പ്രായമായി ചർമ്മത്തിൽ ചുളിവ് വീഴുന്നത് തടയാൻ ലക്ഷ്മി നായർ പറയുന്ന ഫേസ് പായ്ക്ക്

സൗന്ദര്യമാണെങ്കിലും പാചകമാണെങ്കിലും ലക്ഷ്മി നായരുടെ കൈയിൽ ഭദ്രമാണെന്ന് എല്ലാവർക്കുമറിയാവുന്ന കാര്യമാണ്. പൊതുവെ ചർമ്മ സൗന്ദര്യത്തിന് വേണ്ടി നിരവധി ടിപ്പുകൾ പാചക വിദഗ്ധയും ആങ്കറുമായ ലക്ഷ്മി നായർ സോഷ്യൽ മീഡിയയിലൂടെ പങ്ക് വയ്ക്കാറുണ്ട്. വീട്ടിലിരുന്ന് എളുപ്പത്തിൽ ചെയ്യാൻ കഴിയുന്ന സിമ്പിൾ ഹാക്കുകളാണ് പൊതുവെ ലക്ഷ്മി നായർ സോഷ്യൽ മീഡിയയിൽ പങ്ക് വയ്ക്കുന്നത്. ഇത്തവണ യുവത്വം നിലനിർത്തി ചർമ്മത്തിലെ പ്രായമാകുന്ന പ്രശ്നങ്ങളെ പരിഹരിക്കാനുള്ള ഒരു പൊടിക്കൈയാണ്. പ്രായമാകുന്നത് തടഞ്ഞ് നിർത്താൻ കഴിയില്ലെങ്കിലും ഒരു പരിധി വരെ ഇത് മൂലം ഉണ്ടാകുന്ന ചുളിവുകളും പാടുകളുമൊക്കെ മാറ്റാനുള്ള വഴികളുണ്ട്. ഇതിനായി നിരവധി ട്രീറ്റ്മെൻ്റുകൾ ഉണ്ടെങ്കിലും ഇവ വളരെ ചിലവേറിയതാണെന്നും ലക്ഷ്മി നായർ പറയുന്നുണ്ട്. അതുകൊണ്ട് തന്നെ പാർശ്വഫലങ്ങളില്ലാതെ വീട്ടിൽ തന്നെ ചെയ്യാൻ കഴിയുന്ന പായ്ക്കുകളാണ് എപ്പോഴും നല്ലത്.

അരിപ്പൊടി

ചർമ്മം തിളങ്ങാൻ അരിമാവിനുള്ള പങ്ക് വളരെ വലുതാണ്. കൊറിയൻ, ജാപ്പനീസ് സൗന്ദര്യ കൂട്ടുകളിലെ പ്രധാനിയാണ് അരിപ്പൊടി. ചർമ്മത്തിൻ്റെ പല പ്രശ്നങ്ങളും ഇല്ലാതാക്കാൻ ഇത് സഹായിക്കും. ചർമ്മം തിളങ്ങാനും മൃദുവാക്കാനും അരിപ്പൊടി വളരെയധികം സഹായിക്കും. എളുപ്പത്തിൽ വീടുകളിൽ ലഭ്യമാകുന്നതുമാണ് അരിപ്പൊടി. മുഖക്കുരു, മുഖത്തെ പാടുകൾ, നിർജ്ജീവ കോശങ്ങൾ എന്നിവയെല്ലാം ഇല്ലാതാക്കാൻ അരിപ്പൊടി ഏറെ നല്ലതാണ്. ചർമ്മത്തെ കൂടുതൽ നന്നാക്കാൻ സഹായിക്കുന്നതാണ് അരിപ്പൊടിയെന്ന് തന്നെ പറയാം. ഈ കൂട്ട് തയാറാക്കാൻ അരിപ്പൊടിയോ അല്ലെങ്കിൽ ദോശയ്ക്കോ ഇഡ്ഡിലിക്കോ അരച്ച് വച്ചിരിക്കുന്ന മാവോ മതിയാകും.

ചർമ്മത്തിലെ എണ്ണമയം കുറയ്ക്കാനുള്ള ടിപ്പ്സ്

ബദാം ഓയിൽ

ചർമ്മത്തെ നന്നായി മോയ്ചറൈസ് ചെയ്യാൻ സഹായിക്കുന്നതാണ് ബദാം ഓയിൽ. ചർമ്മം മൃദുവാക്കാൻ സഹായിക്കുന്ന ധാരാളം ഘടകങ്ങൾ ഇതിൽ അടങ്ങിയിട്ടുണ്ട്. ബദാം ഓയിലിലെ വൈറ്റമിൻ എ, ഇ, ഒമേഗ -3 ഫാറ്റി ആസിഡുകൾ എന്നിവ അടങ്ങിയിട്ടുണ്ട്. ഇത് ഫ്രീ റാഡിക്കലുകളെ നശിപ്പിക്കുന്നതിന്റെ ഫലങ്ങളെ ചെറുക്കാൻ ചർമ്മത്തെ സഹായിക്കും. അകാല വാർദ്ധക്യത്തിന്റെ ലക്ഷണങ്ങളായ ചുളിവുകൾ, നേർത്ത വരകൾ, പാടുകൾ തുടങ്ങിയവ ഒഴിവാക്കുന്നതിന് ഇത് ഏറെ മികച്ചതാണ്. ചർമ്മത്തിൽ നിലവിൽ ഫൈൻ ലൈനുകൾ പോലുള്ളവ പ്രത്യക്ഷമാവുന്നുണ്ടെങ്കിൽ ഇതിനെ നേരിടാനും പുതിയ ചർമ കോശങ്ങളുടെ ഉത്പാദനത്തെ ഉത്തേജിപ്പിച്ചു കൊണ്ട് പാടുകളും ചുളിവുകളും കുറയ്ക്കാനും ബദാം ഓയിൽ ഉപയോഗം സഹായിക്കും.

ഉഴുന്ന്

ചർമ്മം തിളങ്ങാൻ ഏറ്റവും മികച്ചതാണ് ഉഴുന്ന് എന്ന് പറഞ്ഞാൽ ഒരുപക്ഷെ പലരും സംശയിക്കും. ചർമ്മത്തിലെ നിർജ്ജീവ കോശങ്ങളെ പുറന്തള്ളാൻ ഇത് സഹായിക്കും. ഇത് ആൻ്റി ബാക്ടീരിയലായത് കൊണ്ട് ചർമ്മത്തിലെ കറുത്ത പാടുകളും കുരു വന്ന പാടുകളും ഇല്ലാതാക്കാൻ സഹായിക്കും. ഇതൊരു ആൻ്റി ഏജിംഗ് ഏജൻ്റാണ്. ചർമ്മത്തിലെ കോശങ്ങളെ പുനരുജ്ജീവിപ്പിക്കാൻ ഏറെ നല്ലതാണ്. ആൻ്റി ഏജിംഗ് ഘടകങ്ങൾ വളരെയധികം ഉള്ളതാണ് ഉഴുന്ന്.

Also Read: ചർമ്മം കൂടുതൽ മൃദുവാക്കാനും തിളങ്ങാനും അരിപ്പൊടിയും തൈരും ചേർത്തൊരു മാസ്ക്

ചർമ്മത്തിലെ മാറ്റങ്ങൾ

പ്രായമാകും തോറും പല തരത്തിലുള്ള മാറ്റങ്ങളാണ് ചർമ്മത്തിലുണ്ടാകുന്നത്. ചുളിവുകൾ വീഴുക, ചർമ്മത്തിൻ്റെ ഇലാസ്തികത നഷ്ടമാകുക തുടങ്ങി നിരവധി പ്രശ്നങ്ങൾ പലരും നേരിടാറുണ്ട്. അതുപോലെ പിഗ്മൻ്റെഷനും പ്രധാന പ്രശ്നമാണ്. 40 വയസ് ആകുമ്പോൾ തന്നെ ചർമ്മത്തിലെ കൊളാജൻ ഉത്പ്പാദം കുറയാൻ തുടങ്ങും. ഇത് ചർമ്മത്തിൻ്റെ ഭംഗി നഷ്ടപ്പെടുത്താൻ കാരണമാകും. 25 വയസ് മുതൽ തന്നെ ചർമ്മ സംരക്ഷണത്തിൽ ശ്രദ്ധിക്കണമെന്ന് ലക്ഷമി നായർ പറയുന്നു.

പായ്ക്ക് തയാറാക്കാൻ

അരിപ്പൊടിയും ഉഴുന്നും അരച്ച് എടുക്കുകയോ അല്ലെങ്കിൽ ദോശയോ, ഇഡ്ഡിലിയോ തയാറാക്കാൻ വച്ചിരിക്കുന്ന മാവോ ഈ മാസ്കിനായി ഉപയോഗിക്കാവുന്നതാണ്. ഇതിലേക്ക് ഒരു സ്പൂൺ ബദാം ഓയിലും ചേർത്ത് നന്നായി യോജിപ്പിക്കുക. ഇത് മുഖത്ത് തേച്ച് ഉണങ്ങിയ ശേഷം അൽപ്പം വെള്ളം ഉപയോഗിച്ച് സ്ക്രബ് ചെയ്ത് കഴുകി വ്യത്തിയാക്കാവുന്നതാണ്. ആഴ്ചയിൽ മൂന്നോ, നാലോ ദിവസം ഇത് ചെയ്യാവുന്നതാണ്. ചർമ്മത്തിലെ ഇലാസ്തികതയും അതുപോലെ മൃദുത്വവും നിലനിർത്താൻ ഇത് സഹായിക്കും.

English Summary: Anti ageing face pack

Disclaimer: പൊതുവിവരങ്ങളുടെ അടിസ്ഥാനത്തിലാണ് ലേഖനം തയാറാക്കിയിരിക്കുന്നത്. പരീക്ഷിക്കുന്നതിന് മുൻപ് പാച്ച് ടെസ്റ്റ് ചെയ്യാൻ മറക്കരുത്.

കൂടുതൽ ബ്യൂട്ടി വാർത്തകൾ വായിക്കാൻ ഇവിടെ ക്ലിക്ക് ചെയ്യുക.