‘തീർത്തുകളയും, വെല്ലുവിളിച്ച് പുടിൻ്റെ ഷെഫ്’; തിരിഞ്ഞുകൊത്തി റഷ്യയുടെ കൂലിപ്പട്ടാളം, സൈനിക കേന്ദ്രം പിടിച്ചെന്ന് റിപ്പോർട്ട്

‘പ്രസവത്തിന് ശേഷം കൊല്ലും’; നവജാതശിശുക്കളുടെ ശരീരം ഫ്രീസറിൽ, മൂന്ന് കുട്ടികളുടെ അമ്മ പിടിയിൽ

റോസ്തോവ്-ഓൺ-ഡോണിലെ സൈനിക കേന്ദ്രങ്ങൾ തങ്ങളുടെ നിയന്ത്രണത്തിലാണെന്ന് വീഡിയോ സന്ദേശത്തിലൂടെ പ്രിഗോസിൻ അറിയിച്ചു. യുക്രൈൻ യുദ്ധത്തിൽ റഷ്യക്ക് നിർണായകമായ പ്രദേശമാണ് റോസ്തോവ്-ഓൺ-ഡോൺ. പ്രാദേശിക സമയം രാവിലെ ഏഴുമണിക്ക് ശേഷം സൈനിക കേന്ദ്രങ്ങൾ നിയന്ത്രണത്തിലാക്കാനായി. മരിക്കാൻ തയ്യാറായിട്ടുള്ള ആയിരക്കണക്കിന് അംഗങ്ങളാണ് യുക്രൈനിൽ നിന്ന് റഷ്യയിലേക്ക് കടന്നത്. ഞങ്ങളുടെ വരവറിഞ്ഞ് ഷ്യയുടെ ചീഫ് ഓഫ് ജനറല്‍ സ്റ്റാഫ് വലേറി ജെറാസിമോവ് ഓടി രക്ഷപ്പെട്ടെന്ന് പ്രിഗോസിൻ പരിഹസിച്ചു.

‘ടൈറ്റാനിക്ക് 4 കിലോമീറ്റർ ആഴത്തിൽ’; ലഭിക്കുമോ 5 മൃതദേഹങ്ങൾ, തകർന്ന ടൈറ്റൺ എവിടെ?
റോസ്തോവ്-ഓൺ-ഡോണിലെ സൈനിക കേന്ദ്രങ്ങൾ പിടിച്ചെടുത്തെങ്കിലും യുദ്ധ വിമാനങ്ങൾ യുക്രൈനെ ലക്ഷ്യമാക്കി പറക്കുകയും ആക്രമം നടത്തുകയും ചെയ്യുന്നുണ്ടെന്ന് പ്രിഗോസിൻ പറഞ്ഞു. സിവിലിയൻ വാഹനവ്യൂഹത്തിന് നേരെ വെടിയുതിർത്ത റഷ്യൻ സൈനിക ഹെലികോപ്റ്റർ തന്റെ സൈന്യം വെടിവച്ചിട്ടതായി പ്രിഗോസിൻ അവകാശപ്പെട്ടെങ്കിലും സ്ഥിരീകരണം ഉണ്ടായിട്ടില്ല.

ഞങ്ങളുടെ മുന്നേറ്റത്തിന് തടസമായി ആരും നിൽക്കരുതെന്ന് ആവശ്യപ്പെടുന്നു. ഇത് സൈനിക അട്ടിമറിയല്ല. ഞങ്ങളുടെ പ്രവർത്തനങ്ങൾ റഷ്യൻ സൈനികർക്ക് എതിരെയല്ല. പ്രസിഡൻഷ്യൽ അധികാരം, സർക്കാർ, പോലീസ്, റഷ്യൻ ഗാർഡ് എന്നിവരുടെ പ്രവർത്തനങ്ങളും ഭരണവും പതിവുപോലെ പ്രവർത്തിക്കുമെന്ന് വാഗ്നർ മേധാവി പ്രിഗോസിൻ പറഞ്ഞു. യുക്രൈൻ യുദ്ധത്തിൽ ആയിരക്കണക്കിന് സൈനികരെയാണ് നഷ്ടമായത്. സർക്കാർ നൽകുന്ന കണക്കുകളിൽ പിശകുണ്ട്. സർക്കാരിൻ്റെ നിയന്ത്രണത്തിലുള്ള ചാനലിലൂടെ പുറത്തുവരുന്ന വിവരങ്ങൾ വിശ്വസിക്കരുതെന്നും അദ്ദേഹം കൂട്ടിച്ചേർത്തു.

വാഗ്നർ സംഘത്തിൻ്റെ നീക്കം റഷ്യൻ ഭരണകൂടം നിരീക്ഷിക്കുകയാണ്. മോസ്കോ അടക്കമുള്ള നഗരങ്ങളിൽ സുരക്ഷ ശക്തമാക്കി. പ്രസിഡൻ്റ് പുടിൻ രാജ്യത്തെ അഭിസംബോധന ചെയ്യുമെന്ന റിപ്പോർട്ടുകളുണ്ടെങ്കിലും വാഗ്നർ സംഘത്തിൻ്റെ നീക്കത്തിൻ്റെ പശ്ചാത്തലത്തിലാണോ എന്ന് വ്യക്തമല്ല. പ്രിഗോസിൻ്റെ പ്രസ്താവന പുറത്തുവന്നതോടെ റഷ്യൻ സുരക്ഷാ സംഘടനയായ എഫ് എസ് ബി കേസ് രജിസ്റ്റർ ചെയ്തു. പ്രിഗോസിൻ്റെ നിർദേശങ്ങൾ പാലിക്കരുതെന്ന് വാഗ്നർ സംഘത്തിന് റഷ്യ നിർദേശം നൽകി.

എന്താണ് ‘കാറ്റസ്ട്രോഫിക് ഇംപ്ലോഷൻ’? എങ്ങനെയാണത് ടൈറ്റൻ ജലപേടകത്തെ തകർത്തത്?
റഷ്യൻ സൈന്യത്തിനൊപ്പം യുക്രൈനിൽ യുദ്ധം ചെയ്യുന്ന പുടിൻ്റെ കൂലിപ്പടയാളിളാണ് വാഗ്നർ ഗ്രൂപ്പ്. യുക്രൈൻ യുദ്ധം നീളുന്ന സാഹചര്യത്തിലാണ് വിമതസംഘം എതിർപ്പറിയിച്ചത്. റസ്റ്റോറൻ്റ് ബിസിനസിലൂടെ പ്രശസ്തനായ റഷ്യൻ ധനികൻ കൂടിയായ പ്രിഗോസിനെ ആളുകൾ പുടിൻ്റെ ‘ഷെഫ്’ എന്നാണ് പരിഹസിച്ചിരുന്നത്. പുടിൻ്റെ കൂലിപ്പട്ടാളമായ വാഗ്നർ സംഘത്തിൻ്റെ തലവനായതോടെയാണ് പുടിൻ്റെ ഷെഫ് എന്ന വിശേഷണം ലഭിച്ചത്.

Read Latest World News and Malayalam News