ചെറിയ മാസ വരുമാനത്തില്‍ ജോലി ചെയ്യുന്ന നിര്‍മാണ തൊഴിലാളികള്‍, കടകളില്‍ ജോലി ചെയ്യുന്നവര്‍ തുടങ്ങിയ പ്രവാസികള്‍ക്ക് ഓരോ വര്‍ഷവും 2000 ദിനാര്‍ (അഞ്ചു ലക്ഷത്തോളം രൂപ) എങ്ങനെ കണ്ടെത്താനാവുമെന്നാണ് ഇവരുടെ ചോദ്യം. ഒരു വര്‍ഷം മുഴുവന്‍ ജോലി ചെയ്താല്‍ പോലും തങ്ങള്‍ക്ക് 2000 ദിനാര്‍ സമ്പാദിക്കാനാവില്ലെന്ന് മുബാറക്കിയ മാര്‍ക്കറ്റിലെ ജീവനക്കാരനായ അബൂ ഫൈസല്‍ പറയുന്നു.
ഹൈലൈറ്റ്:
- പ്രവാസികള്‍ക്ക് വിസ പുതുക്കണമെങ്കില്‍ 2000 ദിനാര്‍ വാര്‍ഷിക ഫീസ് ഏര്‍പ്പെടുത്തിയ തീരുമാനം സാധാരണക്കാരായ പ്രവാസികള്‍ക്ക് വലിയ തിരിച്ചടിയാവുമെന്ന് വിലയിരുത്തല്‍.
- പ്രവാസികളെ സംബന്ധിച്ചിടത്തോളം ഈ തീരുമാനം അവരെ കുവൈറ്റില്‍ നിന്ന് പുറത്താക്കുന്നതിന് തുല്യമാണെന്നും നടപടിക്ക് വിധേയരായവര്‍ പറയുന്നു.
- ആരോഗ്യ ഇന്‍ഷൂറന്‍സ് പദ്ധതി എടുക്കണമെന്ന ആവശ്യവും ഇവര്‍ക്ക് കൂടുതല്‍ പ്രയാസങ്ങള്‍ സൃഷ്ടിക്കും.
കുവൈറ്റ് വിടുകയല്ലാതെ വഴിയില്ലെന്ന്
ചെറിയ മാസ വരുമാനത്തില്‍ ജോലി ചെയ്യുന്ന നിര്‍മാണ തൊഴിലാളികള്‍, കടകളില്‍ ജോലി ചെയ്യുന്നവര്‍ തുടങ്ങിയ പ്രവാസികള്‍ക്ക് ഓരോ വര്‍ഷവും 2000 ദിനാര്‍ (അഞ്ചു ലക്ഷത്തോളം രൂപ) എങ്ങനെ കണ്ടെത്താനാവുമെന്നാണ് ഇവരുടെ ചോദ്യം. ഒരു വര്‍ഷം മുഴുവന്‍ ജോലി ചെയ്താല്‍ പോലും തങ്ങള്‍ക്ക് 2000 ദിനാര്‍ സമ്പാദിക്കാനാവില്ലെന്ന് മുബാറക്കിയ മാര്‍ക്കറ്റിലെ ജീവനക്കാരനായ അബൂ ഫൈസല്‍ പറയുന്നു. 60 കഴിഞ്ഞവരെ കുവൈറ്റില്‍ വേണ്ട എന്നാണ് അധികൃതരുടെ തീരുമാനം എന്നാണ് ഇതില്‍ നിന്ന് മനസ്സിലാവുന്നതെന്നും അദ്ദേഹം പറഞ്ഞു. വിസ പുതുക്കുന്നതിനുള്ള 2000 രൂപ തന്റെ കൈവശമില്ലെന്ന് ഇവിടെ കട നടത്തുന്ന മറ്റൊരു വ്യാപാരി അബൂ തുര്‍ക്കി പറയുന്നു. കടയ്ക്ക് വാടകയായി മാസം 400 ദിനാര്‍ വീതമാണ് ഈടാക്കുന്നത്. അതു കഴിച്ച് മാസത്തില്‍ 150 ദിനാറാണ് തന്റെ സമ്പാദ്യമെന്നും പിന്നെങ്ങനെ ഇത്ര വലിയ ഫീസ് നല്‍കി വിസ പുതുക്കാനാവുമെന്നുമാണ് അദ്ദേഹത്തിന്റെ ചോദ്യം. മാസത്തില്‍ 150 റിയാല്‍ ശമ്പളമുള്ള തന്നില്‍ നിന്ന് വിസ പുതുക്കാന്‍ വര്‍ഷത്തില്‍ 2000 ദിനാര്‍ ഈടാക്കാനുള്ള കുവൈറ്റ് അധികൃതരുടെ തീരുമാനം വിശ്വസിക്കാനാവുന്നില്ലെന്ന് മറ്റൊരു വ്യാപാരി പറഞ്ഞു. കുവൈറ്റില്‍ പതിറ്റാണ്ടുകളായി ചുമടെടുത്ത് ജീവിക്കുന്ന തന്നെ പോലെയുള്ളവരെ രാജ്യം പുറത്താക്കുകയല്ലേ ഈ തീരുമാനത്തിലൂടെ ചെയ്യുന്നതെന്നും അദ്ദേഹം ചോദിക്കുന്നു.
ഇളവ് പ്രതീക്ഷിച്ച് പ്രവാസികള്‍
2020 സെപ്തംബറിലാണ് സെക്കണ്ടറി സ്‌കൂള്‍ വിദ്യാഭ്യാസമോ അതിന് താഴെയോ മാത്രം യോഗ്യതയുള്ള വിദേശികള്‍ക്ക് 60 വയസ്സ് കഴിഞ്ഞാല്‍ വര്‍ക്ക് പെര്‍മിറ്റ് പുതുക്കി നല്‍കില്ലെന്ന് മാനവ വിഭവശേഷി അതോറിറ്റി ഉത്തരവിറക്കിയത്. 2021 ജനുവരി ഒന്നു മുതല്‍ ഈ നിയനം പ്രാബല്യത്തില്‍ വരികയും ചെയ്തു. എന്നാല്‍ ഇതിനെതിരേ സ്വദേശികളില്‍ നിന്നു തന്നെ പ്രതിഷേധം ശക്തമായ സാഹചര്യത്തില്‍ നിയമത്തില്‍ ഭേദഗതി വരുത്താന്‍ മന്ത്രിസഭ തീരുമാനിക്കുകായിരുന്നു. ഇതുപ്രകാരമാണ് 2000 ദിനാര്‍ ഫീസ് ഈടാക്കി 60 കഴിഞ്ഞവര്‍ക്ക് വിസ പുതുക്കി നല്‍കാന്‍ ധാരണയായത്. എന്നാല്‍ പഠനം പൂര്‍ത്തിയാക്കാതെ നാല്‍പ്പതോ അതിലേറെയോ വര്‍ഷം മുമ്പ് കുവൈറ്റില്‍ എത്തി അവിദഗ്ധ മേഖലയില്‍ തൊഴില്‍ ചെയ്യുന്ന മലയാളികള്‍ ഉള്‍പ്പെടെയുള്ള പതിനായിരങ്ങള്‍ക്ക് ഉയര്‍ന്ന ഫീസ് താങ്ങാനാവില്ലെന്നും സ്വന്തം രാജ്യത്തേക്ക് തിരിച്ചുപോവുക മാത്രമായിരിക്കും അവര്‍ക്കു മുമ്പിലെ പോംവഴിയെന്നുമാണ് വിലയിരുത്തപ്പെടുന്നത്. സാധാരണക്കാരായ പ്രവാസികള്‍ക്കെങ്കിലും ഇക്കാര്യത്തില്‍ ഇളവ് ലഭിക്കുമോ എന്ന പ്രതീക്ഷയിലാണ് വയോജനങ്ങളായ ലക്ഷക്കണക്കിന് പ്രവാസികള്‍.
കുറച്ച് പാഴ് വസ്തുക്കൾ മതി… പിന്നീട് നടക്കുന്നത് ‘കൗതുകമാണ്’
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : expats over 60 will be able to renew residency permit by paying kd2000 a year
Malayalam News from malayalam.samayam.com, TIL Network
