ഗുരുതര സുരക്ഷാവീഴ്ച; പ്രധാനമന്ത്രിയുടെ വസതിക്ക് മുകളിൽ ഡ്രോൺ

ന്യൂഡൽഹി: രാജ്യതലസ്ഥാനത്ത് ഗുരുതര സുരക്ഷാ വീഴ്ച. പ്രധാനമന്ത്രി നരേന്ദ്രമോദിയുടെ ഔദ്യോഗിക വസതിക്ക് മുകളിൽ ഡ്രോൺ കണ്ടതായി റിപ്പോർട്ട്. ഇന്ന് പുലർച്ചെ അഞ്ച് മണിയോടെയാണ് ഡ്രോൺ കണ്ടെത്തിയത്.

Also Read : ‘മടങ്ങിയെത്തിയാൽ സന്തോഷം, എന്നും സഹോദരൻ തന്നെ’; ‘അജിത് ദാദ’യുടെ ചുവട് മാറ്റത്തിൽ സുപ്രിയ സുലേ

പ്രധാനമന്ത്രിയുടെ സുരക്ഷ നോക്കുന്ന സ്പെഷ്യൽ പ്രൊട്ടക്ഷൻ ഗ്രൂപ്പ് (എസ്പിജി) സംഘമാണ് ഡ്രോൺ കണ്ടെത്തിയത്. ഉടൻ തന്നെ വിവരം ഡൽഹി പോലീസിനെ അറിയിക്കുകയും ചെയ്തു.

മഴ കുറഞ്ഞത് കുരുമുളക് കൃഷിക്ക് തിരിച്ചടിയായി

ഡ്രോൺ കണ്ടെത്താനുള്ള ശ്രമങ്ങൾ ഊർജിതമാക്കിയതായി ഡൽഹി പോലീസ് അറിയിച്ചിട്ടുണ്ട്. ഇതുവരെ ഡ്രോൺ കണ്ടെത്തിയിട്ടില്ലെന്നും അധികൃതർ വ്യക്തമാക്കി.

Also Read : കെസിആറിന്റെ പാർട്ടി ബിജെപിയുടെ ബി-ടീം; തെലങ്കാനയിൽ വിമർശനങ്ങളുമായി രാഹുൽ ഗാന്ധി

“പ്രധാനമന്ത്രിയുടെ വസതിക്ക് സമീപം അജ്ഞാത വസ്തു പറക്കുന്നതായി വിവരം ലഭിച്ചു. സമീപ പ്രദേശങ്ങളിൽ സമഗ്രമായ തിരച്ചിൽ നടത്തിയെങ്കിലും അത്തരത്തിലുള്ള ഒരു വസ്തുവും കണ്ടെത്തിയില്ല. എയർ ട്രാഫിക് കൺട്രോൾ റൂമിലും (എടിസി) ബന്ധപ്പെട്ടിരുന്നു. പ്രധാനമന്ത്രിയുടെ വസതിക്ക് സമീപത്ത് നിന്നും അവർക്കും ഒന്നും കണ്ടെത്താൻ സാധിച്ചില്ല ,” ഡൽഹി പോലീസ് പ്രസ്താവനയിൽ പറഞ്ഞു.

Also Read : ഇന്നും ശക്തമായ മഴ; സംസ്ഥാനത്ത് 12 ജില്ലകളിൽ മഴമുന്നറിയിപ്പ്; മൂന്നിടത്ത് ഓറഞ്ച് അലേർട്ട്

എസ്പിജിയാണ് പ്രധാനമന്ത്രിയുടേയും വസതിയുടേയും സുരക്ഷ ഒരുക്കുന്നത്. അതീവ സുരക്ഷാ മേഖലയായ പ്രധാനമന്ത്രിയുടെ ഔദ്യോഗിക വസതിക്ക് മുകളിൽ ഡ്രോണുകളും വിമാനങ്ങളും പറത്തുന്നതിന് നിരോധനമുണ്ട്.

സംഭവത്തിന്റെ വിശദവിവരങ്ങൾ പുറത്തുവന്നിട്ടില്ല.

Read Latest National News and Malayalam News