കൃത്രിമ ഗർഭധാരണത്തിന് ഉപയോഗിച്ച ബീജം മറ്റൊരാളുടേത്; ആശുപത്രിക്ക് ഒന്നരക്കോടി പിഴ

Also Read : അതിശക്തമായ മഴയ്ക്ക് സാധ്യത; ഇടുക്കിയിൽ ഇന്ന് ഓറഞ്ച് അലേർട്ട്; എട്ട് ജില്ലകളിൽ യെല്ലോ അലേർട്ട്

2009ലാണ് ഇവർക്ക് ഇരട്ട പെൺകുട്ടികൾ ജനിച്ചത്. എന്നാൽ ഇരട്ടകളിൽ ഒരാളുടെ രക്തഗ്രൂപ്പ് മറ്റൊരാളുമായി ചേരുന്നില്ലെന്ന് കണ്ടെത്തിയതോടെയാണ് സംശയം ആരംഭിച്ചത്. പിന്നീട് നടന്ന പരിശോധനയിൽ ബീജം നിക്ഷേപിച്ചതിൽ കൃത്രിമം നടന്നെന്ന് കണ്ടെത്തുകയായിരുന്നു. ഇതോടെ അശ്രദ്ധയ്ക്കും സേവനത്തിലെ അപാകത്തിനും നഷ്ടപരിഹാരമായി രണ്ടുകോടി രൂപ ആവശ്യപ്പെട്ട് ദമ്പതികൾ ഉപഭോക്തൃ കമ്മീഷനെ സമീപിക്കുകയായിരുന്നു.

കമ്മീഷൻ നടത്തിയ പരിശോധനയിൽ ആശുപത്രിയിൽ തെറ്റായ ചികിത്സാ രീതികൾ നടക്കുന്നുണ്ടെന്ന് കണ്ടെത്തി. തുടർന്ന് ആശുപത്രി ചെയർപേഴ്സണും ഡയറക്ടറും ചേർന്ന് ഒരുകോടി രൂപയും ചികിത്സയുടെ ഭാഗമായിരുന്ന മൂന്ന് ഡോക്ടർമാർ 10 ലക്ഷം വീതവും ദമ്പതികൾക്ക് നൽകണമെന്നും കമ്മിഷൻ ഉത്തരവിട്ടു.

Also Read : വ്യാജ സര്‍ട്ടിഫിക്കറ്റ് കേസ്: നിഖിൽ തോമസിന്‍റെ സുഹൃത്ത് അബിൻ സി രാജ് കസ്റ്റഡിയിൽ

1.30 കോടി രൂപ കുട്ടികൾ പ്രായപൂർത്തിയാകുന്നതുവരെ തുല്യ അനുപാതത്തിൽ ഫിക്സഡ് ഡിപ്പോസിറ്റായി നിക്ഷേപിക്കണമെന്നാണ് നിർദേശം. ദമ്പതികളായിരിക്കും നോമിനി. കുട്ടികളുടെ പരിചരണത്തിനും ക്ഷേമത്തിനുമായി പലിശ പിൻവലിക്കാൻ ദമ്പതികൾക്ക് അനുവാദം നൽകിയിട്ടുണ്ട്.