അടുക്കളയിൽ കയറി കുറച്ച് സവാളയും ഉലുവയും എടുത്തോ, നല്ല ഉള്ളോടെ മുടി വളർത്തിയെടുക്കാം

സവാള നീര്

അടുക്കളയിൽ കറി വയ്ക്കാൻ ഉപയോഗിക്കുന്ന സവാള മുടി വളരാൻ ഏറെ മികച്ചതാണ്.
ആന്റി ഫംഗല്‍, ആന്റി ബാക്ടീരിയല്‍ ഗുണങ്ങളാൽ സമ്പന്നമാണ് സവാള. ശിരോ ചർമ്മത്തിൽ ഉണ്ടാകുന്ന താരൻ പോലുള്ളവയെ പ്രശ്നങ്ങളെ തടയാനും മുടികൊഴിച്ചിൽ നിയന്ത്രിച്ച് മുടിവളരാൻ സഹായിക്കുന്നതുമാണ് സവാള.
സവാളയും ചെറിയ ഉള്ളിയും ഒരുപോലെ ഫലപ്രദമാണെന്ന് തന്നെ പറയാം. മുടിയുടെ പുറംപാളിയായ കെരാറ്റിനിലെ കേടുപാടുകൾ മാറ്റാൻ സവാള നീര് ഏറെ നല്ലതാണ്. മുടി കൊഴിഞ്ഞ് കട്ടി ഇല്ലാതാകുന്നത് തടയാൻ ഏറെ മികച്ചതാണ് സവാളയും ഉലുവയും ചേർത്തുള്ള ഈ കൂട്ട്.

മുടി തഴച്ചു വളരാൻ ചെയ്യേണ്ട കാര്യങ്ങൾ

വെളിച്ചെണ്ണ

മുടി വളരാൻ ഏറെ നല്ലതാണ് വെളിച്ചെണ്ണ. നല്ല രീതിയിൽ മുടിയിൽ വെളിച്ചെണ്ണ മസാജ് ചെയ്യുന്നത് മുടി വളരാൻ ഏറെ സഹായിക്കും. പൊതുവെ എല്ലാ വീടുകളിലും വെളിച്ചെണ്ണ ഉപയോഗിച്ച് കാച്ചുന്ന എണ്ണയാണ് തലയിൽ തേയ്ക്കാൻ ഉപയോഗിക്കുന്നത്. ശിരോചർമ്മത്തിന് പോഷണം നൽകുകയും മുടിയെ വേരിൽ നിന്ന് ബലപ്പെടുത്താൻ സഹായിക്കുകയും ചെയ്യുന്നതാണ് വെളിച്ചെണ്ണ. അതുപോലെ സൂര്യപ്രകാശത്തിൽ നിന്ന് മുടിയ്ക്ക് ഉണ്ടാകുന്ന കേടുപാടുകൾ എളുപ്പത്തിൽ മാറ്റാൻ സഹായിക്കുന്നതാണ് വെളിച്ചെണ്ണ.

ഉലുവ

താരനും മുടികൊഴിച്ചിലും മാറ്റാനുള്ള ഏറ്റവും മികച്ച പരിഹാര മാർഗമാണ് ഉലുവ. മുടി കരുത്തേകുന്ന ഘടകമാണ് ഉലുവ. ഇതിൽ അടങ്ങിയിരിക്കുന്ന അമിനോ ആസിഡ് മുടി വളർച്ചയെ പ്രോത്സാഹിപ്പിക്കുന്നതാണ്. ഫോളിക് ആസിഡ്, വൈറ്റമിൻ എ, വൈറ്റമിൻ സി എന്നിവ ധാരാളമായി അടങ്ങിയിട്ടുണ്ട്. ഇത് മുടി വളർച്ചയെ വളരെയധികം സഹായിക്കുന്നതാണ്. ഉലുവ കുതിർത്ത് അരച്ച് വേണം മുടിയിൽ തേയ്ക്കാൻ.

Also Read: മുടി കൊഴിച്ചിൽ മാറ്റാൻ അടുക്കളയിലെ ഈ വിരുതൻമാർ മാത്രം മതി​

പായ്ക്ക് തയാറാക്കാൻ

ഒരു സവാള ചെറിയ കഷണങ്ങളാക്കി അരിഞ്ഞ് അത് മിക്സിയിലിട്ട് അരച്ച് സവാള നീര് എടുക്കുക. ഇതിലേക്ക് തലേന്ന് ദിവസം കുതിർത്ത് വച്ച ഉലുവയുടെ വെള്ളം ഒഴിക്കുക. ഒരു ടീ സ്പൂൺ ഉലുവയിലേക്ക് 2 ടീ സ്പൂൺ വെള്ളം ഒഴിച്ച് കുതിർക്കുക. ഈ വെള്ളം വേണം സവാള നീരിലേക്ക് ചേർക്കുക. അതിന് ശേഷം ഇതിലേക്ക് വെളിച്ചെണ്ണയോ അല്ലെങ്കിൽ വൈറ്റമിൻ ഇ ഓയിലോ ഒഴിച്ച് കൊടുക്കാവുന്നതാണ്. ഇവയെല്ലാം ചേർത്ത് നന്നായി യോജിപ്പിച്ച ശേഷം ഇത് മുടിയിൽ തേച്ച് പിടിപ്പിക്കുക. തലയോട്ടി നന്നായി മസാജ് ചെയ്ത് കൊടുക്കുക. അൽപ്പ സമയത്തിന് ശേഷം മുടി കഴുകി വ്യത്തിയാക്കാം.

English Summary: Hair fall remedy

Disclaimer: പൊതുവിവരങ്ങളുടെ അടിസ്ഥാനത്തിലാണ് ലേഖനം തയാറാക്കിയിരിക്കുന്നത്. പരീക്ഷിക്കുന്നതിന് മുൻപ് പാച്ച് ടെസ്റ്റ് ചെയ്യാൻ മറക്കരുത്.

​കൂടുതൽ ബ്യൂട്ടി വാർത്തകൾ വായിക്കാൻ ഇവിടെ ക്ലിക്ക് ചെയ്യുക. ​