ബീച്ചുകളും ദ്വീപുകളും മാടിവിളിക്കുന്നു
ജൂണ്‍ 28 ന് എജ്യുക്കേഷന്‍ സിറ്റി സ്റ്റേഡിയത്തില്‍ നടക്കാനിരിക്കുന്ന ഈദ് പ്രാര്‍ത്ഥനയാണ് കലണ്ടറിലെ ഹൈലൈറ്റുകളിലൊന്ന്. പുലര്‍ച്ചെ 5 മണിക്ക് ആരംഭിക്കുന്ന പ്രാര്‍ത്ഥനയ്ക്ക് ശേഷം എജ്യുക്കേഷന്‍ സിറ്റി മസ്ജിദിലെ ആഘോഷങ്ങള്‍ രാവിലെ 9 വരെ നീണ്ടുനില്‍ക്കും. ഫെയ്സ് പെയിന്റിംഗ്, ഗെയിമുകള്‍, സ്വാദിഷ്ടമായ ഭക്ഷണ പാനീയങ്ങള്‍ എന്നിവയുള്‍പ്പെടെയുള്ള വിവിധ പ്രവര്‍ത്തനങ്ങള്‍ കുടുംബങ്ങള്‍ക്ക് ആസ്വദിക്കാം. സാഹസികത തേടുന്നവര്‍ക്ക്, അല്‍ ഖോറിലെ പര്‍പ്പിള്‍ ഐലന്‍ഡിലെ കണ്ടല്‍ കയാക്കിംഗ് അനുഭവം ഓഗസ്റ്റ് 31 വരെ ലഭ്യമാണ്. പങ്കെടുക്കുന്നവര്‍ക്ക് പച്ചപ്പും ഇവിടെ മാത്രം കണ്ടുവരുന്ന ജന്തുജാലങ്ങളും നിറഞ്ഞ ആകര്‍ഷകമായ കണ്ടല്‍ക്കാടിലൂടെ യാത്ര ചെയ്യാം. കൂടാതെ, 974 ബീച്ചിലും വിവിധ പരിപാടികള്‍ അരങ്ങേറും. ശനി, ചൊവ്വ ദിവസങ്ങളില്‍ സ്ത്രീകള്‍ക്ക് മാത്രമായി ഇവിടം റിസര്‍വ് ചെയ്തിട്ടുണ്ട്. അതേസമയം ബി12 ബീച്ച് ക്ലബ് ദോഹയില്‍ വിവിധ പരിപാടികള്‍ പെരുന്നാളിനോട് അനുബന്ധിച്ച് നടക്കുന്നുണ്ട്.
നാടകവും സംഗീതവും വേണ്ടുവോളം ആസ്വദിക്കാം
നാടക, സംഗീത അരങ്ങുകളും ഈദ് ദിനത്തില്‍ സജീവമാകും. ഈ മാസം മുതല്‍ ജൂലൈ വരെ, ദി ബ്ലാക്ക് മാജിക് പ്ലേ, ഗഫ്‌വ പ്ലേ, ഡിസ്നി ഓണ്‍ ഐസ് തുടങ്ങിയ നാടകങ്ങള്‍ പ്രേക്ഷകര്‍ക്ക് ആസ്വദിക്കാം. ഹൊറര്‍-കോമഡി ചിത്രമായ ‘ദി ബ്ലാക്ക് മാജിക് പ്ലേ’ ജൂണ്‍ 28 മുതല്‍ ജൂലൈ 7 വരെ സൂഖ് വാഖിഫിലെ അബ്ദുള്‍ അസീസ് നാസര്‍ തിയേറ്ററില്‍ നടക്കും. ദോഹയിലെ ഹാമില്‍ട്ടണ്‍ ഇന്റര്‍നാഷണല്‍ സ്‌കൂളില്‍ ജൂണ്‍ 29 മുതല്‍ ജൂലൈ 2 വരെയാണ് ഹാസ്യാത്മകമായ സോഷ്യല്‍ ഹൊറര്‍ നാടകമായ ‘ഗഫ്‌വ പ്ലേ’ അരങ്ങേറുക. കൂടാതെ ‘ഡിസ്നി ഓണ്‍ ഐസ് 100 ഇയേഴ്‌സ് ഓഫ് വണ്ടര്‍’ ജൂലൈ 4 മുതല്‍ 9 വരെ ലുസൈല്‍ മള്‍ട്ടിപര്‍പ്പസ് ഹാളില്‍ നടക്കും. ഡിസ്നി ക്ലാസിക്കുകളിലെ പ്രിയപ്പെട്ട കഥാപാത്രങ്ങളെ അവതരിപ്പിക്കുന്ന ഒരു മാന്ത്രിക യാത്ര കാഴ്ചക്കാര്‍ക്ക് ആസ്വദിക്കാന്‍ ഇവിടെ അവസരം ലഭിക്കും.
കായിക പ്രേമികള്‍ക്കും ആഘോഷിക്കാന്‍ അവസരം
കായിക പ്രേമികള്‍ക്ക് ജൂലൈ 25 മുതല്‍ 29 വരെ എജ്യുക്കേഷന്‍ സിറ്റി സ്റ്റുഡന്റ് സെന്ററിലെ മുല്‍തഖയില്‍ നടക്കുന്ന സമ്മര്‍ ഫുട്‌ബോള്‍ ക്യാമ്പിലും ജൂലൈ 2 മുതല്‍ ഓഗസ്റ്റ് 24 വരെ എജ്യുക്കേഷന്‍ സിറ്റി ക്ലബ്ബ്ഹൗസില്‍ നടക്കുന്ന പ്ലേസ്‌പോര്‍ട്ട് മള്‍ട്ടി-സ്‌പോര്‍ട്‌സ് ആക്ടിവിറ്റീസ് ക്യാമ്പിലും പങ്കെടുക്കാം. കൂടാതെ, പിഎസ്ജി വി റണ്‍ ദോഹ 5 കെ ഓട്ടമല്‍സരം ജൂണ്‍ 30-ന് കത്താറ കള്‍ച്ചറല്‍ വില്ലേജില്‍ നടക്കും. സന്ദര്‍ശകര്‍ക്ക് പരമ്പരാഗത ആഘോഷങ്ങളില്‍ മുഴുകാന്‍ അവസരം നല്‍കിക്കൊണ്ട് ജൂണ്‍ 29 മുതല്‍ ജൂലൈ 1 വരെ ലോംഗൈന്‍സ് ഇന്‍ഡോര്‍ അരീനയില്‍ അല്‍ ഷഖാബ് ഈദ് അല്‍ അദ്ഹ ഫെസ്റ്റിവല്‍ സംഘടിപ്പിക്കും. കൂടാതെ, ജൂലൈ 2 മുതല്‍ 3 വരെ പ്ലേസ് വെന്‍ഡോം മാളില്‍ സിവാര്‍ ഗായകസംഘം അവരുടെ ആകര്‍ഷകമായ പ്രകടനങ്ങളിലൂടെ പ്രേക്ഷകരെ വിസ്മയിപ്പിക്കും.
ആകര്‍ഷണമായി വിവിധ എക്‌സിബിഷനുകള്‍
കലാപ്രേമികള്‍ക്ക് ആകര്‍ഷകമായ വിവിധ പ്രദര്‍ശനങ്ങളുടെ പരമ്പര തന്നെ അധികൃതര്‍ ഒരുക്കിയിട്ടുണ്ട്. എം7ല്‍ നടക്കുന്ന സവാറ: ഫോക്കസ് ഓണ്‍ ഫോര്‍എവര്‍ വാലന്റിനോ എക്‌സിബിഷന്‍ നടക്കും. സന്ദര്‍ശകര്‍ക്ക് മുമ്പില്‍ ഫാഷന്റെ പുതുലോകം തുറന്നിടുന്ന എക്‌സിബിഷന്‍ സെപ്തംബര്‍ 10 വരെ നീണ്ടുനില്‍ക്കും. ഫയര്‍ സ്റ്റേഷനിലെ ഗാലറി 4ല്‍ നടക്കുന്ന ‘എഡ്വാര്‍ഡോ നവാരോ: ദി ഫ്രീ സ്പിരിട്ട്‌സ് ഓഫ് ദി വൈല്‍ഡ് ഹോഴ്‌സെസ്’ എന്ന പ്രദര്‍ശനം ജൂലൈ 10 വരെ പ്രേക്ഷകരെ വിസ്മയിപ്പിക്കും. ഖത്തറിലെ നാഷണല്‍ മ്യൂസിയവും അല്‍ താഖിറ കണ്ടല്‍ സംരക്ഷണ കേന്ദ്രവും ഓലഫൂര്‍ എലിയസന്റെ ‘ദി ക്യൂരിയസ് ഡെസേര്‍ട്ട്’ ആഗസ്റ്റ് 15 വരെ സംഘടിപ്പിക്കുന്നുണ്ട്. ഇത്തവണത്തെ ഈദ് അല്‍ അദ്ഹ കലണ്ടര്‍ ്ശശെൂേമമേൃ.രീാ ല്‍ ഡൗണ്‍ലോഡ് ചെയ്യാം.
