എയർപേർട്ടിൽ വെച്ച് നഷ്ടപ്പെട്ട ബാഗേജ് തിരികെ ലഭിക്കാൻ എന്താണ് ചെയ്യേണ്ടത്? അറിയേണ്ടതെല്ലാം

Also Read: ഷാർജയിൽ തലക്കടിയേറ്റ് മലയാളി യുവാവ് മരിച്ചു

വിമാനത്തിൽ വെച്ചും എയർപോർട്ടിനകത്തും വെച്ച് സാധനങ്ങൾ നഷ്ടപ്പെടുമ്പോൾ

ഓരോ എയർപോർട്ടുകളിലും ഇങ്ങിനെ ലഭിക്കുന്ന സാധനങ്ങളുടെ വിവരങ്ങൾ ഓരോ ദിവസവും പ്രസിദ്ധീകരിക്കാറുണ്ട്. എയർ പോർട്ട് അതോറിറ്റി ഓഫ് ഇന്ത്യയുടെ കീഴിൽ വരുന്ന എയർപോർട്ടുകളാണെങ്കിൽ അവരുടെ വെബ് സൈറ്റിലും സുരക്ഷാ ചുമതലയുള്ള സി.ഐ.എസ്.എഫ് വെബ്സൈറ്റിലും പ്രസിദ്ധീകരിക്കാറുണ്ട്. ഇങ്ങനെ ലഭിക്കുന്ന സാധനങ്ങൾ പെട്ടെന്ന് ചീത്തയാവാത്ത സാധനങ്ങൾ ആണെങ്കിൽ തൊണ്ണൂറ് ദിവസവും ചീത്തയാവുന്നവ നാൽപെത്തെട്ട് മണിക്കൂറുമാണ് സൂക്ഷിക്കുക.

ഇത്തരം സന്ദർഭങ്ങളിൽ, നഷ്ടപ്പെട്ടവ ക്ലെയിം ചെയ്യുമ്പോൾ ബോർഡിംഗ് പാസ്സ്, പാസ്പോർട്ട് കോപ്പി, നഷ്ടപ്പെട്ട സാധനങ്ങളുടെ ആവശ്യമായ വിവരണങ്ങൾ എന്നിവ സമർപ്പിക്കണം. സാധനം വാങ്ങാനെത്തുന്നത് യാത്രക്കാരൻ ചുമതലപ്പെടുത്തിയ ആളാണെങ്കിൽ ഓതറൈസേഷൻ ലെറ്ററും ചുമതലേറ്റയാളിന്റെ തിരിച്ചറിയൽ രേഖകളും ഹാജറാക്കേണ്ടതുണ്ട്. ഈ സൗകര്യം പലരും അജ്ഞത മൂലം പ്രയോജനപ്പെടുത്താറില്ലെന്നതാണ് വാസ്തവം.

എയർപോർട്ടിൽ എത്തി ഇമിഗ്രേഷൻ കഴിഞ്ഞ് സെക്യൂരിറ്റി പരിശോധന സ്ഥലത്ത് വെച്ച് പലപ്പോഴും പേഴ്സ്, വാച്ച്, ഗ്ലാസ്, ബെൽറ്റ് പാസ്പോർട്ട് അടക്കമുള്ള രേഖകൾ പലപ്പോഴും മറന്ന് വെക്കാറുണ്ട്. ഇത്തരം സൗകര്യങ്ങളെക്കുറിച്ച് അറിയാത്തവർ എയർപോർട്ടിൽ കൂട്ടിവെച്ച ഇത്തരം സാധനങ്ങളുടെ ഫോട്ടോയും വീഡിയോയും എടുത്ത് സാമൂഹ്യമാധ്യമങ്ങളിൽ പ്രവാസികളുടെ സാധനങ്ങൾ നിരുത്തരവാദ പരമായി കൂട്ടിയിടുന്നെവെന്ന് പോലും പോസ്റ്റിടുന്നതും കണ്ട് വരാറുണ്ട്.

വിമാനത്തിലെ ബഗ്ഗേജ് നഷ്ടപ്പെടുമ്പോൾ.

എയർപോർട്ടിൽ കസ്റ്റംസ് കൗണ്ടറിൽ പ്രോപർട്ടി ഇറെഗുലാരിറ്റി റിപ്പോർട്ട് എഴുതി നൽകി എയർ ലൈനിന്റെയും കസ്റ്റംസിന്റെയും സീൽ പതിച്ച സർട്ടിഫിക്കറ്റ് വാങ്ങി വയ്ക്കുക. ബഗ്ഗേജുകൾ കണ്ടെത്തി നമ്മുടെ വീട്ടുപടിക്കൽ എത്തിക്കേണ്ട ചുമതല എയർലൈനുകൾക്കുണ്ട്. 21 ദിവസങ്ങൾക്ക് ശേഷവും ബഗ്ഗേജ് ലഭിച്ചില്ലെങ്കിൽ കൃത്യമായ നഷ്ടപരിഹാരത്തിന് യാത്രക്കാരന് അർഹതയുണ്ടായിരിക്കും. ചില എയർലൈനുകൾ ഇതിലും കുറഞ്ഞ സമയത്ത് തന്നെ നഷ്ടപരിഹാരം നൽകുന്നുമുണ്ട്.

വിവരങ്ങൾക്ക് കടപ്പാട്.. അബ്ദുൽ റഊഫ് കൊണ്ടോട്ടി (പ്രവാസി സാമൂഹ്യ പ്രവർത്തകൻ)