Edited by Samayam Desk | Samayam Malayalam | Updated: 2 Jul 2023, 10:03 pm
How To Make Hair Serum At Home Naturally:മുടി കൊഴിച്ചില്‍ നിര്‍ത്താന്‍ തയ്യാറാക്കാവുന്ന പ്രത്യേക സെറം എങ്ങനെ തയ്യാറാക്കാമെന്നറിയൂ.
വൈറ്റമിന്‍ ഇ
രണ്ടേ രണ്ട് ചേരുവകള്‍ മാത്രമേ ഇതിനായി ഉപയോഗിയ്‌ക്കേണ്ടതുള്ളൂ. ഇത് ഉലുവയും വൈറ്റമിന്‍ ഇ ഓയിലുമാണ്. വൈറ്റമിന്‍ ഇ മുടിയുടേയും ചര്‍മത്തിന്റേയും ആരോഗ്യത്തിന് പരമ പ്രധാനമാണ്. മുടി കൊഴിച്ചില്‍ തടയാന്‍ സഹായിക്കുന്ന പ്രധാനപ്പട്ടൊരു ചേരുവയാണ് ഇത്. വൈറ്റമിന്‍ ഇ ഓയില്‍ ക്യാപ്‌സൂള്‍ രൂപത്തില്‍ അല്ലാതെയും ലഭിയ്ക്കും. ഇത് മുടിയുടെ വരണ്ട സ്വഭാവം മാറാന്‍ നല്ലതാണ്. മാത്രമല്ല, മുടി കൊഴിച്ചില്‍ തടയാനും ഇതേറെ നല്ലതാണ്. നിര്‍ജീവമായ മുടിയിഴകള്‍ക്ക് ആരോഗ്യം നല്‍കാനും ജീവന്‍ നല്‍കാനും മികച്ചതാണ്. മുടിയ്ക്ക് തിളക്കം നല്‍കാനും വൈറ്റമിന്‍ ഇ ഓയില്‍ മികച്ചതു തന്നെയാണ്.
രാത്രി ഒഴിവാക്കാം ഈ ഭക്ഷണങ്ങൾ
രാത്രി ഒഴിവാക്കാം ഈ ഭക്ഷണങ്ങൾ
ഉലുവ
ഉലുവ ഉപയോഗിയ്ക്കുന്നത് മുടി കൊഴിയുന്നതു തടയും. ഇത് ഈസ്ട്രജന്‍ സമ്പുഷ്ടമാണ്. മുടിയുടെ വളര്‍ച്ചയ്ക്കും ആരോഗ്യത്തിനും ആവശ്യമായ ഏറെ പോഷകങ്ങള്‍ അടങ്ങിയ ഇത് മുടിയ്ക്കു തിളക്കം നല്‍കാനും നല്ലൊരു ഷാംപൂവിന്റെയും കണ്ടീഷണറുടേയും ഗുണം നല്‍കാനും നല്ലതാണ്.മുടി വളര്‍ച്ച ത്വരിതപ്പെടുത്തും. താരന്‍ പോലുള്ള പ്രശ്‌നങ്ങള്‍ക്കു നല്ല പരിഹാരമാണ്. മുടിയ്ക്കു തിളക്കവും മൃദുത്വവുമെല്ലാം നല്‍കും. തികച്ചും സ്വാഭാവിക ചേരുവകള്‍ ആയതിനാല്‍ തന്നെ യാതൊരു ദോഷവും മുടിയ്‌ക്കോ തലയ്‌ക്കോ വരുത്തുന്നുമില്ല. ഇത് ഉപയോഗിയ്ക്കാനും വളരെ എളുപ്പമാണ്.
ഇത് തയ്യാറാക്കാന്‍
ഇത് തയ്യാറാക്കാന്‍ എളുപ്പം തന്നെയാണ്. ഉലുവ വെള്ളത്തില്‍ കുതിര്‍ത്തുക. ഈ വെള്ളം ഊറ്റിയെടുക്കാം. ഇതിലേയ്ക്ക് വൈറ്റമിന്‍ ഇ ഓയില്‍ ചേര്‍ത്തിളക്കാം. വല്ലാതെ എണ്ണമയമാകുന്നത്ര ഓയില്‍ വേണ്ട. വരണ്ട മുടിയുള്ളവര്‍ക്ക് ഇത് അനുസരിച്ച് ഓയിലിന്റെ അളവ് കൂട്ടാം. ഇത് നല്ലതു പോലെ ഇളക്കിച്ചേര്‍ത്ത് രാത്രിയില്‍ കിടക്കാന്‍ നേരം ഇതില്‍ നിന്നും അല്‍പം എടുത്ത് ശിരോചര്‍മത്തില്‍ പുരട്ടാം. മസാജ് ചെയ്ത് പുരട്ടുക. മുടിയുടെ ബാക്കി ഭാഗത്ത് പതിയെ സ്‌പ്രേ ചെയ്തും കൊടുക്കാം. മുടിയുടെ കൊഴിച്ചില്‍ നീക്കാന്‍, മുടി ആരോഗ്യകരമാക്കാന്‍ ഇതേറെ നല്ലൊരു വഴിയാണ്.
പുരുഷന്മാര്‍ക്കും സ്ത്രീകള്‍ക്കും
പുരുഷന്മാര്‍ക്കും സ്ത്രീകള്‍ക്കും ഏത് പ്രായക്കാര്‍ക്കും ഒരു പോലെ ഉപയോഗിയ്ക്കാവുന്ന ഒന്നാണിത്. രാത്രിയില്‍ ഇത് പുരട്ടി കിടക്കുന്നതാണ് നല്ലത്. അധികം എടുത്ത് കൂടുതല്‍ വെള്ളം മുടിയില്‍ ആകുന്ന രീതിയില്‍ പുരട്ടേണ്ടതില്ല. രാത്രി ഉപയോഗിയ്ക്കാന്‍ സാധിയ്ക്കില്ലെങ്കില്‍ രാവിലെ പുരട്ടാം. ശേഷം അല്‍പം കഴിഞ്ഞ് കഴുകാം. ഇതല്ലെങ്കില്‍ ഇത് ഇതേ രീതിയില്‍ വയ്ക്കാം. വൈറ്റമിന്‍ ഇ ഓയില്‍ അധികമാകായാല്‍ എണ്ണമയം കൂടാനും പൊടിയും മറ്റും മുടിയില്‍ പിടിയ്ക്കാനും സാധ്യതയുള്ളതിനാല്‍ അളവിന്റെ കാര്യത്തില്‍ പ്രത്യേകം ശ്രദ്ധിയ്ക്കുക. ഇത് വളരെ ലൂസായ ഹെയര്‍ സെറം രീതിയിലാണ് തയ്യാറാക്കേണ്ടത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
