ഈജിപ്തിന്റെ പരമോന്നത ബഹുമതി ‘ഓഡർ ഓഫ് ദ നൈൽ’ ഏറ്റുവാങ്ങി നരേന്ദ്ര മോദി

മോദിയുടെ ഈജിപ്ത് സന്ദർശനവേളയിലായിരുന്നു പ്രസിഡന്റ് ബഹുമതി കൈമാറിയത്. വിവിധ ലോകരാജ്യങ്ങളിൽ നിന്നും പ്രധാനമന്ത്രി മോദിക്ക് ലഭിക്കുന്ന 13-ാമത്തെ പരമോന്നത ബഹുമതിയാണിത്. 26 വർഷത്തിനിടെ ഈജിപ്ത് സന്ദർശിക്കുന്ന ആദ്യ ഇന്ത്യൻ പ്രധാനമന്ത്രിയാണ് മോദി. 1997ന് ശേഷം ഒരു ഇന്ത്യൻ പ്രധാനമന്ത്രി നടത്തുന്ന ആദ്യ ഉഭയകക്ഷി സന്ദർശനമാണിത്.

ഇരുരാജ്യങ്ങളും തമ്മിലുള്ള വ്യാപാര-സാമ്പത്തിക ഇടപാടുകളെ പുതിയ തലത്തിലേക്ക് വ്യാപിപ്പിക്കാൻ മോദിയുടെ ഈജിപ്ത് സന്ദർശനം സഹായിക്കുമെന്നാണ് വിദേശകാര്യ വക്തവ് അരിന്ദം ബാഗ്ച്ചി പ്രതികരിച്ചു.

പ്രസിഡന്റ് അബ്ദുൾ ഫത്താഹ് എൽസിസിയുടെ പ്രത്യേക ക്ഷണപ്രകാരമാണ് പ്രധാനമന്ത്രിയുടെ സന്ദർശനം. യുഎസ് സന്ദർശനത്തിന് ശേഷം മടങ്ങുന്ന വഴിക്കാണ് പ്രധാനമന്ത്രിയുടെ ഈജിപ്ത് സന്ദർശനമുണ്ടായിരിക്കുന്നത്. രണ്ട് ദിവസത്തെ സന്ദർശനത്തിന് വേണ്ടിയാണ് പ്രധാനമന്ത്രി ഈജിപ്തിൽ എത്തിയത്.

പ്രധാനമന്ത്രി മോദിയും ഈജിപ്ഷ്യൻ പ്രധാനമന്ത്രി മൊസ്തഫ കമാൽ മദ്ബൗലി ഉഭയകക്ഷി ചർച്ച നടത്തിയിരുന്നു. ഈജിപ്തിലെ ഇന്ത്യൻ വംശജരുമായി കൂടിക്കാഴ്ച നടത്തുകയും ചെയ്തിരുന്നു. ഈജിപ്തിലെ പ്രസിദ്ധമായ അൽ-ഹക്കീം മസ്ജിദും പ്രധാനമന്ത്രി നരേന്ദ്ര മോദി സന്ദർശിച്ചിരുന്നു.

അതിന് പിന്നാലെ കെയ്റോയിലെ ഹീലിയോപോളിസ് കോമൺവെൽത്ത് വാർ സെമിട്രിയും സന്ദർശിച്ചു. ഒന്നാം ലോകമഹായുദ്ധകാലത്ത് ഈജിപ്തിലെ വിവിധ യുദ്ധങ്ങളിലായി 3,799 ഇന്ത്യൻ സൈനികരാണ് വീരമൃത്യു വരിച്ചത്. ഇവരുടെ ഓർമയ്ക്കായി കോമൺവെൽത്ത് രാജ്യങ്ങൾ നിർമിച്ചതാണ് ഈ സ്മാരകം സ്ഥാപിച്ചത്.

Also Read : തട്ടിക്കൊണ്ടുപോകുകയാണെന്ന് തെറ്റിധരിച്ചു; യുവതി ടാക്സി ഡ്രൈവറെ വെടിവച്ചു

ജി-20 ഉച്ചകോടിയിൽ പങ്കെടുക്കുന്നതിനായി എൽ-സിസി സെപ്റ്റംബറിൽ ഇന്ത്യയിലെത്തും. പ്രത്യേക ക്ഷണിതാവായാണ് എൽ-സിസിയുടെ ഇന്ത്യാസന്ദർശനം. ഇന്ത്യയുടെ 74ാമത് റിപ്പബ്ലിക് ദിനാഘോഷങ്ങളുടെ ഭാഗമായി ഈജിപ്ഷ്യൻ പ്രസിഡന്റ് അബ്ദുൽ ഫത്താഹ് എൽസിസി മുഖ്യാതിഥിയായി എത്തിയിരുന്നു. ഇതിന് പിന്നാലെയാണ് പ്രധാനമന്ത്രിയുടെ സന്ദർശനം.

Read Latest World News and Malayalam News