‘ആർഎസ്എസിൽ വിശ്വസിക്കുന്നവരെ ആവശ്യമില്ല, അവർക്ക് കോൺഗ്രസിൽ നിന്ന് പുറത്ത് പോകാം’: രാഹുൽ ഗാന്ധി

ന്യൂഡൽഹി: ആർഎസ്എസ് ആശയങ്ങളിൽ വിശ്വാസമുള്ളവർക്കും ബിജെപിയെ ഭയപ്പെടുകയും ചെയ്യുന്നവരെ കോൺഗ്രസിന് ആവശ്യമില്ലെന്ന് രാഹുൽ ഗാന്ധി. ഭയമില്ലാത്തവരെയാണ് കോൺഗ്രസ് പാർട്ടിക്ക് ആവശ്യം. ഭയവും ആശങ്കയുമില്ലാത്ത നിരവധിയാളുകൾ പാർട്ടിക്ക് പുറത്തുണ്ടെന്നും രാഹുൽ പറഞ്ഞു.



എക്സ്പ്രസ് ഹൈവേയിൽ ട്രക്ക് മറിഞ്ഞു; റോഡിൽ വീണത് 20 ടൺ തക്കാളി; ഗതാഗതകുരുക്ക്

ആർഎസ്എസ് മുന്നോട്ട് വെക്കുന്ന ആദർശം പിന്തുടരുകയും അവ കൊണ്ടുനടക്കുകയും ചെയ്യുന്നവരെ കോൺഗ്രസിന് ആവശ്യമില്ല. അങ്ങനെയുള്ളവർ പാർട്ടിയിൽ നിന്ന് പുറത്ത് പോകാൻ ശ്രമിക്കണം. ഭയമില്ലാതെ പ്രവർത്തിക്കാൻ കാത്തിരിക്കുന്ന ധീരന്മാരെ കോൺഗ്രസിൽ എത്തിക്കേണ്ടതുണ്ടെന്നും രാഹുൽ തുറന്നടിച്ചു.

ബിജെപിയെ ഭയമുള്ളവർ ആർ എസ് എസ് അനുഭാവികളാണ്. അവരാണ് പുറത്ത് പോകേണ്ടത്. ഭയമില്ലാതെ പ്രവർത്തിക്കുന്നവരെയാണ് കോൺഗ്രസിനാവശ്യം. കോൺഗ്രസിൻ്റെ പ്രത്യയശാസ്ത്രം ഇത് തന്നെയാണ്. എന്നോട് സംസാരിക്കുന്നതിന് ആരും ഭയം കാണിക്കേണ്ടതില്ല. നിങ്ങൾ സംസാരിക്കുന്നത് നിങ്ങളുടെ സഹോദരനോടാണ്. എല്ലാവർക്കും തുല്യ അവകാശങ്ങൾ നൽകാനാണ് കോൺഗ്രസ് ആഗ്രഹിക്കുന്നതെന്നും കോൺഗ്രസിൻ്റെ സമൂഹ മാധ്യമ വിഭാഗത്തിൻ്റെ യോഗത്തിൽ രാഹുൽ ഗാന്ധി പറഞ്ഞു.

രാജ്യദ്രോഹ കുറ്റം ഇന്ത്യ ഒഴിവാക്കുമോ?

സമീപകാലത്തായി കോൺഗ്രസിൽ നിന്നും ജോതിരാദിത്യ സിന്ധ്യ ഉൾപ്പെടെയുള്ള നിരവധി നേതാക്കൾ ബിജെപിയിലേക്ക് എത്തിയ സാഹചര്യത്തിലാണ് രാഹുൽ ഗാന്ധിയുടെ പ്രതികരണം. കോൺഗ്രസ് അധ്യക്ഷ തെരഞ്ഞെടുപ്പുമായി ബന്ധപ്പെട്ട ചർച്ചയും കോൺഗ്രസിൽ തുടരുകയാണ്. 2019 ലോക്സഭാ തെരഞ്ഞെടുപ്പിലെ വൻ പരാജയത്തിന് ശേഷം രാഹുൽ ഗാന്ധി അധ്യക്ഷ സ്ഥാനം രാജിവച്ചതിന് പിന്നാലെയാണ് പാർട്ടിയിൽ പ്രതിസന്ധി രൂക്ഷമായത്. അധ്യക്ഷ പദവി ഏറ്റെടുക്കുന്നതിൽ നിന്നും രാഹുൽ വിട്ടു നിന്നതോടെ സോണിയ ഗാന്ധി ഇടക്കാല അധ്യക്ഷയായി തുടരുകയാണ്.

സോണിയ ഗാന്ധിയുമായി നിർണായക കൂടിക്കാഴ്ച; കമല്‍നാഥ് കോണ്‍ഗ്രസ് അധ്യക്ഷനായേക്കുമെന്ന് അഭ്യൂഹം

കോൺഗ്രസ് അധ്യക്ഷ സ്ഥാനത്തേക്ക് ആരാകും എത്തുകയെന്ന ആശങ്ക തുടരുന്നതിനിടെയാണ് മധ്യപ്രദേശ് മുൻ മുഖ്യമന്ത്രി കൂടിയായിരുന്ന കമൽനാഥ് കഴിഞ്ഞ ദിവസം സോണിയ ഗാന്ധിയുമായി കൂടിക്കാഴ്ച നടത്തിയിരുന്നു. കോൺഗ്രസ് അധ്യക്ഷസ്ഥാനത്തേക്ക് പരിഗണിക്കുന്നവരുടെ പേരുകളിൽ മുൻപന്തിയിലാണ് കമൽനാഥിൻ്റെ സ്ഥാനം.