60 വർഷമായി ഉറങ്ങിയിട്ടേയില്ല, അത്ഭുതമായി 80കാരൻ; കാരണമറിയാതെ ഡോക്ടർമാർ

ഒരുദിവസം ഉറക്കം കുറച്ച് കുറഞ്ഞാൽ തന്നെ പിറ്റേന്ന് നേരെ നിൽക്കാനാകത്തവരാകും നമ്മളിൽ പകുതിയും. എന്നാൽ അറുപത് വർഷമായി ഉറക്കമേ ഇല്ലാത്ത ഒരു മനുഷ്യൻ വിയറ്റ്നാമിലുണ്ട്

Thai Ngoc — തായ് എൻഗോക്ക്. Photo Credit: DreW Binsky/Youtube

ഹൈലൈറ്റ്:

60 വർഷമായി ഉറങ്ങിയിട്ടേയില്ല
അത്ഭുതമായി 80കാരൻ
കാരണമെന്തെന്ന് ആർക്കുമറിയില്ല

ഹാനോയ്: അറുപത് വർഷമായി ഉറങ്ങാത്ത ഒരാൾ, കേൾക്കുമ്പോ തന്നെ എന്തൊരു തള്ള് എന്നാകുമല്ലേ തോന്നുന്നത്. എന്നാൽ അങ്ങനെയൊരാൾ വിയറ്റ്നാമിലുണ്ട്. 60 വർഷമായി ഉറങ്ങാത്ത ഒരു 80 വയസുകാരൻ. അതേ 20 വയസിന് ശേഷം തായ് എൻ‌ഗോക്കിന് ഉറങ്ങാൻ കഴിഞ്ഞിട്ടില്ല. കാരണമന്വേഷിച്ച് തലപുകച്ചു എന്നല്ലാതെ ഇതിന് ഒരു ഉത്തരം കണ്ടെത്താൻ ഡോക്ടർമാർക്കോ, കാരണം അറിയാൻ വന്ന വിദഗ്ധർക്കോ ഒന്നും കഴിഞ്ഞിട്ടില്ല. 1962 മുതൽ എൻ‌ഗോക്കിന്‍റെ ജീവിതം ഇങ്ങനെയാണെന്നാണ് ബന്ധുക്കളും നാട്ടുകാരും പറയുന്നത്. ഇവരാരും എൻഗോക്ക് ഉറങ്ങുന്നത് ഇതുവരെ കണ്ടിട്ടില്ല.

എൻഗോക്കിന്‍റെ ജീവിതം അറിഞ്ഞ് ഈ അവസ്ഥയെക്കുറിച്ച് പഠിക്കാൻ നിരവധിയാളുകൾ നാട്ടിലേക്ക് എത്തിയിരുന്നു ഇവരും എൻഗോക്ക് ഉറങ്ങുന്നത് തങ്ങൾ കണ്ടിട്ടില്ലെന്ന് സാക്ഷ്യപ്പെടുത്തുന്നു. ഇൻസോമാനിയയിലൂടെയാണ് ഇയാൾ കടന്ന് പോകുന്നത് എന്ന് മാത്രമേ വിദഗ്ദരും പറയുന്നുള്ളൂ. എന്നാൽ വിശ്രമം ലഭിക്കാത്തതിന്‍റെ പേരിൽ എൻഗോക്കിന് ഇതുവരെയും ആരോഗ്യ പ്രശ്നങ്ങളൊന്നും നേരിടേണ്ടി വന്നിട്ടില്ല.

Also Read : എറണാകുളത്ത് ഇന്ന് ഓറഞ്ച് അലേർട്ട്; എട്ട് ജില്ലകളിൽ യെല്ലോ അലേർട്ട്; വരുംദിവസങ്ങളിൽ അതിതീവ്ര മഴയ്ക്ക് സാധ്യത

തന്റെ ജീവനെടുക്കാന്‍ സിപിഎം വിചാരിച്ചാല്‍ പറ്റില്ലെന്ന് കെ സുധാകരന്‍ എംപി

അറുപത് വർഷമായി ഉറങ്ങാത്ത മനുഷ്യനെക്കുറിച്ചറിഞ്ഞ യൂട്യൂബർ ഡ്ര്യൂ ബിൻസ്കി ജീവിതം ചിത്രീകരിക്കാനായി അടുത്തിടെ എൻഗോക്കിന്‍റെ ഗ്രാമത്തിലേക്ക് എത്തിയിരുന്നു. ഈ വീഡിയോ ഇതിനോടകം വൈറലാവുകയും ചെയ്തിട്ടുണ്ട്. വർഷങ്ങൾക്ക് മുമ്പ് തന്നെ തായ് എൻഗോക്കിനെക്കുറിച്ച് കേട്ടിരുന്നെന്നും എന്നാൽ നേരിൽ കാണാനാകുമെന്ന് കരുതിയില്ലെന്നുമാണ് ബിൻസ്കി പറയുന്നത്.

Also Read : പ്രതിപക്ഷ നേതാവ് രാജിവെച്ച് ഉപമുഖ്യമന്ത്രിയായി; എൻസിപി നേതാവ് അജിത് പവാർ ഷിൻഡെ മന്ത്രിസഭയിൽ

വിയറ്റ്നാം യുദ്ധത്തിൽ എൻഗോക്കിന്‍റെ കൈക്ക് പരിക്കേറ്റിരുന്നു. യുദ്ധകാലവും അന്നത്തെ ഭീകരതയും എല്ലാം എൻഗോക്കിന്‍റെ ഉറക്കമില്ലായ്മയ്ക്ക് കാരണമായിത്തീർന്നിട്ടുണ്ടാകാം എന്നാണ് ബിൻസ്കി വീഡിയോയിൽ പറയുന്നത്. എൻഗോക്കിന്‍റെ ഗ്രാമത്തിലെത്തിയ യൂട്യൂബർ രാത്രി മുഴുവൻ എൺപതുകാരനൊപ്പം കഴിഞ്ഞിരുന്നു. ഇതിന്‍റെ ദൃശ്യങ്ങളെല്ലാം പുറത്തുവന്ന വീഡിയോയിലുണ്ട്.

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക