Sumayya P | Samayam Malayalam | Updated: 27 Jun 2023, 1:45 pm
മലപ്പുറം വളാഞ്ചേരി ആതവനാട് ചോറ്റൂരിലെ ചേലമ്പാടൻ ഷിഹാബ് കാൽനടയായും തിരുവനന്തപുരത്തുനിന്ന് സാബിത് സൈക്കിളിലുമാണ് ഹജ്ജിന് വേണ്ടി സൗദിയിൽ എത്തിയത്.
ഹൈലൈറ്റ്:
- 370 ദിവസം സമയം എടുത്താണ് ഷിഹാബ് മക്കയിൽ എത്തിയത്.
- 7500 കി.മീ സെെക്കിൾ ചവിട്ടിയാണ് സാബിത്ത് മക്കയിൽ എത്തിയത്.
2022 ജൂൺ 2ന് മലപ്പുറം ജില്ലയിലെ ആതവനാടിൽ നിന്നും പാക്കിസ്ഥാൻ, ഇറാൻ, ഇറാഖ്, കുവൈറ്റ് വഴി സൗദിയിലെ മക്കയിൽ എത്തി ഷിഹാബ്. 8640 കിലോമീറ്റർ ആണ് ഇദ്ദേഹം നടന്നത്. 370 ദിവസം കൊണ്ടാണ് ഇത്രയും ദൂരം അദ്ദേഹം നടന്നത്. പാക്കിസ്ഥാൻ വിസക്ക് ചില കാലതാമസം വന്നു. അത് മാറ്റി നിർത്തിയാൽ മറ്റു പ്രശ്നങ്ങൾ ഒന്നും ഉണ്ടായിട്ടില്ല. മാതാവ് സൈനബയും ഷിഹാബിനൊപ്പം ഹജ്ജ് നിർവഹിക്കുന്നുണ്ട്. മാതാവ് എത്തിയത് വിമാനം വഴിയാണ്.
സൂപ്പർസ്റ്റാറാകുമെന്ന് സിനിമാലോകം പ്രതീക്ഷിച്ച നടൻ! | Prashanth | Jeans |
Also Read: ഷാര്‍ജ അല്‍ മുസല്ലയിലും എയര്‍ അറേബ്യയുടെ സിറ്റി ചെക്ക് ഇന്‍ സംവിധാനം
ഹാഫിസ് സാബിത് എന്ന തിരുവനന്തപുരത്തുക്കാരൻ മക്കയിൽ എത്തിയത് സൈക്കിൾ ചവിട്ടിയാണ്. 7500 കി.മീ ആണ് ഇദ്ദേഹം സെെക്കിൾ ചവിട്ടി എത്തിയത്. 21കാരനാണ് ഹാഫിസ് സാബിത്. ഒക്ടോബർ 20ന് ആണ് യാത്ര പുറപ്പെട്ടത്. പാക്കിസ്ഥാൻ വിസ നിഷേധിച്ചപ്പോൾ മുംബൈയിൽനിന്ന് സലാലയിലേക്ക് വിമാനം കയറി. അവിടെ നിന്നും സൈക്കിൾ യാത്ര തുടരുകയായിരുന്നു. 8 മാസം 220 ദിവസമെടുത്താണ് സൈക്കിളിൽ സഞ്ചരിച്ച് അദ്ദേഹം മക്കയിൽ എത്തിയത്.
ഹജ്ജിനുശേഷം ഈജിപ്തിലെ അൽഅസ്ഹർ യൂണിവേഴ്സിറ്റിയിലേക്ക് ആണ് ഇദ്ദേഹം പോകുന്നത്. ബിരുദ പഠനത്തിനായി ആണ് അദ്ദേഹം പോകുന്നത്. മലയാളികൾ മാത്രമല്ല പാക്കിസ്ഥാൻ, ഫ്രാൻസ് തുടങ്ങി വിവിധ രാജ്യങ്ങളിൽ നിന്ന് കാൽനടയായും സൈക്കിളിലും ചിലർ ഹജ്ജിന് വേണ്ടി എത്തുന്നുണ്ട്.
പാക്കിസ്ഥാൻ പഞ്ചാബിൽനിന്ന് 5400 കി.മീ ദൂരം സൈക്കിളിൽ സഞ്ചരിച്ച് ഉസ്മാൻ അർഷാദ് എന്ന വ്യക്ത ഹജ്ജ് കർമ്മം നിർവഹിക്കാൻ വേണ്ടി എത്തിയിട്ടുണ്ട്. പാരീസിൽനിന്ന് 11 രാജ്യങ്ങളിലൂടെ 57 ദിവസമെടുത്ത് 5000 കി.മീ സഞ്ചരിച്ച് നബീൽ എന്ന വ്യക്തിയും ഹജ്ജ് നിർവഹിക്കാൻ വേണ്ടി മക്കയിൽ എത്തിയിട്ടുണ്ട്.
Read Latest Gulf News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
