‘ഞാൻ ചീത്ത വിളിക്കില്ലെന്ന് കരുതിയാകണം സതീശനും കെസിയും ആ സമയത്തെത്തിയത്, ഭക്ഷണം കഴിച്ചിട്ട് ഇരുവരും സ്ഥലംവിട്ടു’; നിലപാടിൽ മാറ്റമില്ലെന്ന് ജി സുകുമാരൻ നായർ

ലൈംഗിക വൈകൃതങ്ങളുടെ ചിത്രങ്ങൾ കാമ്പസുകളിൽ സ്ഥാപിച്ചത് എസ്എഫ്ഐ അല്ലേ?; തൊപ്പിയുടെ അറസ്റ്റിൽ പ്രതികരിച്ച് ഹരിത നേതാവ്

ബിഷപ്പ് പൗവത്തിലിൻ്റെ സംസ്കാരച്ചടങ്ങിൽ പങ്കെടുക്കാൻ ചങ്ങനാശേരിയിൽ എത്തിയപ്പോൾ വി ഡി സതീശനും കെ സി വേണുഗോപാലും എൻഎസ്എസ് ആസ്ഥാനത്ത് എത്തിയിരുന്നു. ഇതൊരു നല്ല സമയമാണല്ലോ, ചീത്ത വിളിയുണ്ടാകില്ലല്ലോ എന്ന് കരുതിയാകണം ഇരുവരും ഈ സമയം തെരഞ്ഞെടുത്ത് എത്തിയത്. എൻഎസ്എസ് ആസ്ഥാനത്ത് എത്തിയ ഇരുവരോടും ഒന്നും പറഞ്ഞില്ല. ഭക്ഷണം കഴിച്ചിട്ട് പോകണം എന്നാണ് പറഞ്ഞത്. ഭക്ഷണം കഴിച്ച് ഇരുവരും പെട്ടെന്ന് സ്ഥലം വിടുകയും ചെയ്തുവെന്ന് സുകുമാരൻ നായർ വ്യക്തമാക്കി.

വി ഡി സതീശനോടും കെ സി വേണുഗോപാലിനോടും അന്ന് ഒരു വിഷയവും സംസാരിച്ചില്ല. വിഷയങ്ങൾ സംസാരിച്ചിരുന്നുവെങ്കിൽ പുറത്ത് പോകാൻ പറഞ്ഞേനെ. പ്രശ്നങ്ങൾ അവസാനിപ്പിക്കാനാണ് അവർ എത്തിയത്. എന്നാൽ, അവരോടുള്ള തൻ്റെ നിലപാടിൽ മാറ്റമില്ലെന്നും സുകുമാരൻ നായർ പറഞ്ഞു. ഇരുവരും എൻഎസ്എസിൻ്റെ എതിർചേരിയിലാണോ എന്ന ചോദ്യത്തിന് അത് നിങ്ങൾ ഗണിച്ചോളൂ എന്ന മറുപടിയാണ് അദ്ദേഹം മാധ്യമപ്രവർത്തകർക്ക് നൽകിയത്.

ബസിൽ ഇരിക്കവെ പോലീസ് എത്തി; നിഖിൽ തോമസ് പിടിയിൽ, കസ്റ്റഡിയിലെടുത്തത് കോട്ടയത്ത് നിന്ന്
രാഷ്ട്രീയം നോക്കിയല്ല എൻഎസ്എസിൽ അതിഥികളെ ക്ഷണിക്കുന്നതെന്നായിരുന്നു ശശി തരൂരിനെ എൻഎൻഎസ്എസ് ആസ്ഥാനത്തേക്ക് ക്ഷണിച്ചതുമായി ബന്ധപ്പെട്ട ചോദ്യത്തിന് സുകുമാരൻ നായർ മറുപടി നൽകിയത്. തറവാടിയും നല്ല ഭാഷയുമുള്ള ആളാണ് ശശി തരൂർ. നന്നായി സംസാരിക്കുകയും ലോകപരിചയവും അദ്ദേഹത്തിനുണ്ട്. എന്നാൽ, തരൂരിൻ്റെ രാഷ്ട്രീയവുമായി ബന്ധമില്ലെന്ന് എസ്എസ്എസ് ജനറൽ സെക്രട്ടറി ജി സുകുമാരൻ നായർ പറഞ്ഞു.

Read Latest Kerala News and Malayalam News