പ്രായമായവര്‍ക്ക് ഉറക്കം കുറയുന്നതിന് പുറകില്‍….
Authored by Saritha PV | Samayam Malayalam | Updated: 3 Jul 2023, 9:56 am
പ്രായമാകുമ്പോഴുണ്ടാകുന്ന പല പ്രശ്‌നങ്ങളില്‍ ഒന്നാണ് ഉറക്കക്കുറവ് എന്നത്. പലരും ഉറക്കമില്ലെന്ന് പരാതിപ്പെടുന്ന കണ്ടിട്ടുണ്ടാകും. ഇതിന് പുറകിലെ ചില കാരണങ്ങളെക്കുറിച്ചറിയൂ.
ഇതില്‍ ഒന്നാണ് ഉറക്കം കുറയുകയെന്നത്. പ്രായമായവര്‍ക്ക് ഉറക്കം കുറയുന്നത് നാം ശ്രദ്ധിച്ച് കാണും. ഇതെന്ത് കൊണ്ടെന്ന് ആലോചിച്ചിട്ടുമുണ്ടാകും. ഇതിന് പുറകില്‍ സയന്‍സ് പറയുന്ന പല കാരണങ്ങളുമുണ്ട്.
ബ്രെയിന്‍
നമ്മുടെ ശരീരത്തില്‍ ഉല്‍പാദിപ്പിയ്ക്കപ്പെടുന്ന മെലാട്ടോണിന്‍ എന്ന ഹോര്‍മോണാണ് ഉറക്കത്തിന് സഹായിക്കുന്നത്. ഇത് സ്ലീപ് ഹോര്‍മോണ്‍ എന്ന് കൂടി അറിയപ്പെടുന്നുമുണ്ട്. മെലാട്ടനിന്‍ ഇരുട്ടിനോട് പ്രതികരിച്ചാണ് ഉറക്കമുണ്ടാക്കുന്നത്. ഇരുണ്ട അവസ്ഥയില്‍, രാത്രിയില്‍ ഉറങ്ങാറായി എന്ന തോന്നല്‍ ബ്രെയിനുണ്ടാകുമ്പോള്‍ മെലാട്ടനിന്‍ ഉല്‍പാദിപ്പിയ്ക്കപ്പെടുന്നു. ഇത് ഉറക്കമുണ്ടാക്കുന്നു.
ഇരുണ്ട മുറിയാണ് ഉറക്കത്തിന് നല്ലതെന്ന് പറയുന്നതിന്റെ കാരണം കൂടി ഇതാണ്. എന്നാല്‍ പ്രായമാകുന്തോറും ഇത്തരം സന്ദേശങ്ങള്‍ പിടിച്ചെടുക്കാനുള്ള ബ്രെയിന്‍ കഴിവ് കുറയുന്നു. കുറവ് മെലാട്ടനിന്‍ ഉല്‍പാദിപ്പിയ്ക്കപ്പെടുന്നു. ഇതാണ് ഉറക്കക്കുറവിനുള്ള ഒരു പ്രധാനപ്പെട്ട കാരണം. വയര്‍ കുറയ്ക്കാന്‍ ആയുര്‍വേദം വഴി പറയുന്നു
രാത്രി ഒഴിവാക്കാം ഈ ഭക്ഷണങ്ങൾ
രാത്രി ഒഴിവാക്കാം ഈ ഭക്ഷണങ്ങൾ
സെന്‍സ് ചെയ്യാന്‍
പലപ്പോഴും പ്രായമായവര്‍ക്ക് മറ്റുള്ളവരെ പോലെ സമയം കൃത്യമായി സെന്‍സ് ചെയ്യാന്‍ സാധിയ്ക്കാറില്ല. ഇത് പ്രായമാകുമ്പോള്‍ ഉറക്കം കുറയുന്നതിന്റെ ഒരു കാരണമാണ്. മാത്രമല്ല, പകല്‍ ഉറക്കം, മയക്കമെല്ലാം വാര്‍ദ്ധക്യത്തില്‍ കണ്ടു വരുന്ന കാര്യങ്ങളാണ്. ഇത്തരത്തില്‍ ഇടവിട്ടുള്ള ഉറക്കം രാത്രിയിലെ നീണ്ട ഉറക്കത്തിന് തടസം സൃഷ്ടിയ്ക്കുന്നു. ഇതും പ്രായമാകുമ്പോഴുളള ഉറക്കക്കുറവിന്റെ പ്രധാന കാരണങ്ങളില്‍ പെടുന്നു.
കാഴ്ചത്തകരാറുകള്‍
പ്രായമാകുമ്പോളുണ്ടാകുന്ന കാഴ്ചത്തകരാറുകള്‍ ഉറക്കക്കുറവിനുള്ള പ്രധാന കാരണങ്ങളില്‍ പെടുന്ന ഒന്നാണ്. കണ്ണിലൂടെ ഇരുട്ടും പ്രകാശവും വഴി ബ്രെയിനിന് സന്ദേശങ്ങള്‍ ലഭിയ്ക്കുന്നതും മെലാട്ടോനിന്‍ ഉല്‍പാദനത്തിന് സഹായിക്കുന്നു. എന്നാല്‍ കാഴ്ചശക്തി കുറയുമ്പോള്‍ തലച്ചോറിന് ഇത്തരം സന്ദേശങ്ങള്‍ ലഭിയ്ക്കുന്നത് കുറയുന്നതിലൂടെയും ഉറക്കക്കുറവുണ്ടാകുന്നു.
ശാരീരിക വേദനകള്‍
നമ്മുടെ ശാരീരിക, മാനസിക ആരോഗ്യക്കുറവും ഉറക്കക്കുറവിന് കാരണമാകാറുണ്ട്. മാകുമ്പോഴുണ്ടാകുന്ന ശാരീരിക അസ്വസ്ഥതകള്‍, ശാരീരിക വേദനകള്‍ നല്ല ഉറക്കത്തിന് തടസം നില്‍ക്കുന്നു. ഇതു പോലെ മാനസികമായി ബുദ്ധിമുട്ടുകള്‍ പലര്‍ക്കുമുണ്ടാകുന്ന അവസരം കൂടിയാണ് വാര്‍ദ്ധക്യം. ഇതും ഉറക്കക്കുറവിന് കാരണമാകുന്നു. ശരീരത്തിന് നല്ല വ്യായാമം ലഭിയ്ക്കുന്നത് നല്ല ഉറക്കത്തിന് സഹായിക്കുന്നു. വാര്‍ദ്ധക്യത്തില്‍ ഈ ഗുണം ലഭിയ്ക്കുന്നവര്‍ വളരെ കുറവായിരിയ്ക്കും. ഇതും ഉറക്കക്കുറവിന് കാരണമാകുന്ന ഒന്നാണ്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
