‘എല്ലാം ഓക്കെയാണ്’; അരിക്കൊമ്പൻ പുതിയ സാഹചര്യവുമായി പൊരുത്തപ്പെട്ടു; പ്രചരിച്ച ചിത്രം 100 മീറ്റർ അകലെ നിന്നെടുത്തത്: കടുവാസങ്കേതം ഡെപ്യൂട്ടി ഡയറക്ടർ

Also Read : വീണ്ടും ബിജെപിയിലേക്ക് മടങ്ങുമോ? പാർട്ടി വിട്ടവരെ തിരികെയെത്തിക്കാൻ ശ്രമം; ജെപി നദ്ദ കേരളത്തിലേക്ക്

ആന പൂർണ്ണമായും പുതിയ സാഹചര്യത്തോട് പൊരുത്തപ്പെട്ട് വരികയാണ്. ധാരാളം പുല്ലും വെള്ളവും കിട്ടുന്ന സ്ഥലത്താണ് ആന നിലവിലുള്ളത്. ആനയുടെ ആരോഗ്യനില സംബന്ധിച്ച് യാതൊരു ആശങ്കയും വേണ്ട. പഴയ അവസ്ഥയിലേക്ക് ആന തിരികെയെത്തുകയാണെന്നും ഉദ്യോഗസ്ഥ വ്യക്തമാക്കി. ആനയുടെ ചിത്രങ്ങൾ സർക്കാരിന് കൈമാറുന്നുണ്ടെന്നും, ഉന്നത കേന്ദ്രങ്ങളിൽ നിന്നാണ് ചിത്രം പുറത്തുവിടേണ്ടതെന്നും ഡെപ്യൂട്ടി ഡയറക്ടർ വിശദീകരിച്ചെന്നാണ് റിപ്പോർട്ട്.

Also Read : കഞ്ചാവും എംഡിഎംഎ വില്‍പനയും; കൊലപാതക കേസില്‍ ജയിലിലായി ജാമ്യത്തിലിറങ്ങി; അതുലിന്‍റേത് നാട്ടില്‍ ഭീകരാന്തരീക്ഷം സൃഷ്ടിച്ചു കൊണ്ടുള്ള ജീവിതം

അരിക്കൊമ്പനുമായി ബന്ധപ്പെട്ട് സോഷ്യൽ മീഡിയയിൽ നടക്കുന്ന പ്രചാരണം തമിഴ്നാട് വനം വകുപ്പ് മുഖ്യവനപാലകൻ ശ്രീനിവാസ റെഡ്ഡിയും കഴിഞ്ഞദിവസം തള്ളിയിരുന്നു. ആന ആരോഗ്യവാനാണെന്നും തുമ്പിക്കൈയിലെ മുറിവ് പൂർണമായും ഉണങ്ങിയെന്നുമാണ് അദ്ദേഹം പറയുന്നത്. ആന ഭക്ഷണം കഴിക്കുകയും വെള്ളം കുടിക്കുകയും സഞ്ചരിക്കുകയും ചെയ്യുന്നുണ്ടെന്നും ശ്രീനിവാസ റെഡ്ഡി വ്യക്തമാക്കിയതിന് പിന്നാലെയാണ് സെമ്പക പ്രിയയുടെ വിശദീകരണം.