ഈ ഗുണങ്ങൾക്ക് രാവിലെ വെറും വയറ്റിൽ കുടിക്കാം കറ്റാർ വാഴ ജ്യൂസ്!

രാവിലെ എഴുന്നേൽക്കുന്ന സമയത്ത് നിങ്ങളുടെ വയറ് ശൂന്യമായതിനാൽ നിങ്ങൾ ആദ്യം കഴിക്കുന്നതോ കുടിക്കുന്നതോ ആയിട്ടുള്ള ഭക്ഷണ പാനീയങ്ങൾ പ്രധാനമാണ്. ഇത് നിങ്ങളുടെ ദഹനത്തെയും നേരിട്ട് ബാധിക്കും. അതിനാൽ, ആരോഗ്യകരമായതും പോഷകങ്ങൾ നിറഞ്ഞതുമായ വിറ്റാമിനുകളുടെ ഒരു കലവറ തന്നെ നിങ്ങൾക്ക് രാവിലെ വെറും വയറ്റിൽ കുടിക്കാം എന്ന് പറഞ്ഞാലോ? അതെ, വയറിന് ഗുണം ചെയ്യുവാനും ദിവസം മുഴുവൻ ജലാംശം നിലനിർത്തുവാനും രാവിലെ വെറും വയറ്റിൽ കറ്റാർ വാഴ ജ്യൂസ് കുടിക്കുന്നത് നിങ്ങളെ സഹായിക്കും!



കറ്റാർ വാഴ ഇന്ത്യയിൽ സാധാരണ കണ്ടുവരുന്ന ഒരു സസ്യമാണ്. പുരാതന കാലം മുതൽ ഔഷധഗുണങ്ങൾക്കായി ഉപയോഗിക്കുന്ന ഒരു ചെടി കൂടിയാണിത്. വിറ്റാമിനുകളും ധാതുക്കളും ആന്റിഓക്‌സിഡന്റുകളും അടങ്ങിയിരിക്കുന്നതിനാലാണിത്. മുറിവ് ഉണക്കുന്ന സ്വഭാവസവിശേഷതകൾ കാരണം ഇതിന് ചർമ്മത്തിന് പുറത്ത് പുരട്ടുവാനുള്ള ഗുണങ്ങളുണ്ട് എന്നത് മാത്രമല്ല, ദിവസേന കഴിക്കുമ്പോൾ നമ്മുടെ ആരോഗ്യത്തിന് അത്ഭുതങ്ങൾ ഉണ്ടാക്കുന്നതിനും കറ്റാർ വാഴ സഹായിക്കുന്നു. പ്രത്യേകിച്ചും, വെറും വയറ്റിൽ കുടിക്കുമ്പോൾ ദഹനം വർദ്ധിപ്പിക്കുന്ന കാര്യത്തിൽ.

രാവിലെ തന്നെ കറ്റാർ വാഴ ജ്യൂസ് രൂപത്തിൽ കുടിച്ചാൽ ഈ ഗുണങ്ങൾ ഉറപ്പാക്കാം.

1. ദഹനം



നല്ല ദഹന ആരോഗ്യം നിങ്ങളുടെ മറ്റെല്ലാ അവയവ സംവിധാനങ്ങളും സുഗമമായി പ്രവർത്തിക്കുന്നുണ്ടെന്നും പ്രധാനപ്പെട്ട പോഷകങ്ങൾ ആഗിരണം ചെയ്യാൻ നിങ്ങളുടെ ശരീരത്തിന് കഴിയുമെന്നും ഉറപ്പാക്കുന്നു. നിങ്ങളുടെ ദഹനാരോഗ്യത്തെക്കുറിച്ച് വേണ്ടത്ര ശ്രദ്ധിക്കുന്നില്ലെങ്കിൽ, ഇത് മലബന്ധം, വിറ്റാമിൻ കുറവുകൾ എന്നിവ പോലുള്ള മറ്റ് ആരോഗ്യ പ്രശ്നങ്ങളിലേക്ക് നയിച്ചേക്കാം. കറ്റാർ വാഴയിൽ ദഹന പ്രക്രിയയെ സഹായിക്കുന്ന നിരവധി എൻസൈമുകൾ അടങ്ങിയിരിക്കുന്നു, അതിനാൽ ഇത് ദഹനത്തെ കൂടുതൽ ഫലപ്രദമാക്കുന്നു.

ഔഷധ ഗുണങ്ങളുടെ കലവറയാണ് മാവില

2. ജലാംശം



കറ്റാർ വാഴ ജലത്തിന്റെ അളവിന്റെ കാര്യത്തിൽ വളരെ സമ്പന്നമാണ്. രാവിലെ തന്നെ വെറും വയറ്റിൽ കഴിക്കുന്നതിലൂടെ, നിങ്ങളുടെ ശരീരത്തിന് ഇത് ആവശ്യമായ ജലാംശം നൽകുന്നു. ഇത് നിങ്ങളുടെ ശരീരത്തിൽ നിന്ന് വിഷവസ്തുക്കളെ പുറന്തള്ളാനും അവയവവ്യവസ്ഥയെ പ്രതികൂലമായി ബാധിച്ചേക്കാവുന്ന മാലിന്യങ്ങൾ നീക്കം ചെയ്യാനും സഹായിക്കും. കൂടാതെ, ആരോഗ്യകരമായ ഒരു ഇലക്ട്രോലൈറ്റ് സന്തുലിതാവസ്ഥ നിലനിർത്തുന്നതിന് നിങ്ങളുടെ ശരീരത്തിൽ ജലാംശം നിലനിർത്തേണ്ടതുണ്ട്, കറ്റാർ വാഴ ഇതിന് സഹായകമാകുമെന്ന് തെളിയിക്കാനാകും.

3. പോഷക ഗുണങ്ങൾ



ആരോഗ്യത്തോടെ തുടരാനും വിവിധ രോഗങ്ങൾ തടയാനും വിറ്റാമിനുകളും ധാതുക്കളും തികച്ചും അനിവാര്യമാണെന്ന് നിങ്ങൾക്കറിയാം. കറ്റാർ വാഴ ഇവ രണ്ടിന്റെയും ശക്തികേന്ദ്രമാണ്. ഇതിൽ കാൽസ്യം, മഗ്നീഷ്യം, ഫോളിക് ആസിഡ്, വിറ്റാമിൻ സി, എ, ഇ എന്നിവ അടങ്ങിയിരിക്കുന്നു. അതേസമയം, ഇത് കലോറിയുടെ അളവിന്റെ കാര്യത്തിൽ വളരെ കുറവാണ്. അതിനാൽ, നിങ്ങളുടെ കലോറി ഉപഭോഗത്തെ കുറിച്ച് ഒട്ടും ആശങ്കപ്പെടാതെ ഈ ധാതുക്കളുടെയും വിറ്റാമിനുകളുടെയും ഗുണം നിങ്ങൾക്ക് കൊയ്യാൻ കഴിയും. കറ്റാർ വാഴ വെറും വയറ്റിൽ കഴിക്കുന്നത് പോഷകാഹാര കുറവുകളിൽ നിന്ന് അകന്നു നിൽക്കാനും സ്വയം ശക്തരായിരിക്കാനും സഹായിക്കും.

4. ചർമ്മത്തിന്റെയും മുടിയുടെയും ആരോഗ്യം



നിങ്ങൾ കഴിക്കുന്ന ഭക്ഷണമാണ് നിങ്ങളിൽ പ്രതിഫലിക്കുന്നത് എന്ന് കേട്ടിട്ടില്ലേ? നിങ്ങളുടെ ചർമ്മത്തിന്റെയും മുടിയുടെയും ആരോഗ്യം നിങ്ങൾ എത്ര ആരോഗ്യവാന്മാരാണെന്നതിന്റെ അടയാളമാണ്. ഈ കാര്യത്തിൽ കറ്റാർ വാഴ കഴിക്കുന്നത് ഒരു അനുഗ്രഹമാണെന്ന് തെളിയിക്കാൻ കഴിയും! ചർമ്മത്തിനും മുടിക്കും ആവശ്യമായ വിറ്റാമിനുകളും ആന്റിഓക്‌സിഡന്റുകളും ഇവയിൽ ധാരാളം അടങ്ങിയിട്ടുണ്ട്. വിറ്റാമിനുകൾ നിങ്ങളുടെ ആരോഗ്യത്തെ വർദ്ധിപ്പിക്കുകയും ആൻറി ഓക്സിഡൻറുകൾ ഫ്രീ റാഡിക്കലുകളുടെ പ്രവർത്തനത്തിനെതിരെ പോരാടുകയും ആരോഗ്യകരമായ ചർമ്മ പുനരുജ്ജീവനത്തെ ഉറപ്പാക്കുകയും ചെയ്യും. നിങ്ങൾക്ക് വ്യക്തവും മിനുസമാർന്നതുമായ ചർമ്മം ലഭിക്കുവാൻ മാത്രമല്ല, മുടി കൊഴിച്ചിൽ അകറ്റുവാനും അകാല നരയിൽ നിന്ന് മുടിയെ സംരക്ഷിക്കുവാനും കറ്റാർ വാഴ നിങ്ങളെ സഹായിക്കും.