മുടി ട്രിം ചെയ്താല്‍ നിശ്ചിത നീളം വിട്ട് വളരുന്നില്ലേ, കാര്യം
Authored by Saritha PV | Samayam Malayalam | Updated: 3 Jul 2023, 2:34 pm
മുടി വെട്ടിയാല്‍ ഒരു നിശ്ചിത നീളം വിട്ട് പിന്നീട് വളരാത്ത കാര്യം നാം പലരും ശ്രദ്ധിച്ച് കാണും. ഇതിന് പുറകിലെ വാസ്തവം അറിയേണ്ടേ.
ഗ്രോത്ത് സൈക്കിളുണ്ട്
മുടിയ്ക്ക് ഒരു പ്രത്യേക ഗ്രോത്ത് സൈക്കിളുണ്ട്. അതായത് വളരുന്ന കാലഘട്ടം. മാസത്തില്‍ അര ഇഞ്ച് നീളത്തിലാണ് മുടി വളരുക. ഇതിനേക്കാള്‍ കൂടുതല്‍ എന്തെല്ലാം ചെയ്താലും മുടി വളരുന്നില്ല. ഈ ഗ്രോത്ത് സൈക്കിള്‍ എന്നത് 2 മുതല്‍ ആറ് വര്‍ഷം വരെയാണ് നീണ്ടു നില്‍ക്കുന്നതും. എന്നാല്‍ ഈ ഗ്രോത്ത് സൈക്കിള്‍ പല വ്യക്തികളിലും പല തരത്തിലാകാം. പ്രത്യേകിച്ചു പാരമ്പര്യം.
രാത്രി ഒഴിവാക്കാം ഈ ഭക്ഷണങ്ങൾ
രാത്രി ഒഴിവാക്കാം ഈ ഭക്ഷണങ്ങൾ
മുടിയുടെ വളര്‍ച്ചാഘട്ടത്തില്‍
ഗ്രോത്ത് സൈക്കിളിലില്‍, അതായത് മുടിയുടെ വളര്‍ച്ചാഘട്ടത്തില്‍ മുടി എല്ലാ മാസവും അര ഇഞ്ച് വീതം വളരും. ഗ്രോത്ത് സൈക്കിള്‍ അവസാനിയ്ക്കുമ്പോള്‍ ഇത് നിലയ്ക്കുകയും പിന്നീട് ഈ മുടി കൊഴിയുകയും ചെയ്യുന്നു. മുടി വളര്‍ച്ചയ്ക്കായി ബ്രെയിന്‍ സിഗ്നലുകള്‍ മുടി വളരുന്ന രോമകൂപങ്ങളിലേയ്ക്ക് അയക്കുന്നുണ്ട്.
ഈ സിഗ്നലുകള്‍ അനുസരിച്ചാണ് മുടി വളരുന്നത്. ഈ സിഗ്നലുകള്‍ ബ്രെയിന്‍ അയക്കുന്നത് നിര്‍ത്തുമ്പോള്‍ മുടി വളരുന്നത് നിലയ്ക്കുകയും ചെയ്യുന്നു. ഇതിലൂടെ ശിരോചര്‍മത്തിലെ രോമകൂപങ്ങള്‍ക്കുള്ള രക്തപ്രവാഹം നിലയ്ക്കുന്നു. ഇതോടെ മുടി വളരുന്നത് നിലയ്ക്കുന്നു. രക്ത പ്രവാഹം എന്നത് മുടി വളരാന്‍ ഏറെ പ്രധാനമാണ്.
എല്ലാ മുടിയും
എന്നാല്‍ ഗ്രോത്ത് സൈക്കിള്‍ അവസാനിച്ചാലും മുടി കൊഴിച്ചിലുണ്ടാകുമെങ്കിലും ഒറ്റയടിയ്ക്ക് മുടി നഷ്ടപ്പെടുന്നില്ല. കാരണം ഓരോരോ രോമകൂപങ്ങളുടെ ഗ്രോത്ത് സൈക്കിളും വ്യത്യസ്തമാണ്. ചിലതിന്റെ സൈക്കിള്‍ നേരത്തെ അവസാനിയ്ക്കുന്നു, മറ്റു ചിലതിന്റെ വൈകിയും. കാരണം മുടി വളരുന്നതും വ്യത്യസ്ത സൈക്കിളുകളാണ്.
ഇതിനാല്‍ തന്നെ എല്ലാ മുടിയും ഒരുമിച്ച് പോകുന്നുമില്ല. ഓരോന്നിനും അതിന്റേതായ വളര്‍ച്ചാ ഘട്ടമായതിനാല്‍ തന്നെയും ശിരോരോമകൂപങ്ങളുടെ മൂന്ന് ശതമാനം മാത്രമേ കൊഴിയുന്ന ഘട്ടത്തിലൂടെ കടന്ന് പോകുന്നില്ല.
മുടിയുടെ നീളം
ഇതിനാല്‍ തന്നെ ആ നിശ്ചിത വളര്‍ച്ചാ ഘട്ടമെത്തുന്നതോടെ മുടിയുടെ നീളം വയ്ക്കുന്നത് സ്വാഭാവികമായി കുറയുകയും ചെയ്യുന്നു. ഇതില്‍ കൂടുതല്‍ വ്യത്യാസങ്ങള്‍ വരുന്നത് പാരമ്പര്യ ജീനുകളിലൂടെ മുടിയ്ക്ക് നല്ല വളര്‍ച്ചാ ചക്രമുള്ളവര്‍ക്കാണ്. ഇതിനാലാണ് മുടി നാം ട്രിം ചെയ്യുമ്പോള്‍ ഉള്ളയത്ര നീളം വേഗം എത്തുന്നതും പിന്നീട് ചിലപ്പോള്‍ മുടി എത്ര നാള്‍ കഴിഞ്ഞാലും നീളം വയ്ക്കാതിരിയ്ക്കുന്നതും.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
