വെള്ളം
നന്നായി വെള്ളം കുടിച്ചാല്‍ മാത്രമാണ് ചര്‍മ്മത്തിലെ മോയ്‌സ്ച്വര്‍ കണ്ടന്റ് നിലനിര്‍ത്താന്‍ സാധിക്കുകയുള്ളൂ. ചര്‍മ്മത്തില്‍ മോയ്‌സ്ച്വര്‍ കണ്ടന്റ് ഇല്ലെങ്കില്‍ ചര്‍മ്മം വല്ലാതെ വരണ്ട് പോകും. വരണ്ട ചര്‍മ്മക്കാരില്‍ പെട്ടെന്ന് ചുളിവുകള്‍ വീഴാന്‍ സാധ്യത കൂടുതലാണ്. ഇവ മാത്രമല്ല, പ്രായം പെട്ടെന്ന് തോന്നിപ്പിക്കുന്നതും വരണ്ട ചര്‍മ്മകാര്‍ക്കാണ്.
ശരീരത്തിന്റെ പ്രവര്‍ത്തനത്തിന് വേണ്ടത്ര വെള്ളം ലഭിച്ചില്ലെങ്കില്‍ അത് ചര്‍മ്മത്തില്‍ നിന്നും വെള്ളം വലിച്ച് എടുക്കുന്നു. ഇത് വരണ്ട ചര്‍മ്മത്തിലേയ്ക്ക് നയിക്കും. ഇത്തരം അവസ്ഥകള്‍ ഒഴിവാക്കാനും ചര്‍മ്മത്തിന് യുവത്വം നിലനിര്‍ത്താനും വെള്ളം കുടിക്കാന്‍ മറക്കരുത്. ഒരു ദിവസം കുറഞ്ഞത് മൂന്ന് ലിറ്റര്‍ വെള്ളമെങ്കിലും കുടിക്കണം എന്നാണ് പറയുന്നത്.
ഒറ്റ ഇരിപ്പിന് ധാരാളം വെള്ളം കുടിക്കാതിരിക്കാന്‍ ശ്രദ്ധിക്കുക. ചെറിയ സിപ്പ് സിപ്പായി സാവധാനത്തില്‍ വെള്ളം കുടിക്കാന്‍ ശ്രദ്ധിക്കുക. അതുപോലെ, ഇരുന്ന് കുടിക്കുന്നതും നല്ലതാണ്. ഇത്തരത്തില്‍ കുടിച്ചാല്‍ മാത്രമാണ് ശരീരത്തിലേയ്ക്ക് വെള്ളത്തിന്റെ ഗുണം ലഭിക്കുകയുള്ളൂ.
പഴം- പച്ചക്കറികള്‍
ചര്‍മ്മത്തന്റെ ആരോഗ്യത്തിന് പ്രോട്ടീന്‍ അനിവാര്യം തന്നെ. അതുപോലെ, നല്ലപോഷകങ്ങളും നമ്മളുടെ ശരീരത്തിലേയ്ക്ക് എത്തണം. ഇതിനായി നന്നായി പഴം പച്ചക്കറികള്‍ ആഹാരത്തില്‍ ഉള്‍പ്പെടുത്താന്‍ ശ്രദ്ധിക്കാവുന്നതാണ്.
പഴം പച്ചക്കറികള്‍ എന്ന് കേള്‍ക്കുമ്പോള്‍ നല്ല പൈസ കൊടുത്ത് വാങ്ങുന്നത് തന്നെ വേണം എന്നില്ല. ചര്‍മ്മം സംരക്ഷിക്കാന്‍ നമ്മളുടെ വീട്ടിലുള്ള പപ്പായ തന്നെ ധാരാളമാണ്. നല്ലപോലെ നാരുകളും അതുപോലെ വെള്ളത്തിന്റെ അംശവുമുള്ള പച്ചക്കറികളും പഴങ്ങളും കഴിക്കാം.
അതുപോലെ, വിറ്റമിന്‍ സി, വിറ്റമിന്‍ ഇ എന്നിവ അടങ്ങിയ ഓറഞ്ച്, പൈനാപ്പിള്‍, മധുരക്കിഴങ്ങ എന്നിവയെല്ലാം കഴിക്കുന്നത് ചര്‍മ്മത്തിന്റെ ആരോഗ്യത്തിന് നല്ലത് തന്നെ. പക്ഷേ, കഴിക്കുമ്പോള്‍ മിതമായ രീതിയില്‍ മാത്രം കഴിക്കാന്‍ ശ്രദ്ധിക്കുക. ഇല്ലെങ്കില്‍ ആരോഗ്യ പ്രശ്‌നങ്ങള്‍ അലട്ടും.
മഴക്കാല ചര്‍മ്മ സംരക്ഷണം
മഴക്കാലത്തും ചർമ്മസംരക്ഷണത്തിൽ വിട്ടുവീഴ്ച വേണ്ടേ വേണ്ട
മസാജ്
എന്നും രാവിലെ എഴുന്നേറ്റ ഉടനെ നിങ്ങളുടെ മുഖത്തിന് ചെറിയ രീതിയില്‍ മസാജ്‌നല്‍കുന്നത് എത്രത്തോളം ഗുണകരമാണെന്ന് പലര്‍ക്കും അറിയുകയില്ല. രാവിലെ തന്നെ മസാജ് ചെയ്താല്‍ ചര്‍മ്മത്തിലെ കുരുക്കള്‍ കുറയാനും കൊളാജീന്‍ ഉല്‍പാദനം വര്‍ദ്ധിപ്പിക്കാനും ഇത് സഹായിക്കുന്നുണ്ട്.
കൊളാജീന്‍ ഉല്‍പാദനം വര്‍ദ്ധിച്ചാല്‍ മാത്രമാണ് ചര്‍മ്മത്തില്‍ ചുളിവുകള്‍ വീഴാതെ യുവത്വം നിലനിര്‍ത്താന്‍ സാധിക്കുകയുള്ളൂ. അതുപോലെ, ചര്‍മ്മത്തിലേയ്ക്ക് രക്തോട്ടം വര്‍ദ്ധിപ്പിക്കാനും ചര്‍മ്മത്തിന് നല്ല ഗ്ലോ നല്‍കാനും ഇത് സഹായിക്കുന്നുണ്ട്.
ചൂട്
ചര്‍മ്മത്തില്‍ അമിതമായി ചൂട് ഏല്‍ക്കുന്നത് കരുവാളിപ്പ് മാത്രമല്ല സൃഷ്ടിക്കുന്നത്. ഇത് ചര്‍മ്മത്തില്‍ വേഗത്തില്‍ ചുളിവുകള്‍ വീഴ്ത്താനും പ്രായക്കൂടുതല്‍ തോന്നിപ്പിക്കുന്നതിനും കാരണമാകുന്നുണ്ട്. അതിനാല്‍ സൂര്യനില്‍ നിന്നും കൃത്യമായ സംരക്ഷണം ചര്‍മ്മത്തിന് നല്‍കാന്‍ ശ്രദ്ധിക്കുക.
പരമാവധി ചൂടില്‍ അധിക സമയം എക്‌സോപ്‌സ്ഡ് ആകാതിരിക്കാന്‍ ശ്രദ്ധിക്കാം. അതുപോലെ, പുറത്ത് പോകുമ്പോള്‍ സണ്‍സ്‌ക്രീന്‍ പുരട്ടിയാലും കുട, അല്ലെങ്കില്‍ തൊപ്പി എന്നിവ ധരിക്കാന്‍ മറക്കരുത്. അത് മഴക്കാലത്തായാലും സണ്‍സ്‌ക്രീന്‍ പുരട്ടേണ്ടത് അനിവാര്യമാണ്. നിങ്ങളുടെ ചര്‍മ്മ സംരക്ഷണത്തിന്റെ ഒരു ഭാഗമായി സണ്‍സ്‌ക്രീന്‍ കരുതേണ്ടത് അനിവാര്യം.
വ്യായാമം
അത്യാവശ്യം കുറച്ച് സമയമെങ്കിലും വ്യായാമം ചെയ്യുന്നത് ചര്‍മ്മത്തിന്റെ ആരോഗ്യം നിലനിര്‍ത്താന്‍ സഹായിക്കുന്നുണ്ട്. ഇത് ചര്‍മ്മത്തിേയ്ക്ക് രക്തോട്ടം നിലനിര്‍ത്താനും അതുപോലെ, ചര്‍മ്മത്തില്‍ നിന്നും മാലിന്യങ്ങള്‍ നീക്കം ചെയ്യാനും ചര്‍മ്മത്തിന് നല്ല യുവത്വവും തിളക്കവും നല്‍കാനും സഹായിക്കുന്നുണ്ട്.
അതിനാല്‍, അത്യാവശ്യം വിയര്‍ക്കുന്ന രീതിയില്‍ ശരീരം അനങ്ങിയുള്ള വ്യായാമങ്ങള്‍ ചെയ്യുന്നത് നല്ലതാണ്. അതിനായി നിങ്ങള്‍ക്ക്, നിങ്ങളുടെ ആരോഗ്യ സ്ഥിതിയ്ക്ക് ചേരുന്ന വ്യായാമങ്ങള്‍ തന്നെ തിരഞ്ഞെടുക്കാം.
Also Read: മുഖത്ത് ചുളിവുകൾ വീഴാതെ സംരക്ഷിക്കണോ? നിമിഷ നേരത്തിൽ ചെയ്യാം ഈ പായ്ക്കുകൾ
