എഎസ്ഐ അശ്ലീല വീഡിയോ അയക്കുന്നു; മുഖ്യമന്ത്രിക്ക് പരാതി നൽകി വീട്ടമ്മ

കൊച്ചി: പോലീസ് ഉദ്യോഗസ്ഥൻ ആശ്ലീല സന്ദേശമയക്കുന്നുവെന്ന് വ്യക്തമാക്കി വീട്ടമ്മ മുഖ്യമന്ത്രി പിണറായി വിജയന് പരാതി നൽകി. എറണാകുളം സ്വദേശിനിയായ വീട്ടമ്മയാണ് പരാതിയുമായി രംഗത്തുവന്നത്. പോലീസ് ഉദ്യോഗസ്ഥനിൽ നിന്നും തുടർച്ചയായി മോശം അനുഭവം ഉണ്ടാകുന്നുണ്ടെന്ന് പരാതിയിൽ വ്യക്തമാക്കുന്നുണ്ടെന്ന് ന്യൂസ് 18 കേരള റിപ്പോർട്ട് ചെയ്തു.



നെയ്യാർ ഡാം പോലീസിന് നേരെ കഞ്ചാവ് മാഫിയയുടെ ബോംബേറ്; ജീപ്പ് കല്ലെറിഞ്ഞ് തകര്‍ത്തു

ഭർത്താവുമായുള്ള പ്രശ്നങ്ങളെ തുടർന്ന് കൊച്ചി സിറ്റി പോലീസ് കമ്മിഷണർ ഓഫീസിൽ എത്തിയിരുന്നു. ഭർത്താവുമായി നിലനിൽക്കുന്ന പ്രശ്നം പരിഹരിക്കുന്നതിൻ്റെ ഭാഗമായി കൗൺസിലിങ്ങ് നൽകാൻ ഒരു എഎസ്ഐയെ നിയോഗിച്ചിരുന്നു. ഇയാളിൽ നിന്നാണ് മോശം പെരുമാറ്റം ഉണ്ടാകുന്നതെന്നാണ് വീട്ടമ്മ പരാതിയിൽ പറയുന്നത്.

കൗൺസിലിങിൻ്റെ ഭാഗമായിട്ടാണ് എഎസ്ഐ ആദ്യമായി മൊബൈൽ ഫോണിൽ വിളിക്കുന്നത്. തുടർന്ന് ഇയാളിൽ നിന്ന് മോശം അനുഭവം ഉണ്ടാകുകയായിരുന്നുവെന്നാണ് വീട്ടമ്മ വ്യക്തമാക്കുന്നത്. നഗ്ന ചിത്രങ്ങളും അശ്ലീല വീഡിയോകളും ഫോണിലേക്ക് അയച്ചു. ഫോണിലേക്ക് ഇത്തരം സന്ദേശങ്ങൾ അയക്കുന്നത് വിലക്കിയിട്ടും പോലീസ് ഉദ്യോഗസ്ഥനിൽ നിന്നും ഈ പ്രവർത്തി തുടർന്നുവെന്നും വീട്ടമ്മ പരാതിയിൽ പറയുന്നുണ്ട്.

വടക്കഞ്ചേരിയില്‍ 16കാരിയെ വീടിനുള്ളിൽ മരിച്ച നിലയിൽ കണ്ടെത്തി; അന്വേഷണം ആരംഭിച്ച് പോലീസ്

എഎസ്ഐയുടെ ആവശ്യത്തിന് വഴങ്ങാതെ വന്നതോടെ തനിക്കെതിരെ മോശമായ രീതിയിൽ അപവാദ പ്രചാരണങ്ങൾ നടത്തിയെന്നും മുഖ്യമന്ത്രിക്ക് നൽകിയ പരാതിയിൽ വീട്ടമ്മ വ്യക്തമാക്കുന്നുണ്ട്. പരാതിയിൽ അന്വേഷണമടക്കമുള്ള നടപടികൾ ആരംഭിച്ചോ എന്ന കാര്യത്തിൽ വ്യക്തത കൈവന്നിട്ടില്ല.