‘കനിമൊഴിയുടെ ബസ് യാത്ര’; ജോലി തെറിച്ച യുവതിക്ക് കാർ സമ്മാനിച്ച് കമൽഹാസൻ

‘കനിമൊഴി ബസിൽ കയറി സമ്മാനം നൽകി, വനിത ഡ്രൈവറുടെ ജോലി തെറിച്ചു’; ആരോപണം നിഷേധിച്ച് ബസുടമ

കോയമ്പത്തൂരിലെ ആദ്യ വനിത ബസ് ഡ്രൈവറായ 23കാരിയായ ഷർമിളയെ കാണാൻ ഡിഎംകെ എംപി കനിമൊഴി ബസിൽ കയറിയതോടെയാണ് വിവാദങ്ങൾ ആരംഭിച്ചത്. ഗാന്ധിപുരത്ത് നിന്ന് കോയമ്പത്തൂരിലെ പീളമേട്ടിലേക്ക് ഷർമിള ഓടിച്ചിരുന്ന ബസിലാണ് കനിമൊഴി കയറിയത്. ബസിൽ യത്ര ചെയ്ത കനിമൊഴി യുവതിയെ അഭിനന്ദിക്കുകയും സമ്മാനം നൽകുകയും ചെയ്ത ശേഷമാണ് മടങ്ങിയത്. ഇതിൻ്റെ ദൃശ്യങ്ങളും ചിത്രങ്ങളും സമൂഹമാധ്യമങ്ങളിൽ വൈറലാകുകയും ചെയ്തു.

ബസിൽ കനിമൊഴിയോട് ടിക്കറ്റ് ചോദിച്ച കണ്ടക്ടറുടെ നടപടിയിൽ ബസുടമയോട് പരാതി പറയാൻ എത്തിയപ്പോഴാണ് ഷർമിളയെ പഴിച്ച് ബസുടമ രംഗത്തുവന്നത്. പബ്ലിസിറ്റിക്ക് വേണ്ടി പ്രമുഖ വ്യക്തികളെ ബസിൽ യാത്ര ചെയ്യാൻ ക്ഷണിച്ചെന്നും ബസിൽ എന്താണ് നടക്കുന്നതെന്ന് ഉടമയായ താൻ അറിയുന്നില്ലെന്നും ഉടമ ആരോപിച്ചു. ഇങ്ങനെയാണ് ജോലി ചെയ്യുന്നതെങ്കിൽ ബസിൽ കയറേണ്ടതില്ലെന്നും അദ്ദേഹം വ്യക്തമാക്കിയതായി ഷർമിള പറഞ്ഞിരുന്നു.

‘ശപിക്കപ്പെട്ടത്, ഈ വാതിലിലൂടെ കടന്നാൽ തോൽക്കും’; നിയമസഭയിലെ ‘തെക്കിനി’ വാതിൽ തുറന്ന് സിദ്ധരാമയ്യ
എംപിയുടെ സന്ദർശനത്തെക്കുറിച്ച് മാനേജ്‌മെന്റിനെ അറിയിച്ചിരുന്നുവെന്ന് ഷർമിള വ്യക്തമാക്കിയിരുന്നു. എന്നാൽ സ്വന്തം ഇഷ്ട പ്രകാരമാണ് യുവതി ഡ്യൂട്ടി ചെയ്യുന്നതെന്നായിരുന്നു ബസുടമയുടെ ആരോപണം. പിതാവിൻ്റെ മുന്നിൽ വെച്ചാണ് ബസുടമ ശകാരിച്ചതെന്ന് ഷർമിള പറഞ്ഞിരുന്നു. ഈ സംഭവം മാധ്യമങ്ങളിൽ വലിയ വാർത്തയായതോടെയണ് യുവതിയെ നേരിൽ കാണാനും കാർ സമ്മാനമായി നൽകാനും കമൽഹാസൻ തീരുമാനിച്ചത്.

Read Latest National News and Malayalam News