കുട്ടികളിലെ കൊവിഡ് വാക്സിനേഷന്‍ പരീക്ഷണം അന്തിമഘട്ടത്തിലെന്ന് കേന്ദ്രം

ന്യൂഡൽഹി: കുട്ടികളിലെ കൊവിഡ്-19 പ്രതിരോധ വാക്സിനേഷനായുള്ള മാനദണ്ഡങ്ങൾ ഉടൻ പുറത്തിറക്കുമെന്ന് കേന്ദ്ര സർക്കാർ. രാജ്യത്ത് കൊവിഡിൻ്റെ മൂന്നാം തരംഗം ഓഗസ്റ്റ് അവസാനത്തോടെ ഉണ്ടാകുമെന്ന് ഐസിഎംആര്‍ സൂചന നൽകിയ സാഹചര്യം തുടരുന്നതിനിടെയാണ് വാക്സിൻ പരീക്ഷണം അന്തിമഘട്ടത്തിലാണെന്ന് അധികൃതർ വ്യക്തമാക്കിയത്.



കേരളത്തിലെ കൊവിഡ് വ്യാപനത്തിൽ ആശങ്ക; കൂടുതൽ നിയന്ത്രണങ്ങൾ വേണമെന്ന് പ്രധാനമന്ത്രി

വിദഗ്ധ സമിതി അംഗീകാരം നൽകുന്നതിന് പിന്നാലെ വാക്സിനേഷൻ നടപടികളിലേക്ക് കടക്കുമെന്നും കേന്ദ്ര സർക്കാർ അറിയിച്ചു. അതേസമയം, കൊവിഡിൻ്റെ മൂന്നാം തരംഗം തരംഗവുമായി താരതമ്യം ചെയ്യുമ്പോൾ അത്ര തീവ്രമാകില്ലെന്നാണ് വിലയിരുത്തൽ. ഇന്ത്യൻ കൗൺസിൽ ഓഫ് മെഡിക്കൽ റിസർച്ചിലെ എപ്പിഡെമിയോളജി, സാംക്രമിക രോഗങ്ങൾ വിഭാഗം മേധാവി ഡോ. സമീരൻ പാണ്ട എൻഡിടിവിക്ക് അനുവദിച്ച അഭിമുഖത്തിൽ ഇക്കാര്യങ്ങള്‍ പറഞ്ഞത്.

രാജ്യവ്യാപകമായി കൊവിഡിൻ്റെ മൂന്നാം തരംഗമുണ്ടാകും, പക്ഷേ ഇത് രണ്ടാമത്തെ തരംഗത്തെക്കാൾ ഉയർന്നതോ തീവ്രമോ ആയിരിക്കുമെന്ന് ഇതിനർത്ഥമില്ലെന്ന് ഇന്ത്യൻ കൗൺസിൽ ഓഫ് മെഡിക്കൽ റിസർച്ചിലെ എപ്പിഡെമിയോളജി, സാംക്രമിക രോഗങ്ങൾ വിഭാഗം മേധാവി ഡോ. സമീരൻ ദേശീയ മാധ്യമത്തോട് പറഞ്ഞു. പ്രധാനമായും മൂന്നാം തരംഗത്തിലേക്ക് നയിക്കുന്നത് നാല് കാര്യങ്ങളാണ്. അതിൽ ജനങ്ങള്‍ ഒന്നും രണ്ടും തരംഗത്തിലായി ആര്‍ജിച്ച പ്രതിരോധ ശേഷി കുറഞ്ഞു വരുന്നത് പ്രധാന കാരണമായേക്കാം. പ്രതിരോധ ശേഷി കുറഞ്ഞാൽ മൂന്നാം തരംഗം ഉണ്ടാകും അദ്ദേഹം പറയുന്നു.

കേന്ദ്ര ആരോഗ്യ മന്ത്രാലയം ഇന്ന് രാവിലെ പുറത്തുവിട്ട കണക്കുകൾ പ്രകാരം രാജ്യത്ത് കഴിഞ്ഞ 24 മണിക്കൂറിനിടെ 38,949 കൊവിഡ് കേസുകളാണ് റിപ്പോര്‍ട്ട് ചെയ്തിരിക്കുന്നത്. രോഗമുക്തി നിരക്ക് 97.28% ആണ്, രോഗമുക്തി നിരക്ക് 1.99% ആണ്.

എക്സ്പ്രസ് ഹൈവേയിൽ ട്രക്ക് മറിഞ്ഞു; റോഡിൽ വീണത് 20 ടൺ തക്കാളി; ഗതാഗതകുരുക്ക്

രാജ്യത്ത് ഇതുവരെ കൊവിഡ് സ്ഥിരീകരിച്ചവരുടെ എണ്ണം 3,10,26,829 ആയി. 4,30,422 ആക്ടീവ് കൊവിഡ് കേസുകളാണ് നിലവിൽ രാജ്യത്തുള്ളത്. 3,01,83,876 പേർക്ക് രോഗമുക്തി ലഭിച്ചതായും ആരോഗ്യ മന്ത്രാലയം വ്യക്തമാക്കി. കഴിഞ്ഞ 24 മണിക്കൂറിനിടെ 542 മരണമാണ് റിപ്പോര്‍ട്ട് ചെയ്തിരിക്കുന്നത്. ഇതോടെ രാജ്യത്തെ ആകെ കൊവിഡ് മരണങ്ങൾ 4,12,531 ആയി ഉയർന്നു.