ദഹനം മെച്ചപ്പെടുത്താന്‍ ആയുര്‍വേദം; ഡോക്ടര്‍ പറയുന്നു
Authored by Saritha PV | Samayam Malayalam | Updated: 26 Jun 2023, 7:10 pm
ആയുര്‍വേദം പാര്‍ശ്വഫലങ്ങളില്ലാത്ത ശാസ്ത്രശാഖയാണ്. ദഹന പ്രശ്‌നങ്ങള്‍ക്ക് പരിഹാരമായി ആയുര്‍വേദം പറയുന്ന പ്രത്യേക മരുന്ന് പരീക്ഷിച്ച് നോക്കൂ.
ഗാര്‍ലിക് മില്‍ക്
ഗാര്‍ലിക് മില്‍ക് ആണ് ഇതിനുള്ള വഴിയായി ഡോക്ടര്‍ പറയുന്നത്. അതായത് വെളുത്തുള്ളി ചേര്‍ത്ത് തിളപ്പിച്ച പാല്‍. ഇതാണ് ദനഹാരോഗ്യത്തിന് ആയുര്‍വേദം പറയുന്നത്. ആയുര്‍വേദത്തില്‍ മരുന്നിനേക്കാള്‍ വെളുത്തുള്ളി ഒരു ഭക്ഷണമായാണ് കണക്കാക്കുന്നത്. ഗ്യാസ്, അസിഡിറ്റി പ്രശ്‌നങ്ങള്‍ക്കും വയറു വേദനയ്ക്കും മലബന്ധത്തിനുമെല്ലാം ഇത് മികച്ചൊരു പരിഹാരമാണ്.
ദിവസവും ഉപയോഗിയ്ക്കാന്‍ പാടില്ല
എന്നാല്‍ ഇത് ദിവസവും ഉപയോഗിയ്ക്കാന്‍ പാടില്ല. കാരണം വെളുത്തുള്ളി ചേര്‍ത്ത പാല്‍ മരുന്നാണ്. അല്‍പ ദിവസങ്ങള്‍ ഉപയോഗിച്ച ശേഷം പിന്നീട് നിര്‍ത്തുക. ഇത് ഫ്രഷായി തയ്യാറാക്കി ഉപയോഗിയ്ക്കുകയും വേണം. ഇത് തയ്യാറാക്കാന്‍ വേണ്ടത് 5 ഗ്രാം വെളുത്തുള്ളി, 50 മില്ലി പശുവിന്‍പാല്‍, 50 മില്ലി വെള്ളം എന്നിവയാണ്. പാലും വെള്ളവും കലര്‍ത്തുക. ഇതിലേയ്ക്ക് വെളുത്തുള്ളി പേസ്റ്റാക്കി ചേര്‍ക്കണം. ഇത് കുറഞ്ഞ തീയില്‍ തിളപ്പിച്ച് 50 മില്ലിയാക്കുക. ഇത് പിന്നീട് ഉൗറ്റിയെടുത്ത് 10 മില്ലി വീതം ദിവസവും ഭക്ഷണ ശേഷം കഴിയ്ക്കാം.
ദഹനത്തിന് ആയുര്‍വേദം
ദഹനത്തിന് മാത്രമല്ല
ഈ മരുന്ന് ദഹനത്തിന് മാത്രമല്ല, മലബന്ധത്തിനും ഇറിട്ടബിള്‍ ബൗള്‍ സിന്‍ഡ്രോമിനുമെല്ലാം മരുന്നായി ഉപയോഗിയ്ക്കാന്‍ സാധിയ്ക്കുന്ന ഒന്നാണ്. ഏത് പ്രായക്കാര്‍ക്കും ഗാര്‍ലിക് മില്‍ക് ഉപയോഗിയ്ക്കാം. ഹൃദയ പ്രശ്‌നങ്ങള്‍ ഉള്ളവര്‍ക്കും വാത സംബന്ധമായ പ്രശ്‌നങ്ങള്‍ ഉള്ളവര്‍ക്കുമെല്ലാം ഉപയോഗിയ്ക്കാന്‍ സാധിയ്ക്കുന്ന ഒന്നാണ് ഗാര്‍ലിക് മില്‍ക് എന്ന് ഡോക്ടര്‍ വിശദീകരിയ്ക്കുന്നു. ഇത് ഫ്രഷായി തയ്യാറാക്കി ഉപയോഗിയ്ക്കണം. തയ്യാറാക്കി വച്ച് ഉപയോഗിയ്ക്കരുത്.
വെളുത്തുള്ളി
വെളുത്തുള്ളിയ്ക്ക് ആന്റി ബാക്ടീരിയല്‍, ആന്റി ഫംഗല്‍ ഗുണങ്ങളുണ്ട്. ഇത് വയര്‍ സംബന്ധമായ പല പ്രശ്‌നങ്ങള്‍ക്കും പരിഹാരമാകുന്ന ഒന്നാണ്. ഇത് ശരീരത്തിന് പ്രതിരോധ ശേഷി നല്‍കാനും മികച്ചതാണ്. ഇതിലെ അലിസിന്‍ എന്ന ആന്റി ഓക്‌സിഡന്റാണ് വെളുത്തുള്ളിയ്ക്ക് അതിന്റേതായ ഗുണങ്ങള്‍ നല്‍കുന്നത്. കോള്‍ഡ്, ആസ്തമ തുടങ്ങിയ പല പ്രശ്‌നങ്ങള്‍ക്കും വെളുത്തുള്ളി മരുന്നാക്കാവുന്ന ഒന്നാണ്. കാല്‍സ്യം, പ്രോട്ടീന്‍, വൈറ്റമിനുകള്‍ തുടങ്ങിയ പല ഘടകങ്ങളും ഇതില്‍ അടങ്ങിയിട്ടുമുണ്ട്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
