റേഷൻ കടകളിലൂടെ തക്കാളി വിൽക്കും; ചർച്ച നടത്തി മന്ത്രി

കാലവർഷക്കെടുതി രൂക്ഷമായതോടെ തക്കാളിയുടെ വില വർദ്ധിച്ചിരുന്നു. ചെന്നൈ കോയമ്പേട് മാർക്കറ്റിൽ കിലോയ്ക്ക് 90 രൂപയ്ക്ക് വിൽക്കുന്ന തക്കാളി ചില്ലറ വിൽപനശാലകളിൽ കിലോയ്ക്ക് 130/140 രൂപവരെയാണ് വിൽക്കുന്നത്. കേരളത്തിൽ അടക്കം തക്കാളിവില100ന് മുകളിലാണ് ഇപ്പോഴും വില. ടിയുസിഎസ് നടത്തുന്ന പന്നൈ പശുമൈ സ്റ്റോറുകളിൽ അവശ്യ പച്ചക്കറികൾ 60 രൂപയ്ക്കാണ് വിൽക്കുന്നത്.

മറ്റ് സംസ്ഥാനങ്ങളിൽ നിന്നും ഇറക്കുമതി ചെയ്ത് തക്കാളി റേഷൻ കടകളിലൂടെ വിതരണം ചെയ്യുന്ന കാര്യമാണ് സംസ്ഥാന സർക്കാർ ഇപ്പോൾ പരിഗണിക്കുന്നത്.

അതേസമയം, ഹിമാചൽ പ്രദേശും കർണാടകയും ഉൽപന്നങ്ങൾ വിതരണം ചെയ്യാൻ തുടങ്ങുന്നതോടെ തക്കാളിയുടെ വില നിയന്ത്രണവിധേയമാകുമെന്ന് കേന്ദ്രമന്ത്രി പിയൂഷ് ഗോയൽ അഭിപ്രായപ്പെട്ടു.

Also Read : കെസിആറിന്റെ പാർട്ടി ബിജെപിയുടെ ബി-ടീം; തെലങ്കാനയിൽ വിമർശനങ്ങളുമായി രാഹുൽ ഗാന്ധി

തമിഴ്നാട്ടിൽ കാലാവസ്ഥാ വ്യതിയാനത്തിൽ വിളവ് കുറഞ്ഞതിനാൽ തക്കാളി വില ഉയർന്നിരുന്നു. കേരളത്തോട് അതിർത്തി പങ്കിടുന്ന ഉദുമൽപേട്ടിലും സമീപപ്രദേശങ്ങളിലും പളനി ഒട്ടംഛത്രം അടക്കമുള്ള നഗരത്തോട് ചേർന്നുള്ള ഗ്രാമപ്രദേശങ്ങളിലുമാണ് തക്കാളി കൃഷി കൂടുതലായി ചെയ്തുവരുന്നത്. കേരളത്തിലേക്ക് തക്കാളി എത്തുന്നതും ഇവിടെ നിന്നുമാണ്.

Read Latest National News and Malayalam News