മഴ കനക്കും, നാളെ നാല് ജില്ലകളിൽ യെല്ലോ അലേർട്ട്; ഇടുക്കിയിൽ പ്രത്യേക ജാഗ്രതാ നിർദേശം
അടുത്തമണിക്കൂറുകളിൽ കേരളത്തിലെ കണ്ണൂർ, കോഴിക്കോട് എന്നീ ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഹൈലൈറ്റ്:
- സംസ്ഥാനത്ത് മഴ ശക്തമാകും
- 4 ജില്ലകളിൽ യെല്ലോ അലേർട്ട്
- ഇടുക്കിയിൽ പ്രത്യേക ജാഗ്രത
ഞായറാഴ്ച ആലപ്പുഴ, എറണാകുളം, തൃശൂർ, കോഴിക്കോട് ജില്ലകളിലും തിങ്കളാഴ്ച എറണാകുളം, കണ്ണൂർ ജില്ലകളിലുമാണ് യെല്ലോ അലേർട്ട്. ചൊവ്വാഴ്ച ആലപ്പുഴ,കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം ജില്ലകളിലും കേന്ദ്ര കാലാവസ്ഥാവകുപ്പ് യെല്ലോ അലർട്ട് പ്രഖ്യാപിച്ചിട്ടുണ്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർഥമാക്കുന്നത്.
Also Read : മാറിനിൽക്കാൻ തയ്യാറെന്ന് സുധാകരൻ; രാജിവെച്ചാൽ പകരം അധ്യക്ഷനാവുക ആര്? സാധ്യത ഈ നാല് നേതാക്കൾക്ക്
അഴിമതിയുടെ ചെളിക്കുണ്ടിലാണ് മുഖ്യമന്ത്രിയും കൂട്ടരുമെന്ന് വിഡി സതീശൻ
ചൊവ്വാഴ്ച ഇടുക്കിയിൽ മഞ്ഞ അലർട്ട് ആണ് കേന്ദ്ര കാലാവസ്ഥാ വകുപ്പ് പ്രവചിച്ചിരിയ്ക്കുന്നതെങ്കിലും ഓറഞ്ച് അലർട്ടിന് സമാനമായ മഴ പ്രതീക്ഷിക്കാവുന്നതാണ്. 24 മണിക്കൂറിൽ 115.6 മില്ലിമീറ്റർ മുതൽ 204.4 മില്ലിമീറ്റർ വരെ മഴ ഇവിടെ ലഭിച്ചേക്കാമെന്നും കാലാവസ്ഥാ വകുപ്പ് അറിയിച്ചു.
Read Latest Kerala News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
