‘യോഗ കോപ്പിറൈറ്റ്, പേറ്റന്റ്, റോയലിറ്റി മുക്തമാണ്; അത് ഫ്ലക്സിബിളാണ്, ആർക്കും പഠിക്കാം’; യുഎന്നിൽ പ്രധാനമന്ത്രി

യുഎൻ ആസ്ഥാനത്ത് നടന്ന യോഗയ്ക്ക് ഗിന്നസ് റെക്കോർഡിൽ ഇടംപിടിച്ചു. ഏറ്റവുമധികം രാജ്യങ്ങളിൽ നിന്നുള്ളവർ പങ്കെടുത്തെന്ന നേട്ടമാണ് ലഭിച്ചത്. നേതൃത്വം നൽകിയത് പ്രധാനമന്ത്രി നരേന്ദ്ര മോദി.

യുഎൻ ആസ്ഥാനത്തുള്ള മഹാത്മാ ഗാന്ധിയുടെ പ്രതിമയിൽ നരേന്ദ്ര മോദി പുഷ്പാർച്ചന നടത്തി. വിവിധ രാജ്യങ്ങളിൽ നിന്നുള്ള വിവിധ വ്യക്തികളാണ് പ്രധാനമന്ത്രിയോടൊപ്പം യോഗ അഭ്യാസത്തിൽ പങ്കെടുത്തത്.

യോഗ പകർപ്പവകാശം, പേറ്റന്റ്, റോയൽറ്റി എന്നിവയിൽ നിന്ന് മുക്തമാണ്. ഇത് ഫ്ലക്സിബിളാണ് ഒരാൾക്ക് ഒറ്റയ്ക്ക്, ഒരു സംഘമായോ ചെയ്യാം. ഒരു അധ്യാപകനിൽ നിന്നോ അല്ലെങ്കിൽ സ്വയം യോഗ പഠിക്കാൻ സാധിക്കുമെന്നും പ്രധാനമന്ത്രി നരേന്ദ്ര മോദി പറഞ്ഞു.

‘മുഴുവൻ മനവരാശിയുടെയും സംഗമസ്ഥാനത്താണ് നമ്മൾ ഒത്തുകൂടിയത്. നിങ്ങളെ എല്ലാവരെയും കണ്ടതിൽ സന്തോഷമുണ്ട്. യോഗ സെഷനിൽ പങ്കെടുക്കാൻ വന്ന എല്ലാവർക്കും നന്ദി അറിയിക്കുന്നു’. അദ്ദേഹം കൂട്ടിച്ചേർത്തു.

Also Read : എൻജിനിയറെ പരസ്യമായി മുഖത്തടിച്ച് വനിതാ എംഎൽഎ; തന്റേത് സ്വാഭാവിക പ്രതികരണം മാത്രമെന്ന് വിശദീകരണം

‘പ്രായമോ ലിംഗഭേദമോ ഫിറ്റ്നസ് നിലയോ യോഗയ്‌ക്ക് ബാധകമല്ല. യോഗ സാർവത്രികമാണ്. യോഗ എന്നത് കൊണ്ട് ഉദ്ദേശിക്കുന്നത് ഒന്നിക്കുക എന്നാണ്. എല്ലാ രാജ്യത്ത് നിന്നുള്ളവരും ഇന്നിവിടെ എത്തിയിട്ടുണ്ട്. ആരോഗ്യമുള്ളവരായിരിക്കാൻ മാത്രമല്ല, മറ്റുള്ളവരോട് ദയാപൂർവം പെരുമാറാനും യോഗ നമ്മളെ പ്രാപ്തമാക്കുന്നു’ എന്നും നരേന്ദ്രമോദി പറഞ്ഞു.

Read Latest National News and Malayalam News