‘ഹൈക്കമാൻഡിൻ്റെ പിന്തുണയുണ്ടെന്ന് കെ സുധാകരൻ’; കെപിസിസിയിൽ നേതൃമാറ്റമില്ലെന്ന് താരീഖ് അൻവർ
Edited by Jibin George | Samayam Malayalam | Updated: 26 Jun 2023, 8:01 pm
നിലവിലെ വിവാദങ്ങളുടെ പശ്ചാത്തലത്തിൽ കെപിസിസി അധ്യക്ഷൻ കെ സുധാകരൻ പ്രതിപക്ഷ നേതാവ് വിഡി സതീശൻ എന്നിവർ കോൺഗ്രസ് കേന്ദ്ര നേതൃത്വവുമായി കൂടിക്കാഴ്ച നടത്തി
ഹൈലൈറ്റ്:
- സംസ്ഥാന നേതൃത്വത്തിന് പിന്തുണ പ്രഖ്യാപിച്ച് ഹൈക്കമാൻഡ്.
- കെപിസിസിയിൽ നേതൃമാറ്റം ആലോചനയിലില്ലെന്ന് ഹൈക്കമാൻഡ്.
- ഹൈക്കമാൻഡിൻ്റെ പിന്തുണയുണ്ടെന്ന് കെ സുധാകരൻ.
അറസ്റ്റും വിവാദവും; സുധാകരനും സതീശനും ഡൽഹിയിലേക്ക്; യൂത്ത് കോൺഗ്രസ് തെരഞ്ഞെടുപ്പ് മാറ്റിവെക്കുമോ?കെ സുധാകരനും വി ഡി സതീശനും ദേശീയ നേതൃത്വവുമായി ചർച്ച നടത്തിയതിന് പിന്നാലെയാണ് താരീഖ് അൻവർ നിലപാട് വ്യക്തമാക്കിയത്. ചർച്ചയ്ക്ക് ശേഷമാണ് കേന്ദ്ര നേതൃത്വം സംസ്ഥാന നേതൃത്വത്തിന് പിന്തുണ പ്രഖ്യാപിച്ചത്. രാഹുൽ ഗാന്ധിയുമായും കേരള നേതാക്കൾ കൂടിക്കാഴ്ച നടത്തി. തനിക്ക് ഹൈക്കമാൻഡിൻ്റെ പിന്തുണയുണ്ടെന്ന് കെ സുധാകരൻ പറഞ്ഞു. പുരാവസ്തു തട്ടിപ്പ് കേസിൽ അറസ്റ്റിലായ സ്ഥിതിവിശേഷം ഉൾപ്പെടെയുള്ള കാര്യങ്ങൾ കെ സുധാകരൻ രാഹുൽ ഗാന്ധിയെ അറിയിച്ചു.
കേസുകൾ രാഷ്ട്രീയ പ്രേരിതമാണെന്ന് രാഹുൽ ഗാന്ധിക്കറിയാമെന്ന് വി ഡി സതീശൻ പ്രതികരിച്ചു. കേരളത്തിലെ രാഷ്ട്രീയ സാഹചര്യം ഇരുവരും ഹൈക്കമാൻഡിനെ ബോധിപ്പിച്ചു. ഭീഷണിയുടെയും പകപോക്കലിൻ്റെയും രാഷ്ട്രീയത്തെ കോൺഗ്രസ് പാർട്ടി ഭയക്കുന്നില്ലെന്ന് രാഹുൽ ഗാന്ധി പറഞ്ഞു. കെ സുധാകരൻ്റെയും പ്രതിപക്ഷ നേതാവ് വി ഡി സതീശൻ്റെയും കൈകൾ കോർത്ത് പിടിച്ചുള്ള ചിത്രവും രാഹുൽ ട്വീറ്റ് ചെയ്തു.
നാളെ സംസ്ഥാനത്ത് വിദ്യാഭ്യാസ ബന്ദ്; മലബാർ വിദ്യാഭ്യാസ വിവേചനത്തിനെതിരെയെന്ന് ഫ്രറ്റേണിറ്റി മൂവ്മെന്‍റ്
കെപിസിസി അധ്യക്ഷൻ കെ സുരേന്ദ്രനെതിരെ വിജിലൻസ് അന്വേഷണം ആരംഭിച്ചു. കോഴിക്കോട് യൂണിറ്റാണ് കേസിൽ പ്രഥമിക അന്വേഷണം നടത്തുന്നത്. ചിറക്കൽ രാജാസ് സ്കൂൾ വാങ്ങാനായി 16 കോടി രൂപ പിരിച്ചെടുത്ത് മുക്കിയെന്ന പരാതിയിലാണ് അന്വേഷണം. കെ സുധാകരൻ്റെ പഴയ ഡ്രൈവറാണ് പരാതിക്കാരൻ. 2021ലാണ് കേസിനാസ്പദമായ പരാതി ലഭിച്ചത്.
Read Latest Local News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
