Also Read : ഇത്തവണ കാത്തിരിക്കുന്നതെന്ത്? ഭരണം മാറിമറിഞ്ഞു; 4 വർഷത്തിനിടെ 3 തവണ ഉപമുഖ്യമന്ത്രിയായി അജിത് പവാർ
നിയമസഭാ തെരഞ്ഞെടുപ്പിന്റെ പശ്ചാത്തലത്തിൽ തെലങ്കാനയിൽ നടന്ന പൊതുസമ്മേളനത്തിൽ സംസാരിക്കുകയായിരുന്നു രാഹുൽ ഗാന്ധി. പ്രസംഗത്തിൽ ഉടനീളം ബിജെപിയുടെ ബി-ടീം എന്നായിരുന്നു ബിആർഎസിനെ വിശേഷിപ്പിച്ചത്.
ബ്ലോക്ക് മാറ്റാൻ ആവശ്യപ്പെട്ടവരെ മർദ്ദിച്ച് യുവാക്കൾ
‘തെലങ്കാനയിൽ കോൺഗ്രസും ബിജെപിയുടെ ബി ടീമായ ബിആർഎസും തമ്മിലാണ് പോരാട്ടം നടക്കുന്നത്. കർണാടകത്തിൽ ബിജെപിയെ തോൽപിച്ചതിന് സമാനമായി തെലങ്കാനയിൽ ബി-ടീമിനേയും തോൽപ്പിക്കും’ തെലങ്കാനയിൽ നടന്ന പൊതുസമ്മേളനത്തിൽ രാഹുൽ പറഞ്ഞു.
സംസ്ഥാനം ഭരിക്കുന്ന പാർട്ടിയെ “ബിജെപിയുടെ ബി-ടീം” എന്നും അതിന്റെ പുതിയ പേരായ ബിആർഎസിനെ ‘ബിജെപി റിഷ്ടേദാർ പാർട്ടി’ എന്നും രാഹുൽ ഗാന്ധി വിശേഷിപ്പിച്ചു. കെസിആറിന്റെ റിമോട്ട് കൺട്രോൾ പ്രധാനമന്ത്രി നരേന്ദ്ര മോദിക്കൊപ്പമാണെന്ന് തെലങ്കാന മുഖ്യമന്ത്രിയെ പരിഹസിച്ചുകൊണ്ട് രാഹുൽ ഗാന്ധി പറഞ്ഞു.
പ്രതിപക്ഷ സഖ്യത്തിൽ നിന്നും കെസിആർ പങ്കെടുത്തിരുന്നില്ല. നേരത്തെ കോൺഗ്രസ് വിരുദ്ധ പ്രതിപക്ഷ സഖ്യം രൂപീകരിക്കുന്നതിന് കെസിആർ നീക്കങ്ങൾ നടത്തിയിരുന്നു. ഈ വർഷം നടക്കുന്ന നിയമസഭാ തെരഞ്ഞെടുപ്പിന്റെ പ്രചരണത്തിന്റെ ഭാഗമായാണ് രാഹുൽ തെലങ്കാനയിൽ എത്തിയത്.
ബിആർഎസ് ഉൾപ്പെട്ട ഒരു സഖ്യത്തിലും കോൺഗ്രസ് ചേരില്ലെന്ന് അടുത്തിടെ നടന്ന യോഗത്തിൽ മറ്റുള്ള പ്രതിപക്ഷ പാർട്ടി നേതാക്കളോട് താൻ പറഞ്ഞതായി രാഹുൽ ഗാന്ധി കൂട്ടിച്ചേർത്തു.
‘പ്രതിപക്ഷ പാർട്ടികളുടെ യോഗത്തിൽ ടിആർഎസ് (ഇപ്പോൾ ബിആർഎസ്) യോഗത്തിന്റെ ഭാഗമാണെങ്കിൽ കോൺഗ്രസ് യോഗത്തിൽ ചേരില്ലെന്ന് ഞങ്ങൾ വ്യക്തമാക്കി… ബിജെപിയുടെ ഒരു ബി-ടീമുമായി ഒരിക്കലും ഒത്ത് ചേരാൻ ഞങ്ങൾക്ക് സാധിക്കില്ല’ രാഹുൽ പറഞ്ഞു.
Also Read : ഇത് പുതിയ കാര്യമല്ല, തളരില്ല; പുതിയ നേതൃനിരയുമായി മുന്നോട്ട് പോകുമെന്ന് ശരദ് പവാർ
ജൂൺ മാസത്തിൽ ബിഹാറിലെ പാറ്റ്നയിൽ നടന്ന പ്രതിപക്ഷ പാർട്ടികളുടെ യോഗത്തിൽ കെസിആർ പങ്കെടുത്തിരുന്നില്ല. അതിന് പുറമെ, ബിജെപിക്കെതിരെ നേരത്തെ കോൺഗ്രസ് വിരുദ്ധ പ്രതിപക്ഷ സഖ്യം രൂപീകരിക്കുന്നതിന് കെസിആർ നീക്കങ്ങൾ നടത്തിയിരുന്നു.
Read Latest National News and Malayalam News
