കൊവിഡ്: അടുത്ത 125 ദിവസം രാജ്യത്തിന് നിര്‍ണായകമെന്ന് കേന്ദ്രം; വിവരങ്ങൾ പങ്കുവച്ച് നീതി ആയോഗ്

ന്യുഡൽഹി: രാജ്യത്ത് കൊവിഡിൻ്റെ മൂന്നാം തരംഗം ഓഗസ്റ്റ് അവസാനത്തോടെ ഉണ്ടാകുമെന്ന് ഐസിഎംആര്‍ സൂചന നൽകിയതിന് പിന്നാലെ കൂടുതൽ മുന്നറിയിപ്പുമായി കേന്ദ്ര ആരോഗ്യ മന്ത്രാലയം. കൊവിഡ് വ്യാപനം നിയന്ത്രിക്കുന്നതിൽ അടുത്ത 125 ദിവസം രാജ്യത്തിന് നിർണായകമാണെന്ന് നീതി ആയോഗ് അംഗം ഡോ. വി കെ പോൾ വ്യക്തമാക്കി.



‘ആർഎസ്എസിൽ വിശ്വസിക്കുന്നവരെ ആവശ്യമില്ല, അവർക്ക് കോൺഗ്രസിൽ നിന്ന് പുറത്ത് പോകാം’: രാഹുൽ ഗാന്ധി

വൈറസ് വ്യാപനത്തിൻ്റെ പുതിയ തരംഗസാധ്യതകൾ തള്ളിക്കളയാനാകില്ല. കൊവിഡിനെതിരെ ആർജിത പ്രതിരോധ ശേഷി കൈവരിക്കാൻ ഇതുവരെ കഴിഞ്ഞിട്ടില്ല. രാജ്യത്തെ കൊവിഡ് വ്യാപനം പ്രതിരോധിക്കേണ്ടത് ആവശ്യമാണ്. കൊവിഡ് പ്രതിരോധ നിർദേശങ്ങൾ ജനങ്ങൾ പാലിച്ചാൽ മാത്രമേ ഈ നേട്ടത്തിൽ എത്താൻ കഴിയൂ. കൊവിഡ് കേസുകൾ കുറയുന്നതിൽ അടുത്ത 125 ദിവസങ്ങൾ നിർണായകമാണെന്നും വി കെ പോൾ വ്യക്തമാക്കി.

എക്സ്പ്രസ് ഹൈവേയിൽ ട്രക്ക് മറിഞ്ഞു; റോഡിൽ വീണത് 20 ടൺ തക്കാളി; ഗതാഗതകുരുക്ക്

കൊവിഡിൻ്റെ മൂന്നാം തരംഗത്തിലേക്ക് വിവിധ രാജ്യങ്ങൾ നീങ്ങുകയാണ്. മോശം സാഹചര്യങ്ങളിലേക്കാണ് ആ രാജ്യങ്ങൾ എത്തുന്നത്. മൂന്നാം തരംഗം ഉണ്ടാകാനുള്ള സാധ്യതകൾ ലോകാരോഗ്യ സംഘടന നൽകുന്നുണ്ട്. ഈ മുന്നറിയിപ്പിൽ നിന്നും നമ്മൾ കാര്യങ്ങൾ പഠിക്കുകയും മുന്നൊരുക്കങ്ങൾ അതിവേഗത്തിലാക്കുകയും ചെയ്യേണ്ടതുണ്ട്. പ്രധാനമന്ത്രിയടക്കമുള്ളവർ ഇക്കാര്യത്തിൽ വിവരങ്ങൾ പങ്കുവച്ചിരുന്നുവെന്നും വി കെ പോൾ കൂട്ടിച്ചേർത്തു.

വൈറസിൻ്റെ പുതിയ വകഭേദങ്ങൾ കാര്യങ്ങളെ കൂടുതൽ സങ്കീർണ്ണമാക്കുന്നുണ്ടെന്നും അദ്ദേഹം പറഞ്ഞു. അയൽ രാജ്യങ്ങളിലടക്കം കൊവിഡ് കേസുകൾ വർധിക്കുകയാണെന്ന് കേന്ദ്ര ആരോഗ്യ സെക്രട്ടറി ലവ് അഗര്‍വാള്‍ പറഞ്ഞു പറഞ്ഞു. മ്യാൻമർ, ഇന്തോനേഷ്യ, മലേഷ്യ, ബംഗ്ലാദേശ് എന്നീ രാജ്യങ്ങളിൽ പുതിയ കൊവിഡ് കേസുകൾ വർധിക്കുകയാണ്. രണ്ടാം തരംഗത്തേക്കാൾ തീവ്രമായ അവസ്ഥയിലാണ് മലേഷ്യയിലെയും ബംഗ്ലാദേശിലെയും കൊവിഡ് മൂന്നാം ആഞ്ഞടിക്കുകയാണെന്നും അദ്ദേഹം പറഞ്ഞു.

കുട്ടികളിലെ കൊവിഡ് വാക്സിനേഷന്‍ പരീക്ഷണം അന്തിമഘട്ടത്തിലെന്ന് കേന്ദ്രം

കൊവിഡുമായി ബന്ധപ്പെട്ട നിയന്ത്രണങ്ങളിൽ ഇളവ് വരുത്തിയതുമുതൽ രാജ്യത്ത് മാസ്ക് ധരിക്കുന്നവരുടെ എണ്ണത്തിൽ ഗണ്യമായ കുറവുണ്ടായെന്ന് ആരോഗ്യ മന്ത്രാലയം പറഞ്ഞു. ലോക്ക് ഡൗണിന് ശേഷം മാസ്‌ക് ഉപയോഗത്തില്‍ 74 ശതമാനം കുറവുണ്ടായതായും കേന്ദ്ര ആരോഗ്യ സെക്രട്ടറി ലവ് അഗര്‍വാള്‍ പറഞ്ഞു.