വ്യാജ സര്‍ട്ടിഫിക്കറ്റ് കേസ്: നിഖിൽ തോമസിന്‍റെ സുഹൃത്ത് അബിൻ സി രാജ് കസ്റ്റഡിയിൽ

Also Read : സംസ്ഥാനത്ത് ഇന്ന് വിദ്യാഭ്യാസ ബന്ദ്; സ്കൂളുകളിലും കോളേജുകളിലും ബന്ദ് ആചരിക്കുന്നതെന്ന് ഫ്രറ്റേണിറ്റി മൂവ്മെന്‍റ്

അബിനെ ചോദ്യം ചെയ്യുന്നതോടെ വ്യാജ സർട്ടിഫിക്കറ്റുമായി ബന്ധപ്പെട്ടുള്ള കൂടുതൽ വിവരങ്ങൾ അറിയാൻ കഴിയും. അബിനെ കായംകുളം പോലീസ് സ്റ്റേഷനിൽ എത്തിച്ചിട്ടുണ്ട്. എസ്എഫ്ഐ മുൻ ഏരിയ പ്രസിഡന്‍റും ജില്ലാ സെക്രട്ടേറിയേറ്റ് അംഗവുമാണ് അബിൻ. നിഖില്‍ തോമസിന്‍റെ കലിംഗ യൂണിവേഴ്‌സിറ്റിയുടെ പേരിലുള്ള വ്യാജ ഡിഗ്രി സര്‍ട്ടിഫിക്കറ്റ് തിങ്കളാഴ്ച കണ്ടെടുത്തിരുന്നു.

Also Read : വെട്ടേറ്റ് വികൃതമായി രജിതയുടെ മുഖം, ആകൃതിവരുത്താൻ തുന്നലിട്ടത് രണ്ടുമണിക്കൂർകൊണ്ട്; വൻ ജനാവലിയുടെ സാന്നിധ്യത്തിൽ സംസ്കാരം

കേസിൽ പ്രതിചേർക്കപ്പെട്ടതോടെ കുടുംബം ഇടപെട്ട് അബിനെ നാട്ടിലെത്തിക്കാമെന്ന് പോലീസിനെ അറിയിച്ചിരുന്നു. ഇതിന്‍റെ അടിസ്ഥാനത്തിലാണ് ഇയാൾ നാട്ടിലെത്തിയതെന്നാണ് റിപ്പോർട്ട്. ഉച്ചയ്ക്ക് 12 മണിക്കാണ് അബിൻ മാലിദ്വീപിൽ നിന്ന് വിമാനം കയറിയത്. ചെന്നൈയിൽ ഇറങ്ങിയ ശേഷം കൊച്ചിയിലക്ക് വരികയായിരുന്നു. ഇവിടെ എത്തിയതോടെ പോലീസ് കസ്റ്റഡിയിലെടുത്ത് കായം കുളത്തേക്ക് കൊണ്ടുപോയി.