പുതുതായി 22,993 ഇന്ത്യന്‍ ഗാര്‍ഹിക തൊഴിലാളികള്‍
അതേസമയം, കൂടുതല്‍ പ്രവാസി തൊഴിലാളികള്‍ എത്തിയത് ഇന്ത്യയില്‍ നിന്നാണെന്ന് കണക്കുകള്‍ വ്യക്തമാക്കി. ഗാര്‍ഹിക തൊഴില്‍ മേഖലയിലാണ് കൂടുതല്‍ ഇന്ത്യക്കാര്‍ എത്തിയതെന്ന് ഔദ്യോഗിക കണക്കുകള്‍ ഉദ്ധരിച്ച് അല്‍ ഖബസ് പത്രം റിപ്പോര്‍ട്ട് ചെയ്യുന്നു. ഈ വര്‍ഷം ആദ്യ പാദത്തില്‍ മാത്രം 22,993 തൊഴിലാളികളാണ് ഇന്ത്യയില്‍ നിന്ന് പുതുതായി കുവൈറ്റിലെത്തിയത്. ഇതോടെ തൊഴില്‍ വിപണിയിലെ മൊത്തം ഇന്ത്യക്കാരുടെ എണ്ണം 857,671 ആയി ഉയര്‍ന്നതായും റിപ്പോര്‍ട്ട് ചൂണ്ടിക്കാട്ടി. ഇന്ത്യക്കാര്‍ കഴിഞ്ഞാല്‍ ഈജിപ്തുകാരാണ് കുവൈറ്റില്‍ കൂടുതലുള്ളത്. 486,656 തൊഴിലാളികളാണ് കുവൈറ്റില്‍ ജോലി ചെയ്യുന്നത്. ഈ വര്‍ഷം ആദ്യ പാദത്തില്‍ 3,473 ഈജിപ്ത്യന്‍ തൊഴിലാളികള്‍ പുതുതായി രാജ്യത്തെത്തി. പ്രവാസി ജീവനക്കാരുടെ എണ്ണത്തില്‍ ഫിലിപ്പിനോകള്‍ മൂന്നാം സ്ഥാനത്തും ബംഗ്ലാദേശികള്‍ നാലാം സ്ഥാനത്തുമാണ്.
സര്‍ക്കാര്‍ മേഖലയില്‍ കൂടുതല്‍ കുവൈറ്റികള്‍
അതേസമയം, സര്‍ക്കാര്‍ മേഖലയിലെ ഏറ്റവും കൂടുതല്‍ ജീവനക്കാര്‍ കുവൈറ്റ് പൗരന്‍മാരാണെന്നും റിപ്പോര്‍ട്ടിലുണ്ട്. ആകെ 468,328 കുവൈറ്റ് ജീവനക്കാരാണ് സര്‍ക്കാര്‍ മേഖളയിലുള്ളത്. പ്രാദേശിക തൊഴില്‍ വിപണിയില്‍ 444,822 കുവൈറ്റ് തൊഴിലാളികളുണ്ട്. കഴിഞ്ഞ വര്‍ഷത്തെ അപേക്ഷിച്ച് 2,175 തൊഴിലാളികളുടെ വര്‍ദ്ധനവ്. ഈ വര്‍ഷത്തെ ആദ്യ പാദത്തില്‍ സര്‍ക്കാര്‍ മേഖലയിലെ കുവൈറ്റ്, കുവൈറ്റ് ഇതര ജീവനക്കാരുടെ എണ്ണം ഏകദേശം 3,722 വര്‍ദ്ധിച്ചു. സര്‍ക്കാര്‍ മേഖലയില്‍ ആകെ 468,328 സ്ത്രീ-പുരുഷ ജീവനക്കാരുണ്ടെന്നും കണക്കുകള്‍ വ്യക്തമാക്കുന്നു.
4 വർഷത്തെ സെക്യൂരിറ്റി ജീവിതത്തിനിടയിൽ എഴുതിയത് ഇരുപത്തിയഞ്ചോളം കവിതകൾ4 വർഷത്തെ സെക്യൂരിറ്റി ജീവിതത്തിനിടയിൽ എഴുതിയത് ഇരുപത്തിയഞ്ചോളം കവിതകൾ
4 വർഷത്തെ സെക്യൂരിറ്റി ജീവിതത്തിനിടയിൽ എഴുതിയത് ഇരുപത്തിയഞ്ചോളം കവിതകൾ
ഗാര്‍ഹിക തൊഴിലാളികളില്‍ ഒന്നാമത് ഇന്ത്യക്കാര്‍
കുവൈറ്റിലെ ഗാര്‍ഹിക തൊഴിലില്‍ 26,886 തൊഴിലാളികളാണ് ഈ വര്‍ഷം ആദ്യ പാദത്തില്‍ പുതുതായി എത്തിയത്. മന്ത്രാലയത്തിന്റെ റിപ്പോര്‍ട്ട് പ്രകാരം രാജ്യത്ത് 780,183 ഗാര്‍ഹിക തൊഴിലാളികളാണ് ജോലി ചെയ്യുന്നത്. അവരില്‍, 98.9 ശതമാനം പേരും പത്ത് പ്രധാന രാജ്യങ്ങളില്‍ നിന്നുള്ളവരാണ്. ഇവരില്‍ ഇന്ത്യക്കാരാണ് ഏറ്റവും കൂടുതല്‍. രാജ്യത്ത് 347,000 ഗാര്‍ഹിക തൊഴിലാളികളുണ്ടെന്നാണ് കണക്കുകള്‍. തൊഴില്‍ കരാര്‍ വ്യവസ്ഥകളുമായി ബന്ധപ്പെട്ട് ഫിലിപ്പീന്‍സ് അധികൃതരുമായി കുവൈറ്റ് തര്‍ക്കം തുടരുമ്പോഴും ഗാര്‍ഹിക തൊഴിലാളികളുടെ എണ്ണത്തില്‍ രണ്ടാം സ്ഥാനത്ത് അവരാണ്. ഇന്ത്യയും ഫിലിപ്പീന്‍സും കഴിഞ്ഞാല്‍ ശ്രീലങ്ക, ബംഗ്ലാദേശ്, നേപ്പാള്‍, എത്യോപ്യ, ബെനിന്‍, ഇന്തോനേഷ്യ, മാലി, പാകിസ്താന്‍ എന്നിവിടങ്ങളില്‍ നിന്നുള്ളവരാണ് കുവൈറ്റിലെ ഗാര്‍ഹിക തൊഴിലാളികളില്‍ ഭൂരിപക്ഷം പേരും.
