചർച്ച, ആരോപണം നിഷേധിച്ച് തമിഴ്നാട്
കോൺഗ്രസിന്റെ ട്വീറ്റിന് മറുപടിയായാണ് മുതിർന്ന കോൺഗ്രസ് നേതാവ് ശശി തരൂരിന്റെ മറ്റൊരു ട്വീറ്റ് വന്നിരിക്കുന്നത്. യോഗ ജനകീയമാക്കിയതിന് കേന്ദ്ര സർക്കാരിനേയും അംഗീകരിക്കണമെന്ന് ചൂണ്ടിക്കാണിച്ചായിരുന്നു അദ്ദേഹത്തിന്റെ ട്വീറ്റ്.
തുടർകഥയായി തെരുവുനായ ആക്രമണം
നെഹ്രു ശീർഷാസനത്തിൽ നിൽക്കുന്ന ചിത്രവും പങ്കുവച്ചിരിക്കുന്നു കോൺഗ്രസിന്റെ അന്താരാഷ്ട്ര ദിനാശംസകൾ പങ്കുവച്ചിരിക്കുന്നത്.
‘അന്താരാഷ്ട്ര യോഗാ ദിനത്തിൽ, യോഗയെ ജനകീയമാക്കുന്നതിലും ദേശീയ നയത്തിന്റെ ഭാഗമാക്കുന്നതിലും പ്രധാന പങ്കുവഹിച്ച നെഹ്‌റുവിന് നന്ദി.’
‘നമ്മുടെ ശാരീരികവും മാനസികവുമായ ക്ഷേമത്തിൽ പുരാതന കലയുടെയും തത്ത്വചിന്തയുടെയും പ്രാധാന്യത്തെ നമുക്ക് അഭിനന്ദിക്കാം. അത് നമ്മുടെ ജീവിതത്തിൽ ഉൾപ്പെടുത്താനുള്ള നടപടികൾ സ്വീകരിക്കാം.’ എന്നായിരുന്നു കോൺഗ്രസിന്റെ ട്വീറ്റ്.
അതേസമയം, യോഗ ജനകീയമാക്കിയ മുൻ പ്രധാനമന്ത്രി ജവഹർലാൽ നെഹ്‌റുവിന് പുറമെ, യോഗയെ പുനരുജ്ജീവിപ്പിക്കുകയും ജനകീയമാക്കുകയും ചെയ്ത കേന്ദ്ര സർക്കാരിനെ ഉൾപ്പെടെ എല്ലാവരെയും നാം അംഗീകരിക്കണമെന്നാണ് ശശീ തരൂർ ട്വീറ്റിലൂടെ പറയുന്നത്.
‘തീർച്ചയായും! യുഎൻ മുഖേന അന്താരാഷ്ട്ര യോഗാ ദിനം അന്തർദേശീയവൽക്കരിക്കുന്നതിന്, യോഗയെ പുനരുജ്ജീവിപ്പിക്കുകയും ജനപ്രിയമാക്കുകയും ചെയ്ത പ്രധാനമന്ത്രി, വിദേശകാര്യ വകുപ്പ്, കേന്ദ്ര സർക്കാരിനെ അടക്കം എല്ലാവരെയും നാം അംഗീകരിക്കണം. പതിറ്റാണ്ടുകളായി ഞാൻ വാദിക്കുന്നതുപോലെ, ലോകമെമ്പാടുമുള്ള നമ്മുടെ മൃദുശക്തിയുടെ ഒരു സുപ്രധാന ഭാഗമാണ് യോഗ, അത് അംഗീകരിക്കപ്പെട്ടിരിക്കുന്നത് കാണുന്നതിൽ സന്തോഷമുണ്ട്.’ എന്നായിരുന്നു അദ്ദേഹത്തിന്റെ ട്വീറ്റ്.
നേരത്തെ, കർണാടകയിലെ നിയമസഭാ തെരഞ്ഞെടുപ്പിൽ വിജയിച്ചതിന് ശേഷം കോൺഗ്രസ് സംതൃപ്തരാകരുതെന്ന് ശശി തരൂർ മുന്നറിയിപ്പ് നൽകിയിരുന്നു. അടുത്ത വർഷം പൊതുതെരഞ്ഞെടുപ്പിനെ പരാമർശിച്ച് “ഒരു സംസ്ഥാനത്ത് പ്രവർത്തിച്ചാൽ ദേശീയതലത്തിൽ പ്രവർത്തിക്കാൻ കഴിയും” എന്ന് പാർട്ടി കരുതേണ്ടതില്ലെന്നും ശശി തരൂർ വ്യക്തമാക്കിയിരുന്നു.
മുൻപ് രാജസ്ഥാനിലും ഛത്തീസ്ഗഡിലും, മധ്യപ്രദേശിലും കോൺഗ്രസ് വിജയിച്ചിരുന്നുവെങ്കിലും 2019ലെ തെരഞ്ഞെടുപ്പിൽ വളരെ മോശം പ്രകടനമാണ് കാഴ്ച വച്ചിരുന്നതെന്നും തരൂർ ഓർമിപ്പിച്ചിരുന്നു.
അന്താരാഷ്ട്ര യോഗാ ദിനത്തിന്റെ ഭാഗമായി രാജ്യം യോഗാദിനം ആചരിച്ചു. കേന്ദ്ര, സംസ്ഥാന സർക്കാരുകളുടെയും സന്നദ്ധ സംഘടനകളുടെയും ആഭിമുഖ്യത്തിൽ യോഗാ ദിനാചരണവും പരിശീലനവും സംഘടിപ്പിച്ചിരുന്നു.
Read Latest National News and Malayalam News
